कोरोनाच्या नवीन ओमिक्रॉन स्ट्रेनची दहशत : दक्षिण आफ्रिकेतून येणाऱ्यांचे मुंबई विमानतळावर क्वारंटाइन आणि जिनोम सिक्वेन्सिंग करणार

वृत्तसंस्था

मुंबई : दक्षिण आफ्रिकेत कोरोनाचा एक नवीन प्रकार आढळल्यानंतर जगभरात खळबळ उडाली आहे. मुंबई महापालिका प्रशासनाने यावर कठोर भूमिका घेत दक्षिण आफ्रिकेतून मुंबई विमानतळावर येणाऱ्या प्रवाशांसाठी क्वारंटाइन आणि जीनोम सिक्वेन्सिंग करण्याचा निर्णय घेतला आहे. मुंबईच्या महापौर किशोरी पेडणेकर म्हणाल्या की, जर एखादी व्यक्ती कोविड-19 पॉझिटिव्ह आढळली तर त्याचे जीनोम सिक्वेन्सिंग केले जाईल. Corona’s new Omicron strain scares Passengers Returned From South Africans to be quarantined and genome sequenced at Mumbai airport

मुंबई प्रशासनाने हा निर्णय अशावेळी घेतला आहे जेव्हा अनेक देशांनी कोरोनाचा नवीन प्रकार ओमिक्रॉन आढल्यानंतर दक्षिण आफ्रिकेतून येणाऱ्या विमानांवर बंदी घालण्याची घोषणा केली आहे. मुंबईच्या महापौर म्हणाल्या की, “मुंबईत कोरोनाच्या नवीन प्रकाराबाबत चिंता आहे. दक्षिण आफ्रिकेतून आलेले लोक कोरोना पॉझिटिव्ह आढळल्यानंतर त्यांचे जीनोम सिक्वेन्सिंग केले जाईल. परदेशात जाणाऱ्या फ्लाइटवर कोणतेही बंधन नाही. मात्र, मागील अनुभव लक्षात घेऊन हा निर्णय घेण्यात आला आहे.

महापौर पेडणेकर म्हणाल्या की, “इतर देशांमध्ये कोविड-19 चा धोका वाढला आहे. त्यामुळे बाहेरून येणाऱ्या लोकांची जीनोम सिक्वेन्सिंग चाचणी केली जाणार आहे. मी सर्वांना विनंती करतो की त्यांनी सोशल डिस्टन्सिंगचे पालन करावे आणि मास्क वापरावे जेणेकरून ही नवीन महामारी थांबू शकेल.

कोरोनाच्या नवीन स्ट्रेनने खळबळ माजवल्यानंतर आणि जागतिक आरोग्य संघटनेने इशारा दिल्यानंतर पंतप्रधान नरेंद्र मोदी यांनी शनिवारी वरिष्ठ अधिकाऱ्यांची सुमारे दीड तास बैठक घेतली. या बैठकीत कोविड-19 च्या स्थितीचा आणि लसीकरणाचा आढावा घेण्यात आला. या बैठकीत कॅबिनेट सचिव राजीव गौबा, पंतप्रधानांचे प्रधान सचिव पीके मिश्रा, केंद्रीय आरोग्य सचिव राजेश भूषण आणि NITI आयोगाचे सदस्य (आरोग्य) डॉ. व्हीके पॉल उपस्थित होते.

Corona’s new Omicron strain scares Passengers Returned From South Africans to be quarantined and genome sequenced at Mumbai airport

महत्त्वाच्या बातम्या

• नवाब मलिक यांचा आरोप अनिल देशमुखांप्रमाणे मलाही गोवण्याचा प्रयत्न, पोलीस आयुक्त आणि गृहमंत्री अमित शहा यांच्याकडे तक्रार करणार
• कोरोनाचा खतरनाक आफ्रिकन व्हेरिएंट ओमिक्रॉन : डेल्टापेक्षाही जास्त धोकादायक? जगभरातील देशांनी का भरलीये धडकी? वाचा सविस्तर…
• शेअर बाजारावर कोरोनाचे दुसऱ्यांदा सावट, 7 महिन्यांतील दुसरी सर्वात मोठी घसरण
• औरंगाबाद : रिक्षा चालकांना लसीकरण केले सक्तीचे ; चालकांनी किमान एक तरी डोस घ्यायला हवा