प्रतिनिधी
पुणे : कर्नाटक मध्ये भाजपचा पराभव झाला असला तरी त्यामुळे नेते आणि कार्यकर्ते त्यांचे मनोधैर्य खचलेले नाही. त्याचबरोबर महाराष्ट्र भाजपने ठरविलेल्या मिशन बारामतीत देखील कोणताही अडथळा उत्पन्न झालेला नाही. बारामती लोकसभा मतदारसंघाचा महत्त्वाचा भाग असलेला पुरंदर तालुक्यातील माजी आमदार अशोक टेकवडे उद्या भाजपमध्ये प्रवेश करत आहेत. त्यामुळे खासदार सुप्रिया सुळे यांना धक्का बसला आहे पुरंदर मधली राजकीय समीकरणे बदलण्याची ताकद अशोक टेकवडे यांच्या भाजप प्रवेशामध्ये आहे.Defeat in Karnataka does not hinder Mission Baramati; Former MLA of Purandar joins BJP tomorrow!!
अशोक टेकावडे हे पुरंदर मधून 2004 ते 2009 राष्ट्रवादीचे आमदार होते. संघटनात्मक पातळीवर देखील त्यांची तिथे मोठी पकड होती. परंतु मधल्या काळात त्यांच्या ताकदीकडे दुर्लक्ष करून राष्ट्रवादीने तिथे त्यांच्या विरोधातील पदाधिकारी नेमले. त्यामुळे त्यांनी काही महिन्यांपूर्वी जाहीर पत्र लिहून नाराजी व्यक्त केली होती. राष्ट्रवादी काँग्रेस आता कार्यकर्त्यांचा पक्ष उरला नाही. तो पदाधिकाऱ्यांनी कब्जात घेतला आहे, असे त्यांनी पत्रात नमूद केले होते. तेव्हाच टेकवडे फार काळ राष्ट्रवादीत राहणार नाहीत, असे स्पष्ट झाले होते.
आता उद्या उपमुख्यमंत्री देवेंद्र फडणवीस आणि भाजप प्रदेशाध्यक्ष चंद्रशेखर बावनकुळे यांच्या उपस्थितीत अशोक टेकवडे भाजपमध्ये प्रवेश करणार आहेत. बारामतीत राष्ट्रवादीच्या खासदार सुप्रिया सुळे यांचा पराभव करायचा असा चंग भाजपने बांधला आहे. प्रादेशिक घराणेशाही मधल्या अनेक गडांना भाजपने आधीच करून लावला आहे. त्यापैकी आता पवारांचा बारामती नावाचा गड अजून महाराष्ट्रात शिल्लक आहे. त्या गडाला सुरुंग लावण्यासाठी भाजपने कंबर कसली आहे अशोक टेकावडे यांचा भाजप प्रवेश त्याच प्रयत्नांमधला एक भाग आहे.
Defeat in Karnataka does not hinder Mission Baramati; Former MLA of Purandar joins BJP tomorrow!!
महत्वाच्या बातम्या
- सरकार विरोधात पोलीस – प्रशासनाला चिथावणी देणे संजय राऊतांना भोवले; राऊतांविरोधात नाशिकमध्ये गुन्हा दाखल
- परीक्षेची संधी : एमबीबीएसच्या विद्यार्थ्यांना केंद्र सरकारचा दिलासा; डाॅ. भारती पवारांची ग्वाही
- Jammu-Kashmir : टेररफंडिंग प्रकरणी ‘NIA’ची पुलवामासह सहा ठिकाणी छापेमारी!
- मुंबईतील सहकारी गृहनिर्माण संस्थांच्या पुनर्विकासासाठी राज्य सरकार कटीबद्ध; मुख्यमंत्री, उपमुख्यमंत्र्यांची ग्वाही