हसन मुश्रीफ यांच्यावरील ईडीच्या कारवाईवरून संजय राऊतांनी केलं होतं ट्वीट
प्रतिनिधी
मुंबई : माजी मंत्री आणि राष्ट्रवादी काँग्रेसचे नेते हसन मुश्रीफ यांच्या घरावर ईडीने छापे टाकले. त्यानंतर तब्बल साडेनऊ तास चौकशी केली. त्याचवेळी हसन मुश्रीफ यांचे सर्व समर्थक त्यांच्या घराबाहेर शक्तिप्रदर्शन करत होते. पण त्यानंतरही हसन मुश्रीफ यांना ईडीने पुढच्या तपासासाठी कायदेशीर समन्स बजावले आहे. या सगळ्य पार्श्वभूमीवर राजकीय वर्तुळातून विविध प्रतिक्रिया उमटत आहेत. ठाकरे गटाचे खासदार संजय राऊतांनीही यावरून एक ट्वीट केलं आहे. ज्यावर भाजपा प्रवक्ते केशव उपाध्ये यांनी त्यांना टोला लगावला. आहे. BJP spokesperson Keshav Upadhyay criticized MP Sanjay Raut
‘’मुश्रीफ यांच्या सेनापती संताजी घोरपडे साखर कारखान्याच्या संदर्भात ED ची कारवाई सुरू आहे. महात्मा पोपटलाल त्यावर बेंबीच्या देठापासून ओरडत आहे. अशा डझनावर साखर कारखान्यात जनतेच्या पैशाची लूट सुरू आहे. ED येथे गप्प का? उद्या एका भ्रष्ट कारखान्याचे प्रकरण देवेंद्र फडणवीसांकडे पाठवीत आहे.’’ असं संजय राऊत यांनी ट्वीट केलं आहे.
त्यावर भाजपा प्रवक्ते केशव उपाध्येंनी म्हटले की ‘’अहो साहेब मागे असच गाजा वाजा करत सेनाभवन मध्ये प्रेस घेतली होती. नुसती हवा आणि प्रत्यक्षात सादर काय केल तर काहीच नाही. आपण रोज सकाळी कॅमेरासमोर करता त्याला पुरावे म्हणत नाहीत.’’
ईडीने गेल्या दीड महिन्यापासून हसन मुश्रीफ यांच्याविरोधात कायदेशीर कारवाई करत आहे. या दीड महिन्यात ईडी अधिकाऱ्यांनी दोन वेळा हसन मुश्रीफ यांच्या घरावर छापे घातले. ईडीच्या पथकाने तब्बल साडेनऊ तास ईडीचे पथक मुश्रीफांच्या घराची झाडाझडती घेतली. हे पथक दुपारी चार वाजेच्या सुमारास मुश्रीफांच्या घराबाहेर पडले. यानंतर हसन मुश्रीफ यांना येत्या सोमवारी, १३मार्च रोजी ईडी कार्यालयात हजर राहण्याची सूचना समन्सच्या माध्यमातून देण्यात आली आहे. त्यामुळे या समन्सनंतर मुश्रीफ चौकशीला सामोरे जातात का? हे पाहणे महत्त्वाचे ठरणार आहे. विशेष म्हणजे हसन मुश्रीफ यांना याआधीदेखील ईडीने चौकशीसाठी समन्स बजावले होते. पण ते चौकशीसाठी हजर राहिले नव्हते. विशेष म्हणजे या छापेमारीच्या वेळी हसन मुश्रीफ हे नॉट रिचेबल होते.
BJP spokesperson Keshav Upadhyay criticized MP Sanjay Raut
महत्वाच्या बातम्या
- बंगळुरू-म्हैसूर प्रवास आता तीन तासांऐवजी फक्त ७५ मिनिटांत पूर्ण होणार
- Rajasthan : पुलवामातील शहीदांच्या विधवांच्या समर्थनासाठी भाजपा नेते, कार्यकर्ते उतरले रस्त्यावर
- राष्ट्रवादीच्या वाड्याला सुरूंग; जिल्हा बँक निवडणुकीत नगर नंतर जळगावातही राष्ट्रवादीला भाजपचा झटका!!
- संत तुकाराम महाराज पालखी मार्गाची नितीन गडकरींकडून हवाई पाहणी