• Download App
    Baba Siddiqui बाबा सिद्दीकींच्या हत्येचा कट तीन महिन्यांपूर्वीच रचणं सुरू झाला होता!

    Baba Siddiqui बाबा सिद्दीकींच्या हत्येचा कट तीन महिन्यांपूर्वीच रचणं सुरू झाला होता!

    यूट्यूब पाहून शूट करायला शिकला शूटर Baba Siddiqui 

    विशेष प्रतिनिधी

    मुंबई : राष्ट्रवादीचे ज्येष्ठ नेते बाबा सिद्दीकीच्या हत्या प्रकरणात धक्कादायक खुलासा झाला आहे. बाबा सिद्दीकी यांच्या हत्येचा कट तीन महिन्यांपूर्वीच रचला गेल्याचे सांगण्यात येत आहे. अनेकवेळा आरोपी बाबा सिद्दीकी यांच्या घराजवळही शस्त्राशिवाय गेले होते. मुंबई क्राईम ब्रँचकडून मिळालेल्या माहितीनुसार, बाबा सिद्दीकी यांच्या हत्येचे संपूर्ण नियोजन पुण्यात करण्यात आले होते.

    मुंबई क्राईम ब्रँचने आतापर्यंत १५ हून अधिक लोकांचे जबाब नोंदवले आहेत, ज्यात घटनेच्या वेळी उपस्थित असलेल्या अनेक प्रत्यक्षदर्शींचा समावेश आहे. बाबा सिद्दीकी हत्येप्रकरणी अटक करण्यात आलेला चौथा आरोपी हरीश हा मध्यस्थ म्हणून काम करत होता. अटक आरोपी प्रवीण आणि शुभम लोणकर (फरार आरोपी) यांनी अटक केलेल्या शूटर गुरमेल सिंग आणि धर्मराज कश्यप यांना दोन लाख रुपये दिले होते आणि ही रक्कम चौथा आरोपी हरीश याच्यामार्फत पाठवली होती.


    Sharad Pawar : शरद पवार यांची स्पष्टोक्ती, 90 वर्षांचा झालो तरी महाराष्ट्राला मीच योग्य रस्त्यावर आणणार, पक्षाची सूत्रे कुणालाही देणार नाही


    गोळीबार करणाऱ्यांना पैशांसोबत दोन मोबाईल फोनही देण्यात आले आहेत. हरीश गेल्या नऊ वर्षांपासून पुण्यात राहत होता. आरोपींनी चॅटिंगसाठी स्नॅप चॅट ॲपचा वापर केला आणि कॉलिंगसाठी इन्स्टाग्रामचा वापर केल्याचेही तपासात समोर आले आहे. गुरमेल सिंग आणि धरमराज कश्यप हे आरोपी शूटर यूट्यूबवर व्हिडिओ पाहून शूट करायला शिकले. आरोपींनी कुर्ला आणि पुणे येथे बंदुकीतून गोळीबार करण्याचा सराव केला होता.

    तीन फरार आरोपींचा शोध सुरू आहे

    मुंबई गुन्हे शाखेने आतापर्यंत ४ आरोपींना अटक केली असून तीन आरोपी अद्याप फरार असून त्यांचा शोध सुरू आहे. याप्रकरणी आज सापडलेल्या काळ्या पिशवीतून ७.६२ एमएमची बंदूक सापडल्याचे मुंबई पोलिसांनी सांगितले. या घटनेत लॉरेन्स बिश्नोई टोळीचे नाव समोर येत आहे. शुभम लोणकर यानेच आपल्या फेसबुक पोस्टमध्ये बिष्णोई टोळीचे नाव घेतले होते, त्यानंतर त्याचाही शोध सुरू आहे.

    The conspiracy to kill Baba Siddiqui had started three months ago

    महत्वाच्या बातम्या

    Related posts

    Maratha reservation : मराठा आरक्षणासाठी मुंबईत तणाव, फडणवीसांचा विरोधकांवर हल्लाबोल!

    Mumbai Kohima : भारतात मुंबई आणि कोहिमा महिलांसाठी सर्वात सुरक्षित शहरे; पाटणा आणि दिल्ली सर्वात कमी सुरक्षित

    Devendra Fadnavis मराठा आंदोलनावर राजकीय पोळी भाजणाऱ्यांचे तोंड भाजेल; मुख्यमंत्री देवेंद्र फडणवीसांचा इशारा!!