प्राणघातक कोरोना विषाणूचा प्रसार रोखण्यासाठी देशात आतापर्यंत 113 कोटींहून अधिक लसीचे डोस देण्यात आले आहेत. सरकार लोकांना लसीचे दोन्ही डोस घेण्यास प्रोत्साहित करत आहे. असे असूनही अजूनही अनेक भाग असे आहेत जिथे लोक लस घेण्यास टाळाटाळ करत आहेत. महाराष्ट्रातही असेच काहीसे घडत आहे. corona vaccine maharashtra govt to seek salman khans help to promote inoculation cites vaccine hesitancy in muslim areas
विशेष प्रतिनिधी
मुंबई : प्राणघातक कोरोना विषाणूचा प्रसार रोखण्यासाठी देशात आतापर्यंत 113 कोटींहून अधिक लसीचे डोस देण्यात आले आहेत. सरकार लोकांना लसीचे दोन्ही डोस घेण्यास प्रोत्साहित करत आहे. असे असूनही अजूनही अनेक भाग असे आहेत जिथे लोक लस घेण्यास टाळाटाळ करत आहेत. महाराष्ट्रातही असेच काहीसे घडत आहे.
महाराष्ट्राचे आरोग्य मंत्री राजेश टोपे यांनी म्हटले आहे की, मुस्लिमबहुल भागात अँटी-कोरोनाव्हायरस लस घेण्यास संकोच केला जात असून लोकांना लसीकरणासाठी प्रवृत्त करण्यासाठी सरकार बॉलीवूड अभिनेता सलमान खानची मदत घेण्यात येणार आहे.
लोक धार्मिक नेते आणि चित्रपट अभिनेत्यांचे ऐकतात
टोपे म्हणाले की, लसीकरणात महाराष्ट्र आघाडीवर आहे, मात्र काही भागांत लसीकरणाची गती मंद आहे. “मुस्लिमबहुल भागात अजूनही काही संकोच आहे. मुस्लिम समाजाला लसीकरणासाठी प्रवृत्त करण्यासाठी आम्ही सलमान खान आणि धार्मिक नेत्यांची मदत घेण्याचे ठरवले आहे.” ते म्हणाले, “धार्मिक नेते आणि चित्रपट कलाकारांचा खूप प्रभाव आहे आणि लोक त्यांचे ऐकतात.” मंत्री म्हणाले की, राज्यात आतापर्यंत 10.25 कोटी लसीचे डोस देण्यात आले असून नोव्हेंबरअखेरीस सर्व पात्र व्यक्तींना किमान पहिला डोस मिळेल.
कोरोनाची तिसरी लाट गंभीर होणार नाही
कोरोना विषाणूच्या संसर्गाची तिसरी लाट येण्याच्या शक्यतेबाबत टोपे म्हणाले की, तज्ज्ञांच्या मते साथीचे चक्र सात महिन्यांचे असले तरी मोठ्या प्रमाणात लसीकरणामुळे पुढील लाट गंभीर होणार नाही. ते म्हणाले की, लोकांनी कोविड सुरक्षा प्रोटोकॉलचे पालन करावे आणि लसीकरण करून घ्यावे.
corona vaccine maharashtra govt to seek salman khans help to promote inoculation cites vaccine hesitancy in muslim areas
महत्त्वाच्या बातम्या
- पवार निघाले ममतांच्या पाठोपाठ; दिल्लीत जाऊन काँग्रेस फोडली!!; जी – 23 मधला नेता लावला राष्ट्रवादीच्या गळाला!!
- पूर्वांचल एक्स्प्रेसवर दिसली देशाची एअर पॉवर, पंतप्रधान मोदींची हर्क्युलस विमानातून एक्स्प्रेसवर एंट्री
- काश्मीरमध्ये सुरक्षा दलाने दोन व्यापारी आणि दोन दहशतवाद्यांना टिपले
- दहशतवादाचा चिथावणीखोर झाकिर नाईकच्या इस्लामिक रिसर्च’वरील बंदी पुन्हा वाढविली