यापूर्वी मुंबई विमानतळावर कारवाई करताना डीआरआयने सुमारे ७० कोटी रुपयांचे हेरॉईन जप्त केले होते.
विशेष प्रतिनिधी
मुंबई : एका मोठ्या ड्रग्ज सिंडिकेटचा पर्दाफाश झाला आहे. एका आफ्रिकन नागरिकासह तीन परदेशी नागरिकांना अटक करण्यात आली आहे. यासोबतच २० कोटी रुपयांचे कोकेनही जप्त करण्यात आले आहे. त्याचे वजन १९७० ग्रॅम असल्याचे सांगितले जात आहे. आदिस अबाबाहून मुंबईला आलेल्या या प्रवाशांना विमानतळावर अटक करण्यात आली आहे. सध्या पुढील तपास सुरू आहे. Drugs worth 20 crore seized in Mumbai Three foreign nationals arrested
एएनआय या वृत्तसंस्थेने दिलेल्या माहितीनुसार, या प्रवाशाने आपल्या बॅगेत पांढऱ्या रंगाची पावडर ठेवली होती. या घटनेचा व्हिडिओही समोर आला आहे. महसूल गुप्तचर संचालनालयाने (डीआरआय) या संपूर्ण प्रकरणाची माहिती दिली आहे. यापूर्वी २० मार्च रोजी मुंबई विमानतळावर कारवाई करताना डीआरआयने सुमारे ७० कोटी रुपयांचे हेरॉईन जप्त केले होते.
मार्च महिन्यात, आदिस अबाबाहून मुंबईला जाणारा एक प्रवासी भारतात अंमली पदार्थांची तस्करी करत असल्याची गुप्त माहिती मिळाली, त्यानंतर DRI, MZU च्या अधिकाऱ्यांच्या पथकाने मुंबई विमानतळावर नजर ठेवली. १९ मार्च रोजी सकाळी डीआरआय अधिकार्‍यांच्या पथकाने संशयित प्रवाशाला रोखले आणि प्रवाशाच्या सामानाची कसून झडती घेण्यात आली. यानंतर प्रवाशांच्या सामानात लपवून ठेवलेले तब्बल ७० कोटी रुपये किंमतीचे ९.९७ किलो हेरॉईन जप्त करण्यात आले.
चौकशीदरम्यान, प्रवाशाने खुलासा केला की त्याला मुंबईतील एका हॉटेलमध्ये ट्रॉली बॅग एका व्यक्तीकडे सोपवायची होती. यानंतर ड्रग्जची डिलिव्हरी करणाऱ्या व्यक्तीला पकडण्यासाठी सापळा रचण्यात आला होता. त्यानंतर अधिकारी डिलिव्हरी घेण्यासाठी हॉटेलमध्ये आलेल्या नायजेरियन नागरिकाला पकडण्यात यशस्वी झाले. नायजेरियन नागरिकाच्या घरातून अल्प प्रमाणात कोकेन आणि हेरॉईन जप्त करण्यात आले. अधिकाऱ्यांनी नंतर दोघांवर नार्कोटिक ड्रग्स अँड सायकोट्रॉपिक सबस्टन्स (एनडीपीएस) कायद्यांतर्गत गुन्हा दाखल केला आणि त्यांना डीआरआय कोठडीत पाठवण्यात आले.
Drugs worth 20 crore seized in Mumbai Three foreign nationals arrested
महत्वाच्या बातम्या
- सावरकर गौरव यात्रा : मी फडतूस नाही काडतूस, झुकेगा नही घुसेगा; देवेंद्र फडणवीसांचा प्रहार–
- ‘’उद्धव ठाकरे… फडतूस नही काडतूस हू मै, झुकेंगा नही साला घुसेंगा’’ देवेंद्र फडणवीसांचा थेट निशाणा!
- Covid19 : महाराष्ट्रात मागील २४ तासांत करोना संसर्गाचे ७११ नवीन रुग्ण, चार जणांचा मृत्यू
- China Arunachal rename: चीनकडून कुरापती सुरूच; आता अरुणाचल प्रदेशातील ११ ठिकाणांची नावे बदलली!