वृत्तसंस्था
जालना : जालना जिल्ह्यात सोमवारी सकाळी 6 ते 17 सप्टेंबर दुपारी 12 वाजेपर्यंत कर्फ्यूचे आदेश देण्यात आले आहेत. अतिरिक्त जिल्हाधिकारी केशव नेटके यांनी यासंदर्भात आदेश दिले आहेत. जालन्यातील मराठा आंदोलकांवर लाठीचार्ज केल्यानंतर येथील परिस्थिती चिघळली असून प्रशासनाने खबरदारीचा उपाय म्हणून या आदेशांची अंमलबजावणी केली आहे.Curfew in Jalna till September 17, ban on taking out processions, Know- How is the situation after baton charge?
कोणाचे नुकसान?
जालन्यात मराठा आरक्षणाच्या निमित्ताने कर्फ्यूच्या आदेशामुळे आत्मदहन, उपोषण, धरणे, मोर्चे, रास्ता रोको आणि प्रसंगी राजकीय सत्ताधारी आणि विरोधी पक्षांमधील आरोप-प्रत्यारोपांच्या फैरी पाहता शस्त्रे, काठ्या, बंदुका, तलवारी, भाले, चाकू नेले जाऊ शकत नाही. याशिवाय दगड गोळा करून एकत्र ठेवता येत नाहीत, इकडे-तिकडे नेले जाऊ शकत नाही. भाषणातून कोणीही कोणत्याही व्यक्तीच्या किंवा समूहाच्या भावना दुखावू शकत नाही, संगीताच्या माध्यमातून कोणीही व्यक्ती किंवा समूहाच्या भावना दुखावू शकत नाही. जालन्यात संचारबंदी लागू करण्यात आल्याने 6 तारखेला श्रीकृष्ण जयंती, 7 तारखेला गोपाळकाला आणि 14 तारखेला पोळा तसेच 17 सप्टेंबर रोजी होणार्‍या मिरवणुका व इतर कार्यक्रम रद्द करावे लागतील.
लाठीचार्ज आणि रास्ता रोको
मराठा आंदोलकांवर लाठीचार्ज केल्यानंतर जालन्यातील परिस्थिती अजूनही तणावपूर्ण आहे. दुसरीकडे, आंदोलक आणि पोलिस दगडफेक आणि लाठीचार्जमध्ये जखमी झाले. या घटनेचा संपूर्ण राज्यात निषेध होत आहे. कुठे बंदचे काटेकोर पालन करण्यात आले, तर कुठे आक्रमकपणे रास्ता रोको करण्यात आला. काही ठिकाणी जाळपोळीच्या घटनाही घडल्या आहेत.
तलाठी भरती परीक्षा होणार की नाही?
जालना घटनेचा परिणाम राज्यभर होत असून या पार्श्वभूमीवर सोमवारी राज्यभरात तलाठी भरती परीक्षा घेण्यात येणार आहे. उद्या राज्यात विविध संघटनांनी बंदची हाक दिली असली तरी तलाठी भरती परीक्षा घेण्यात येणार असून त्यासाठी विद्यार्थ्यांनी योग्य ती खबरदारी घेऊन वेळेत परीक्षा केंद्रावर हजर राहावे, असे आवाहन परीक्षा संचालक संघटनेने केले आहे. याबाबत सर्व उमेदवारांना मेल पाठवण्यात आला आहे. उद्या बंद पुकारला असला तरी त्याचा कोणताही उमेदवार किंवा नागरिकांवर कोणताही परिणाम होणार नाही, अशी ग्वाही मराठा क्रांती मोर्चाचे विनोद पाटील यांनी दिली आहे.
Curfew in Jalna till September 17, ban on taking out processions, Know- How is the situation after baton charge?
महत्वाच्या बातम्या
- भारताची संरक्षण निर्यात 6 वर्षांत 10 पटींनी वाढली, 80 देशांना 16 हजार कोटींची शस्त्र विक्री
- PM मोदी म्हणाले- देशात पूर्वी एक अब्ज उपाशी होते, आता दोन अब्ज कुशल हात; 2047 पर्यंत भारत विकसित देश होणार
- मध्यावधी नाहीच, निवडणूकही लांबणीवर टाकणार नाही; केंद्रीय मंत्री अनुराग ठाकूर यांनी फेटाळले विरोधकांचे दावे
- Maratha Reservation :”…म्हणजे याचाच अर्थ मराठा आरक्षणाला शरद पवार यांचा पाठिंबा नाही” भाजपाने साधला निशाणा!