विशेष प्रतिनिधी
छत्रपती संभाजीनगर : शरद पवार गटाचे बीडचे खासदार बजरंग सोनवणे ( Bajrang Sonavane ) यांना अपात्र ठरवण्याच्या मागणीसाठी उच्च न्यायालयाच्या औरंगाबाद खंडपीठात याचिका दाखल झाली आहे. त्यावर न्या. ए. एस. वाघवसे यांनी सोनवणे यांना कारणे दाखवा नोटीस बजावण्याचे आदेश दिले आहेत. पुढील सुनावणी चार आठवड्यांनी होईल.
बीडमधील सामाजिक कार्यकर्ते अमर नाईकवाडे यांनी ही याचिका दाखल केली आहे. बीड लोकसभा निवडणुकीत बजरंग सोनवणे यांनी भाजपच्या उमेदवार व माजी मंत्री पंकजा मुंडे यांचा ६ हजार मतांनी पराभव केला होता. मात्र आता निवडणूक निकालाच्या तीन महिन्यानंतर नाईकवाडे यांनी निवडीवर आक्षेप घेतला आहे.
च्या तोंडावर तीन दिवस अगोदरच बीड येथील सहा आणि माजलगाव येथील एक अशी सात मतदान केंद्रे ऐनवेळी जाहीर करण्यात आली. नियमाप्रमाणे मतदान केंद्राची निर्मिती करताना राजपत्र प्रसिद्ध करणे आवश्यक आहे. मात्र प्रशासनाने ही प्रक्रिया पार न पाडता सात मतदान केंद्रांची निर्मिती केली.
मतदान केंद्रांची संख्या वाढवल्याने मतदान केंद्रांची विभागणी झाली. त्याचा मतदानावर विपरीत परिणाम झाला. तसेच ४२६१ मतदारांना केंद्र सापडले नसल्याचा दावा करण्यात आला. मतदान केंद्र क्र. ६८ वर ईव्हीएम मशीनमध्ये वाढीव मतदान झाल्याने ७७४ मतदान मोजण्यात आले नाही. तसेच ११५६ पोस्टल मतेही मोजण्यात आली नाही, असे याचिकेत म्हटले आहे. याचिकाकर्त्यांतर्फे ॲड. शशिकांत शेकडे यांनी काम पाहिले. त्यांना ॲड. बाळासाहेब बोडखे, पृथ्वीराज ढाकणे यांनी सहकार्य केले.
जातीच्या नावावर मते मागितल्याचा आरोप
अर्ज दाखल करताना सोनवणे यांनी शेती आणि दुग्धव्यवसाय दाखवला. तसेच मालमत्ता २०० कोटी दाखवली आहे. ते येडेश्वरी कारखान्याचे व्यवस्थापकीय संचालक असून ते वेतनही घेतात ही बाब लपवण्यात आली. सोनवणे यांनी जातीच्या नावावर मतदान मागितले. त्यामुळे त्यांची निवड रद्द करण्याच्या मागणी याचिकेत करण्यात आली आहे.
disqualification plea against Beed MP Bajrang Sonavan in high court
महत्वाच्या बातम्या
- Rhea Barde : द फोकस एक्सप्लेनर : बन्ना शेख कशी झाली रिया बर्डे? भारतात अश्लील चित्रपट बनवले… अटकेतील बांगलादेशी पॉर्न स्टारची संपूर्ण कहाणी
- Jagan Mohan Reddy : प्रसादाच्या लाडूतील भेसळीचा वाद अंगावर आला; जगन मोहन रेड्डींनी राजकीय नौटंकी करत तिरुपतीचा दौरा रद्द केला!!
- Indonesia : सोन्याच्या खाणीत खोदकाम करणे जीवावर बेतलं, दरड कोसळल्याने 15 जणांचा मृत्यू
- Maharashtra : महाराष्ट्रातील 300 कोटी रुपयांच्या घोटाळ्यातील आरोपी मथुरेतून साधूच्या वेशात अटक