• Download App
    पार्थ पवारांचे नाव वापरून पोलिसांवर दबाव टाकण्याचा प्रयत्न । Deputy chief minister Ajit Pawar son Parth Pawar name used by accused and pressurise police in one case

    पार्थ पवारांचे नाव वापरून पोलिसांवर दबाव टाकण्याचा प्रयत्न

    गुन्ह्यात खोटी साक्ष व चुकीच्या पद्धतीने तपास करावा, यासाठी एका पोलिस अधिकाऱ्यावर उपमुख्यमंत्री अजित पवार यांचे चिरंजीव पार्थ पवार यांचे नाव सांगून दबाव टाकण्यात आल्याचा प्रकार उघडकीस आला आहे. Deputy chief minister Ajit Pawar son Parth Pawar name used by accused and pressurise police in one case


    विशेष प्रतिनिधी

    पुणे : गुन्ह्यात खोटी साक्ष व चुकीच्या पद्धतीने तपास करावा, यासाठी एका पोलिस अधिकाऱ्यावर उपमुख्यमंत्री अजित पवार यांचे चिरंजीव पार्थ पवार यांचे नाव सांगून दबाव टाकण्यात आला. हा प्रकार हिंजवडी येथे उघडकीस आला आहे.

    याप्रकरणी सहायक पोलिस निरीक्षक नकुल न्यामने (वय ४७) यांनी हिंजवडी पोलिस ठाण्यात फिर्याद दिली आहे. त्यानुसार, अश्रफ मर्चंट (पूर्ण नाव व पत्ता माहिती नाही) या मोबाईलधारकाच्या विरोधात गुन्हा दाखल करण्यात आला आहे.
    पोलिसांनी दिलेल्या माहितीनुसार, वाकड येथील अमित कलाटे याच्यावर जमीन व्यवहारात फसवणूक आणि सावकारी कायद्यानुसार हिंजवडी पोलिस ठाण्यात गुन्हे दाखल आहेत.



    व्याजाचे पैसे न दिल्याने महागडी मोटार ओढून नेल्याचा आरोप कलाटे याच्यावर आहे. दरम्यान, २२ जानेवारी रोजी आरोपीने फिर्यादी न्यामने यांना फोन केला.”मी पार्थ भाऊंचा मित्र आहे, तुमच्याकडे अमित कलाटेचा विषय आहे का ? तुमचा त्या विषयात काय स्टॅन्ड आहे, मी आणि पार्थ पवार यांचे पीए सागर जगताप हे कलाटे याचे खास मित्र आहोत. तुम्हाला मी सांगतोय ते ऐका, वाटल्यास तुम्हाला मी जिजाई बंगला, भोसले नगर येथे थेट समोर घेऊन जाईन, अमितचा काय असेल तो विषय तुम्ही मिटवून घ्या, नाहीतर विषय वरपर्यंत घेऊन जावे लागेल.

    राष्ट्रवादीचे प्रवक्ता उमेश पाटील यांनी देखील मला तुम्हाला विचारून घ्यायला सांगितले आहे, असे बोलून आरोपीने फिर्यादी यांच्यावर दबाव टाकण्याचा प्रयत्न केला.त्यानंतर पुन्हा सोमवारी फिर्यादी हे कर्तव्यावर असताना आरोपीने त्यांना फोन करून दाखल गुन्ह्यात खोटी साक्ष व चुकीच्या पद्धतीने तपास करावा, यासाठी राजकीय पक्षाच्या मोठ्या पदावरील नावाचा वापर करून दबाव टाकल्याचे फिर्यादीत नमूद आहे. पुढील तपास सहायक पोलिस निरीक्षक सागर काटे करीत आहेत.

    Deputy chief minister Ajit Pawar son Parth Pawar name used by accused and pressurise police in one case

    महत्त्वाच्या बातम्या

    Related posts

    Radhakrishna Vikhe Patil : शिंदे समितीला 6 महिन्यांची मुदतवाढ; सरकारने जरांगेंची मागणी केली मान्य; विखे पाटलांची माहिती

    Gunaratna Sadavarte : मनोज जरांगे मुंबईत आलेच तर जेलमध्ये जावे लागणार; गुणरत्न सदावर्तेंचा दावा

    Eknath Shinde : एकनाथ शिंदेंच्या शिवसेनेच्या मंत्र्यांना सूचना- मनोज जरांगेंवर प्रतिक्रिया देऊ नका