प्रतिनिधी
मुंबई : महाराष्ट्रातील एसटी कर्मचाऱ्यांची दिवाळी गोड होणार आहे. शिंदे – फडणवीस सरकारने एसटी महामंडळाला तातडीने मदत जाहीर करण्याचा निर्णय घेतला आहे. यानुसार कर्मचाऱ्यांच्या वेतनासाठी राज्य सरकारने ३०० कोटी रूपयांची मदत एसटी महामंडळाला देण्यात येणार आहे. प्रत्येक महिन्याच्या पगारासाठी ३६० कोटी रूपयांच्या निधीची गरज भासते. पण राज्य सरकारने ३०० कोटी रूपयांचीच मदत जाहीर केली आहे. Diwali sweet for ST employees; 300 crore aid from the state government to the corporation
मात्र, या मदतीवरून एसटी कर्मचारी काँग्रेसचे सरचिटणीस श्रीरंग बरगे यांनी राज्य सरकारला इशारा दिला आहे. जेवढी मागणी केली तेवढा निधी सरकारने द्यावा अन्यथा, सरकारविरोधात पुन्हा संघर्ष उभा करावा लागेल, असे म्हणत बरगेंनी इशारा दिला आहे. कर्मचाऱ्यांचे वेतन थकल्याने एसटी कर्मचारी शिंदे सरकारवर नाराज झाल्याचा चर्चा सुरू झाल्या होत्या. मात्र आता राज्य सरकारकडून मदत जाहीर करण्यात आली आहे.
या महिन्यातील एसटी कर्मचाऱ्यांचा पगार वेळेवर झाला नाही. त्यामुळे त्यांच्यात नाराजी असून कर्मचाऱ्यांमध्ये मनस्तापाचे वातावरण आहे. त्यांची गैरसय झाली आहे. याबाबत कोर्टात त्रिसदस्यीय समितीने अहवाल दिला आहे. त्यानुसार चार वर्षे वेतनासाठी तरतूद केली आहे. मात्र, चार वर्षे पूर्ण होण्याअगोदरच अनियमितता सुरू आहे. यामध्ये कर्मचाऱ्यांची कुचंबणा होत असल्याचे बरगे म्हणाले.
Diwali sweet for ST employees; 300 crore aid from the state government to the corporation
महत्वाच्या बातम्या
- राज्यात 20 सनदी अधिकाऱ्यांच्या बदल्या : आस्तिककुमार पांडेय औरंगाबादचे जिल्हाधिकारी
- कर्नाटक हिजाब वादावर आज सुप्रीम कोर्टात सुनावणी : 10 दिवस युक्तिवाद ऐकल्यानंतर राखून ठेवला होता निकाल
- सप्टेंबरमध्ये किरकोळ महागाईत वाढ : भाजीपाला आणि डाळींच्या किमती वाढल्याने महागाई 7.41% वर पोहोचली, ऑगस्टमध्ये 7% होती
- UNGA मध्ये रशियाविरोधात निषेधाचा ठराव मंजूर : 143 देशांचा युक्रेनच्या 4 भागांवर रशियाच्या कब्जाला विरोध, भारत मतदानापासून दूर