प्रतिनिधी
छत्रपती संभाजीनगर : मुघल औरंगजेब आणि त्याच्या डोक्यावर पाय ठेवून उभे असलेले धर्मवीर छत्रपती संभाजी महाराज असे चित्र समाज माध्यमांवर शेअर केल्याप्रकरणी एका हिंदू तरुणावर गुन्हा दाखल करण्यात आला आहे. छत्रपती संभाजीनगर जिल्ह्यातील सिल्लोड तालुक्यात हा प्रकार घडला आहे. तरुणावर गुन्हा दाखल करण्यात आल्याने राज्यातील विविध भागांमधून या विरोधात संताप व्यक्त करण्यात येत आहे.Chhatrapati Sambhaji Maharaj’s picture of Aurangzeb being trampled under foot, youth charged with crime, incident in Sillod
सिल्लोड तालुक्यातील बोरगाव बाजार येथील सागर वानखेडे नावाच्या युवकाने काही दिवसांपूर्वी समाज माध्यमांवर औरंगजेबाशी संबंधित एक चित्र शेअर केले होते. यात संभाजी महाराजांच्या पायाशी पडलेला औरंगजेब आणि त्याच्या डोक्यावर पाय ठेऊन उभे असलेले छत्रपती संभाजी महाराज असे चित्र रेखाटण्यात आले होते. या विरोधात बोरगाव येथील अमीर शौकत शहा यांनी सिल्लोड ग्रामीण पोलिसांत तक्रार देत या चित्रामुळे मुस्लिम समाजाच्या भावना दुखावल्याचा आरोप केला. या फिर्यादीवरून सिल्लोड ग्रामीण पोलिसात सागर वानखेडे यांच्यावर गुन्हा दाखल करण्यात आला आहे.
पोलीस अधिकाऱ्यावर गुन्हा दाखल करण्याची मागणी
दरम्यान, या घटनेवर राज्यातील शिवभक्तांकडून निषेध व्यक्त करण्यात आला असून कारवाईची मागणी करण्यात आली आहे. ”छत्रपती शिवाजी महाराज आणि संभाजी महाराज महाराष्ट्राचे दैवत असून त्यांचे छायाचित्र समाज माध्यमांवर शेअर करणे हा गुन्हा कसा असू शकतो? असा सवाल शिवभक्तांकडून विचारला जात आहे. संभाजी महाराज आणि औरंगजेबाचे छायाचित्र शेअर करणाऱ्या युवकावर कुठलाही गुन्हा दाखल करण्यात येऊ नये तसेच युवकावर गुन्हा दाखल करणाऱ्या पोलीस अधिकाऱ्यांवर कारवाई करण्यात यावी अशी मागणी केली जात आहे.
निलंबनाबाबत स्पष्टता नाही
छायाचित्राप्रकरणी युवकावर गुन्हा दाखल केल्याच्या कारणावरून सिल्लोड ग्रामीणचे पोलीस अधिकारी असलेल्या सीताराम मेहेत्रे यांचे निलंबन झाल्याची माहिती समाज माध्यमांवर पसरवण्यात आली होती. याबाबत सिल्लोड पोलीस स्थानक आणि संभाजीनगर पोलीस दलातील वरिष्ठ अधिकाऱ्यांशी संपर्क साधला असता त्यांच्याकडून याबाबत कुठलेही स्पष्ट उत्तर प्राप्त झाले नाही. त्यामुळे अधिकाऱ्याचे निलंबन झाले की नाही याबाबत कुठलीही स्पष्टता होऊ शकलेली नाही.
Chhatrapati Sambhaji Maharaj’s picture of Aurangzeb being trampled under foot, youth charged with crime, incident in Sillod
महत्वाच्या बातम्या
- SBI : 2000 च्या नोटा बदलून घेताना स्लिप भरण्याची गरज नाही; स्टेट बँकेचा खुलासा
- इतिहासातील 10 अशा घटना जेव्हा देशाच्या पंतप्रधानांनी केले होते लोकशाहीच्या मंदिरांचे उद्घाटन, सोनिया गांधी- राहुल गांधी यांनी पदावर नसतानाही केली होती पायाभरणी
- राजस्थान : …अखेर पाकिस्तानातून भारतात आश्रयास आलेल्या हिंदूंना जमीन मिळणार; जिल्हाधिकारी टीना दाबींची आश्वासनपूर्ती
- विरोधक पाला पाचोळ्यासारखे उडून जातील; केजरीवाल – ठाकरे – पवार भेटीवर मुख्यमंत्र्यांची