विशेष प्रतिनिधी
नवी दिल्ली : कडाक्याच्या थंडीत दिल्लीच्या ऐतिहासिक राजपथावर आणि करिअप्पा परेड ग्राऊंडवर महाराष्ट्रातील राष्ट्रीय सेवा योजनेचे(एनएसएस) ८आणि गोव्यातील २ असे एकूण १० विद्यार्थी-विद्यार्थीनी कसून सराव करीत आहेत. Eight Maharashtra NSS students practice for Rajpath road movement
यावर्षी ७३व्या प्रजासत्ताक दिनी राजपथावर होणाऱ्या पथसंचलनासाठी केंद्रीय क्रीडा व युवक कल्याण मंत्रालयाच्यावतीने एनएसएस सराव शिबिराला येथील चाणक्यपुरी भागातील इंटरनॅशनल यूथ होस्टेलमध्ये १ जानेवारी पासून सुरुवात झाली आहे. देशभरातील १५ विभागांमधून एकूण १५० एनएसएसचे विद्यार्थी- विद्यार्थीनी या शिबिरात सहभागी झाले आहेत. पश्चिम (पुणे) विभागात समावेश असणाऱ्या महाराष्ट्रातून ४ विद्यार्थी आणि ४ विद्यार्थीनी तर गोव्यातून प्रत्येकी १ विद्यार्थी आणि १ विद्यार्थीनी असे एकूण १० विद्यार्थी- विद्यार्थीनी या शिबीरात सराव करीत आहेत.
कोरोनाच्या पार्श्वभूमीवर यावर्षी एनएसएस सराव शिबिरात महाराष्ट्रातील ८ विद्यार्थी- विद्यार्थीनी सहभागी झाल्या आहेत. दरवर्षी महाराष्ट्रातून १४ विद्यार्थी- विद्यार्थीनी सहभागी होतात, तसेच देशभरातून २०० ऐवजी १५० विद्यार्थी-विद्यार्थीनींचा सहभाग आहे.
हे शिबीर ३१ जानेवारी पर्यंत चालणार असून यामध्ये दररोज सकाळी ६ ते रात्री १० वाजेपर्यंत प्रभातफेरी,योगासने,बौध्दिकसत्र,सांस्कृतिक कार्यक्रम आणि पथसंचलनाचा सराव करण्यात येतो अशी माहिती महाराष्ट्राच्या चमुचे समन्वयक तथा गडचिरोली जिल्हयातील चामोर्शी येथील केवळरामजी हरडे वाणिज्य महाविद्यालयाचे प्राध्यापक डॉ. पवन नाईक यांनी दिली.
१ ते १५ जानेवारी पर्यंत सकाळी व सायंकाळी जवाहरलाल नेहरु स्टेडियमवर पथसंचलनाचा सराव चालला,तर १६ जानेवारीपासून सकाळी राजपथावर आणि सायंकाळी करिअप्पा परेड ग्राऊंडवर पथसंचलन सराव सुरु असल्याचे डॉ. नाईक यांनी सांगितले.
Eight Maharashtra NSS students practice for Rajpath road movement
महत्त्वाच्या बातम्या
- ‘महाराष्ट्र चेंबर पत्रिके’चे प्रकाशन
- उत्तर प्रदेशच्या मुख्यमंत्री पदाच्या उमेदवार प्रियंका गांधीच स्वतः च्या नावाची अप्रत्यक्ष घोषणा
- Pune Train Derail : पुणे स्टेशनवर अपघात, डेमू रेल्वेचे दोन डबे रुळावरून घसरले, सोलापूर ते मुंबई मार्गावर परिणाम
- गुगलसह वेबसाइट मालकांनाही मोठा झटका, युरोपमध्ये गुगल अॅनालिटिक्सचा वापर ठरला बेकायदेशीर, वापरल्यास कोट्यवधींचा दंड