उपमुख्यमंत्री देवेंद्र फडणवीस यांचा जोरदार टोला; ‘’समझने वालो को इशारा काफी…’’
विशेष प्रतिनिधी
मुंबई : महाराष्ट्राच्या राजकारणात कायमच नवनवीन आणि चर्चा, वाद निर्माण होईल अशा घडामोडी सुरू असतात. सध्या राज्यात लवकरच राजकीय भूकंप होणार असल्याचं बोललं जात आहेत, मागील काही दिवसांमध्ये तशा काही घडामोडीही दिसून आल्या होत्या. मात्र जो भूकंप होणार आहे तो कोणासाठी नुकसानादायी ठरणार हे अद्याप स्पष्ट झालेलं नाही. कारण, विरोधक आणि सत्ताधारी दोन्ही बाजूंकडून एकमेकांवर निशाणा साधणे, टीका-टिप्पणी करणे सुरूच आहे. दरम्यान, आता ठाकरे गटाचे खासदार संजय राऊत यांनी राज्यातील सरकार पंधरा दिवसांत कोसळणार असल्याचं भाकीत केलं आहे. ज्यावरून विविध प्रतिक्रिया समोर येत आहेत. Even in our politics some people try to wrestle after getting drunk at nine in the morning Devendra Fadnavis
याच पार्श्वभूमीवर उपमुख्यमंत्री देवेंद्र फडणवीस यांचीही प्रतिक्रिया समोर आली आहे. मात्र देवेंद्र फडणवीसांनी आपल्या खास पद्धतीने कोणाचाही नामोल्लेख न करता, समोरच्याला जोरदार टोला लगावल्याचे दिसून आले आहे. शिवाय फडणवीसांनी हा टोला नेमका कोणाला लगावला, त्याचे नावही जनतेला बरोबर समजले आहे.
देवेंद्र फडणवीसांनी एका कुस्ती स्पर्धेच्या उद्घाटनाचा व्हिडीओ ट्वीटरवर शेअर करत, त्यासोबत त्यांच्या भाषणातील वाक्यंदेखील जोडली आहेत. ज्याला सुरुवातास राजकारणात पण कुस्ती… असा मथळा जोडला आहे.
या व्हिडीओत फडणवीस म्हणतात, ‘’राजकारणातही काही कुस्त्या चाललेल्या आहेत. पण आपल्याला माहीत आहे जसं कुस्तीमध्ये डोपिंग आलं, काही लोक नशा करून कुस्ती खेळायला लागले म्हणून त्यांना बाद केलं. आमच्या राजकारणातही अलीकडच्या काळामध्ये सकाळी नऊ वाजता काही लोक नशा करून, कुस्ती खेळाचा प्रयत्न करतात. पण नशा केलेल्या पैलवानांना कुस्तीतून बादच व्हावं लागतं. जे असली मातीचे पैलवान असतात, तेच कुस्त्या जिंकतात तुमच्या आशीर्वादाने आम्ही एकनाथ शिंदेंच्या नेतृत्वात कुस्ती जिंकली आहे, २०२४ला पुन्हा जिंकू. तुमचा आशीर्वाद असाच आमच्या पाठीशी राहू द्या. ‘’
https://youtube.com/shorts/W7rASzJIXXA?feature=share
शिवसेना फुटून ठाकरेंकडून धनुष्यबाण निघून गेले आणि आता हातावरून घड्याळही निसटले. एकूणच महाविकास आघाडीचे राजकीय प्रयोजन आता संपले आहे, असेच महाविकास आघाडीतल्या नेत्यांच्या वक्तव्यांवरून स्पष्ट होत आहे.
Even in our politics some people try to wrestle after getting drunk at nine in the morning Devendra Fadnavis
महत्वाच्या बातम्या
- कुपोषण संपवण्यासाठी राज्य सरकारची अनोखी मोहीम; अन्नाचा दर्जा तपासणाऱ्या ‘AI’ यंत्राचं लोकार्पण
- आसाम युवक काँग्रेसच्या महिला अध्यक्षाला छळणाऱ्या युवक काँग्रेस राष्ट्रीय अध्यक्षांविरुद्ध आसाम पोलिसांची कठोर कायदेशीर कारवाई
- जागतिक पुस्तक दिनाच्या शुभेच्छा देताना खासदार अमोल कोल्हेंनी दाखविली राजकीय प्रवासाची सूचक दिशा!!
- बुलढाण्याच्या भेंडवळ घटमांडणीचे भाकीत : राजा कायम राहणार, पण रोगराई पसरण्याची धोका, वाचा पावसाचा अंदाज