प्रतिनिधी
मुंबई – महाराष्ट्रातील विरोधी भाजप आणि सत्ताधारी महाविकास आघाडी यांनी विधिमंडळ अधिवेशनात एकमेकांवर तुटून पडण्यासाठी रणनीती आखली आहे. पण विधिमंडळाचे अधिवेशन दोनच दिवसांमध्ये गुंडाळण्यापेक्षा जास्त दिवसांचे घ्यावे यासाठी भाजपने जोर लावला आहे. तर ठाकरे – पवार सरकारच्या मंत्र्यांचा चौकशीच्या फेऱ्यांमधून वाचविण्यासाठी महाविकास आघाडीचा बैठका पार पडत आहेत. BJP on offensive mode in maharashtra aseembly session, MVA on defensive path
विधिमंडळ अधिवेशनात ठाकरे – पवार सरकारला घेरण्याची रणनीती ठरविण्यासाठी भाजपच्या विधिमंडळ नेत्यांची बैठक झाली. यामध्ये अनेक मंत्र्यांना घेरण्याचे निश्चित करण्यात आले. विरोधी पक्षनेते देवेंद्र फडणवीस, आशिश शेलार, प्रवीण दरेकर आदी नेते बैठकीला हजर होते.
तर महाविकास आघाडी सरकारच्या समन्वय समितीची बैठक मु़ख्यमंत्री उद्धव ठाकरे आणि उपमुख्यमंत्री अजित पवार यांच्या उपस्थितीत वर्षा निवासस्थानी झाली. या बैठकीत पावसाळी अधिवेशन संदर्भातील रणनीती तसेच विधानसभा अध्यक्षपदा निवडणुकीसंदर्भात महत्वाची चर्चा झाली. या बैठकीला नगरविकास मंत्री एकनाथ शिंदे, जलसंपदा मंत्री जयंत पाटील, महसूल मंत्री बाळासाहेब थोरात आदी देखील उपस्थित होते.
अजित पवार, अनिल परब यांच्यासह विविध मंत्र्यांवर भाजपचे नेते गंभीर आरोप करीत आहेत. अनेक मंत्र्यांच्या मागे सीबीआय, ईडीच्या चौकशीचे शुक्लकाष्ट लागू शकते. या पार्श्वभूमीवर या मंत्र्यांचा बचाव कसा करायचा, यावर महाविकास आघाडीच्या समन्वय समितीत चर्चा झाली.;
BJP on offensive mode in maharashtra aseembly session, MVA on defensive path
महत्त्वाच्या बातम्या
- होय हप्तावसुलीसाठीच चौकशी, ईडीने ठणकावल्याने अनिल देशमुख यांना चौकशीसाठी हजर राहावेच लागणार
- जम्मू आणि काश्मीरच्या विभाजनामुळे राष्ट्रीय सुरक्षेत वाढ, संरक्षण मंत्री राजनाथ सिंह यांचा विश्वास
- अमृता फडणवीस म्हणाल्या, हो, मी भक्त आणि त्याचा मला अभिमान
- आरोग्यमंत्र्यांचा लिपलॉक टिपणाऱ्या सीसीटीव्ही कॅमेऱ्याचीच आता चौकशी
- दक्षिण कोरियाही उभारणार आयर्न डोम यंत्रणा, उत्तर कोरियाच्या युध्दपिपासू धोरणामुळे निर्णय
- हिंदू कार्यकर्त्याचा शिरच्छेद करण्यासाठी एक कोटी रुपयांचे इनाम, बरेलीतील मौलानाला पोलीसांनी केली अटक
