भाजपचे नेते किरीट सोमय्या यांनी शिवसेना खासदार संजय राऊत यांच्यावर मोठा आरोप करत त्यांच्या कुटुंबाची वाईन व्यावसायिकाशी भागीदारी असल्याचे म्हटले आहे. सोमय्या म्हणाले की, राऊतांच्या कुटुंबाने काही महिन्यांपूर्वी एका वाईन व्यावसायिकासोबत बिझनेस पार्टनरशीप केली. त्यांनी जाहीर करावं की त्यांची पत्नी, त्यांची कन्या यांच्या नावावर किती पार्टनरशीप आहे.” Big News Sanjay Raut Family Partnership With Wine Professionals, Raut’s Both Daughters Director, allegations by Kirit Somaiya
वृत्तसंस्था
मुंबई : भाजपचे नेते किरीट सोमय्या यांनी शिवसेना खासदार संजय राऊत यांच्यावर मोठा आरोप करत त्यांच्या कुटुंबाची वाईन व्यावसायिकाशी भागीदारी असल्याचे म्हटले आहे. सोमय्या म्हणाले की, राऊतांच्या कुटुंबाने काही महिन्यांपूर्वी एका वाईन व्यावसायिकासोबत बिझनेस पार्टनरशीप केली. त्यांनी जाहीर करावं की त्यांची पत्नी, त्यांची कन्या यांच्या नावावर किती पार्टनरशीप आहे.”
सोमय्या पुढे म्हणाले की, ”अशोक गर्ग यांच्या मॅगपी ग्लोबल लिमिटेड या कंपनीत राऊत यांची पार्टनरशीप आहे. त्यांचा हॉटेल, पब, क्लब आणि काही ठिकाणी वाईन वितरीत करण्याचा व्यवसाय आहे. 16 एप्रिल 2021 रोजी राऊत कुटुंबीयांनी मॅगपीसोबत करारावर सह्या केल्या. विधिता आणि पूर्वशी या संजय राऊत यांच्या दोन्ही मुली या कंपनीत संचालक आहेत.” आज संध्याकाळी चार वाजता पत्रकार परिषदेत शिवसेना नेत्याशी संबंधित कागदपत्रे जाहीर करणार असल्याचं सोमय्यांनी ट्वीट केलं आहे.
सोमय्या यांनी आरोप करताना म्हटले की, ”मॅगपी कंपनीचे मूळ नाव मादक प्रायव्हेट लिमिटेड असं आहे. या कंपनीची उलाढाल वार्षिक 100 कोटींची आहे. कंपनीने 2 जानेवारी रोजी या कंपनीचा मुख्य व्यवसाय वाईन वितरीत करण्याचा असल्याचे शासनाला कळवले. त्यानंतर राज्य सरकारने सुपर मार्केटमध्ये वाइन ठेवण्याचा निर्णय घेतला. मी थेट आरोप करतोय, पण उत्तर कोणी देत नाही, असेही ते म्हणाले.
सोमय्या पुढे म्हणाले की, एवढंच नाही तर वैजनाथ देवस्थानची जमीन ठाकरे सरकारने हडप केली आहे. त्या जमिनीसाठी तहसीलदारावर दबाव आणला जात आहे. ठाकरे सरकारचा वैजनाथ देवस्थान जमिनीमध्ये थेट संबंध आहे, असा आरोपही सोमय्यांनी यावेळी केला आहे.”
दरम्यान, भाजप आमदार अतुल भातखळकर यांनीही असेच आरोप करत एक ट्वीट केले आहे. याट्वीटमध्ये त्यांनी राऊत यांच्या कुटुंबीयांची मॅगपी कंपनीशी भागीदारी असल्याचे कागदपत्रे शेअर केली आहेत. भातखळकर ट्वीटमध्ये म्हणाले की, “निर्णय आधी माहिती असता तर शेतकऱ्यांनीही शेअर घेतले असते… मद्यक्रांतीचे खरे लाभार्थी!”
Big News Sanjay Raut Family Partnership With Wine Professionals, Raut’s Both Daughters Director, allegations by Kirit Somaiya
महत्त्वाच्या बातम्या
- Mann Ki Baat : ‘मन की बात’मध्ये पंतप्रधान मोदी म्हणाले- जिथे कर्तव्य सर्वोपरी असेल तिथे भ्रष्टाचार होऊ शकत नाही, प्रयत्नच स्वप्न पूर्ण करतील!
- UP Elections : असदुद्दीन ओवैसींचा अखिलेश यादवांवर हल्लाबोल, म्हणाले- सपाला मुस्लिम आपला कैदी वाटतो, आंधळेपणाने मतदान करतो!
- ‘ते खरे हिंदुत्ववादी असते तर त्यांनी जिना यांना गोळ्या घातल्या असत्या, गांधींना का मारले?’, गोडसे प्रकरणावर संजय राऊत यांचे वक्तव्य
- Pegasus : पेगासस हेरगिरी प्रकरण सर्वोच्च न्यायालयात पोहोचले, नवीन तथ्यांसह एफआयआर नोंदवण्यासाठी अर्ज
- पुणे महापालिकेची प्रारूप प्रभाग रचना एक फेब्रुवारीला जाहीर होणार
- शिलाटणे गावाजवळ अपघात; पाच जणांचा जागीच मृत्यू
- आधी पुनर्वसन, मगच धरण; कोल्हापूर जिल्ह्यातील उचंगी धरणग्रस्तांची सडेतोड भूमिका; काम पडले बंद