CBI files FIR against Anil Deshmukh : मुंबईचे माजी पोलीस आयुक्त परमबीर सिंग यांनी केलेल्या भ्रष्टाचाराच्या आरोपांमुळे मंत्रिपद गमावणारे राज्याचे माजी गृहमंत्री अनिल देशमुखांविरुद्ध सीबीआयने मोठी कारवाई केली आहे. सीबीआयने कथित वसुली प्रकरणात अनिल देशमुखांविरुद्ध एफआयआर दाखल केली आहे. याचबरोबर त्यांच्या अनेक जागांवर छापेमारी सुरू आहे. काही दिवसांपूर्वीच सीबीआयने अनिल देशमुख यांची चौकशी केली होती. मुंबईचे माजी पोलीस आयुक्त परमबीरसिंग यांच्या आरोपानंतर अनिल देशमुखांचे मंत्रिपद गेले, यानंतर हायकोर्टाने त्यांच्या सीबीआय चौकशीच्या मागणीला मंजुरी देत तसे आदेश दिले होते. CBI files FIR against Anil Deshmukh former Maharashtra home minister in Corruption Case
विशेष प्रतिनिधी
मुंबई : मुंबईचे माजी पोलीस आयुक्त परमबीर सिंग यांनी केलेल्या भ्रष्टाचाराच्या आरोपांमुळे मंत्रिपद गमावणारे राज्याचे माजी गृहमंत्री अनिल देशमुखांविरुद्ध सीबीआयने मोठी कारवाई केली आहे. सीबीआयने कथित वसुली प्रकरणात अनिल देशमुखांविरुद्ध एफआयआर दाखल केली आहे. याचबरोबर त्यांच्या अनेक जागांवर छापेमारी सुरू आहे. काही दिवसांपूर्वीच सीबीआयने अनिल देशमुख यांची चौकशी केली होती. मुंबईचे माजी पोलीस आयुक्त परमबीरसिंग यांच्या आरोपानंतर अनिल देशमुखांचे मंत्रिपद गेले, यानंतर हायकोर्टाने त्यांच्या सीबीआय चौकशीच्या मागणीला मंजुरी देत तसे आदेश दिले होते.
दरम्यान, अनिल देशमुख यांची चौकशी करण्यापूर्वी सीबीआयने देशमुख यांच्या दोन स्वीयस सहाय्यकांची चौकशी केली होती. याशिवाय एनआयएच्या ताब्यात असलेले मुंबई पोलिसांतून निलंबित एपीआय सचिन वाझे यांच्या दोन ड्रायव्हरचीही चौकशी केली होती.
उद्योगपती मुकेश अंबानी यांच्या अँटिलियाबाहेर स्फोटके ठेवल्याप्रकरणी सचिन वाझे यांच्या अटकेनंतर परमबीरसिंग यांची आयुक्त पदावर उचलबांगडी करण्यात आली होती. यानंतर परमबीर यांनी मुख्यमंत्री उद्धव ठाकरे यांना पत्र लिहून आरोप केला होता की, अनिल देशमुख आपल्या पदाचा गैरवापर करत असून त्यांनी वाझेंना मुंबईतल्या 1700 बार आणि रेस्तराँमधून दरमहा 100 कोटी रुपयांच्या वसुलीचे टारगेट दिले होते. नुकतेच वाझे यांनी एनआयए कोर्टाला दिलेल्या पत्रातही हे आरोप केले आहेत.
मुंबईचे माजी पोलीस आयुक्त परमबीर सिंग यांच्या या आरोपांबाबत उच्च न्यायालयाने सीबीआय चौकशीचे आदेश दिल्यानंतर गृहमंत्री अनिल देशमुख यांनी आपल्या पदाचा राजीनामा दिला. राष्ट्रवादी कॉंग्रेसचे नेते नवाब मलिक यांनी एका परिषद परिषदेत माहिती दिली की, देशमुख यांनी मुख्यमंत्री उद्धव ठाकरे यांना राजीनामा सादर केला आहे. देशमुख यांनी राजीनाम्याची एक प्रतदेखील ट्विट केली होती. ज्यात वकील जयश्री पाटील यांच्या याचिकेवर उच्च न्यायालयाने आरोपांच्या सीबीआय चौकशीचे आदेश दिले आहेत. त्यांनी पत्रात लिहिले की, “कोर्टाच्या आदेशानंतर मला पदावर राहण्याचा नैतिक अधिकार नाही. मी पद सोडण्याचा निर्णय घेतला आहे. कृपया मला माझ्या पदापासून मुक्त करा.”
CBI files FIR against Anil Deshmukh former Maharashtra home minister in Corruption Case
महत्त्वाच्या बातम्या
- पुण्यातील पोलिस मुख्यालयातील हॉस्पिटलमध्ये दहा ऑक्सिजन बेड सुविधा ; पोलिसांना दिलासा
- आमने-सामने : राजेश टोपेंच्या ‘त्या’ असंवेदशील विधानावर प्रविण दरेकर यांचा संताप -जनतेच्या दुःखावर मीठ चोळणारी वक्तव्य तरी करू नका !
- आणि सोनू सूदने तिला एअर अॅम्ब्यूलन्सने नागपूरहून हैद्राबादला पोहोचविले
- केंद्रावर आरोप करण्यापेक्षा मंत्र्यांनी जनतेकडे लक्ष द्यावे, रामदास आठवले यांचा सल्ला
- दिल्लीतील आंदोलक शेतकऱ्यांचा हटवादीपणा कायम, चाचण्या करून घेणार नसल्याचा भारतीय किसान युनियनचा इशारा