प्रतिनिधी
पुणे : जनसंघाचे माजी खासदार स्व. रामभाऊ म्हाळगी यांचे नातू केदार म्हाळगी यांना अपघात झाल्यानंतर त्यांना मदतीला मुख्यमंत्री एकनाथ शिंदे यांनी मदत केली आहे. केदार
यांना दि १२ ऑगस्ट रोजी पुत्ररत्न प्राप्त झाले. त्यानंतर अवघ्या सहा दिवसातच त्यांच्या गाडीला अपघात झाला. या अपघातात त्यांच्या डोक्याला गंभीर इजा झाली.Chief Minister rushed to help Rambhau Mhalgi’s accident victim’s grandson
एकीकडे घरामध्ये आनंद निर्माण झालेला असतानाच दुसरीकडे मात्र या अपघाताने म्हाळगी कुटुंब पूर्णता हवालदिल झाले होते. त्यांच्यावर पिंपरी चिंचवड येथील वेदांत हॉस्पिटलमध्ये उपचार सुरू आहेत. शस्त्रक्रिया आणि उपचाराचा खर्च महागडा असल्याने नातेवाईकांच्या मदतीने म्हाळगी परिवाराने मुख्यमंत्री एकनाथ शिंदे यांच्याशी संपर्क साधला.
संबंधित हॉस्पिटल मुख्यमंत्री वैद्यकीय सहाय्यता निधी मध्ये अंगीकृत नसल्याने राज्य शासनाकडून तात्काळ आर्थिक मदत करण्यात तांत्रिक अडचणी होत्या. पण या अडचणीतूनही मार्ग काढत मुख्यमंत्री एकनाथ शिंदे यांनी आपले पुत्र खासदार डॉ. श्रीकांत शिंदे फाउंडेशनच्या माध्यमातून तात्काळ वतीने 2 लाख रुपयांची मदत केली.
भोसरी विधानसभा मतदारसंघाचे आमदार महेश लांडगे यांच्या हस्ते आणि मुख्यमंत्री यांचे विशेष कार्य अधिकारी मंगेश चिवटे यांच्या उपस्थितीत वेदांत हॉस्पिटलमध्ये हा मदत निधीचा चेक सुपूर्त करण्यात आला. संबंधित रुग्णालय लवकरात लवकर मुख्यमंत्री वैद्यकीय सहाय्यता निधी मध्ये अंगीकृत करण्यात येईल आणि उर्वरित उपचाराचा खर्च त्यातून करण्यात येईल, असे आश्वासन चिवटे यांनी या वेळी दिले.
अपघाताची बातमी समजताच राज्याचे मुख्यमंत्री एकनाथ शिंदे यांनी श्री. म्हाळगी यांच्या कुटुंबियांशी दूरध्वनीवरून संवाद साधत आस्थेवाईकपणे चौकशी केली.
Chief Minister rushed to help Rambhau Mhalgi’s accident victim’s grandson
महत्वाच्या बातम्या
- कर्नाटकातील हिजाब वादावर सुनावणी : सुप्रीम कोर्ट म्हणाले- ही धार्मिक बाब नाही, कोणी जीन्स घालून कोर्टात आला तर त्याला नकारच दिला जाईल
- विजय मल्ल्याने फेटाळला सुप्रीम कोर्टाचा आदेश, 318 कोटी भरलेच नाहीत; पुढील सुनावणी 12 सप्टेंबरला
- राजपथचे नाव बदलल्याने महुआ मोईत्रांचा संताप, म्हणाल्या- संस्कृती बदलणे भाजपने कर्तव्यच बनवले आहे
- केंद्रीय मंत्री गडकरींनी रस्ते सुरक्षेवरून व्यक्त केली चिंता, म्हणाले- मानसिकता बदलण्याची गरज आहे, मागे बसणाऱ्यांनीही सीट बेल्ट लावावा