विशेष प्रतिनिधी
मुंबई : महाराष्ट्राचे उपमुख्यमंत्री देवेंद्र फडणवीस यांनी 2024 पूर्वी भाजप कार्यकर्त्यांना जागे करण्याचा प्रयत्न करताना, पक्षाच्या विजयाबद्दल आत्मसंतुष्ट होऊ नका आणि 2024 च्या लोकसभा निवडणुका गांभीर्याने घ्या असा सल्ला दिला आहे. लोकसभा निवडणुकीत भाजपचा विजय निश्चित आहे, असे समजून मैदानात उतरून काम करणे थांबवू नका, असा इशाराही त्यांनी कार्यकर्त्यांना दिला.Don’t give up as victory is certain in 2024, Devendra Fadnavis advises BJP workers
भाजपच्या प्रदेश कार्यकारिणीच्या बैठकीत बोलताना देवेंद्र फडणवीस यांनी कार्यकर्त्यांना सांगितले की, भाजपची व्होटबँक असलेल्या सर्वसामान्य आणि गरिबांशी त्यांनी जोडले पाहिजे. या बैठकीत महाराष्ट्र भाजपचे पदाधिकारी व जिल्हाध्यक्ष सहभागी झाले होते. ते म्हणाले, आमचा विजय निश्चित आहे असे सांगून प्रयत्न थांबवू नका. तिकीट कोणाला मिळेल याची काळजी करू नका.
देवेंद्र फडणवीस यांनी भाजप कार्यकर्त्यांना गरीब, शेतकरी, महिला आणि तरुणांवर लक्ष केंद्रित करण्यास सांगितले. फडणवीस म्हणाले की, नरेंद्र मोदी सरकारच्या कल्याणकारी योजनांचा लाभ समाजातील या चार घटकांना झाला आहे. ते म्हणाले की, जातीसंबंधित अनेक समस्या आहेत, मात्र पक्षाच्या कार्यकर्त्यांनी जातीचा विचार करू नये.
ते म्हणाले की, गरीब, शेतकरी, महिला, युवा या 4 घटकांकडे लक्ष केंद्रित करा, त्यांच्यासाठी मोदींनी अनेक योजना दिल्या, त्याचे लाभ सुद्धा त्यांना मिळताहेत. या चारही घटकांसाठी मोठ्या योजना महाराष्ट्रातसुद्धा…
शेतकऱ्यांसाठी
नमो शेतकरी महासन्मान निधी, 1 रुपयात पीकविमा, राज्यात नवीन सरकार आल्यापासून 14,891 कोटींची थेट मदत शेतकऱ्यांना दिली. सिंचन प्रकल्प मोठ्या प्रमाणात हाती घेतले आहेत. सौर ऊर्जेचे मोठे अभियान हाती आहे.
गरिबांसाठी
आनंदाचा शिधा वर्षातून तीनदा, निराधार योजनांचे मानधन 1000 वरून 1500 केले, महात्मा फुले जनारोग्य योजना आता सर्वासाठी लागू, विविध समाज घटकांसाठी आर्थिक विकास महामंडळ गठीत
महिलांसाठी
अर्ध्या तिकिटात ST प्रवास, जन्मतःच लखपती करणारी लेक लाडकी योजना, सर्वंकष महिला धोरण लवकरच जाहीर होणार
युवा
सरकारी नोकरभरती 75,000 हजार लक्ष्य, पण ती भरती 1.5 लाखांपर्यंत जाईल, विविध घटकांसाठी हॉस्टेल, ठिकठिकाणी रोजगार मेळावे, नागपुरात 10,000 नियुक्तिपत्रे.
भारतीय जनता पक्षाने महाराष्ट्रात उपमुख्यमंत्री देवेंद्र फडणवीस यांना स्टार प्रचारक म्हणून उभे करण्याचा निर्णय घेतला आहे. 2024 च्या लोकसभा निवडणुकीपूर्वी फडणवीस आपल्या वक्तृत्व कौशल्याबरोबरच राजकीय कौशल्याने मतदारांवर प्रभाव टाकण्यात यशस्वी होतील, असा विश्वास पक्षाला आहे. यासोबतच भाजप त्यांचा मागील मुख्यमंत्रिपदाचा कार्यकाळ सुशासनाचे मॉडेल म्हणून महाराष्ट्रातील जनतेसमोर दाखवणार आहे. या आठवड्यात झालेल्या पक्षाच्या अंतर्गत बैठकीत राज्यातील 36 जिल्ह्यांमध्ये देवेंद्र फडणवीस यांच्या सभा घेण्याचा निर्णय घेण्यात आला. ते फेब्रुवारीपासून ‘मिशन महाराष्ट्र 45 प्लस’वर निघणार असून दररोज तीन जाहीर सभा घेणार आहेत.
Don’t give up as victory is certain in 2024, Devendra Fadnavis advises BJP workers
महत्वाच्या बातम्या
- पाकिस्तान निवडणूक आयोगाकडून इम्रान खान यांना मोठा धक्का, उमेदवारी रद्द
- विनेश फोगटने खेलरत्न-अर्जुन पुरस्कार परत केले; बजरंग पुनिया म्हणाला- महिला कुस्तीपटूंसाठी सर्वात वाईट काळ
- महाविकास आघाडीच्या जागा वाटपात ठाकरेंचा पलड़ा पवारांवर भारी; पवारांच्या “राष्ट्रीय” राजकारणाची ही तर खरी “बारामती श्री”!!
- रशियाच्या बॉम्बहल्ल्यांनी युक्रेन हादरले, 122 क्षेपणास्त्रे, 36 ड्रोनने हल्ला; 24 जणांचा मृत्यू