प्रतिनिधी
मुंबई : शिंदे सरकारच्या दबावाखाली अंधेरी पोटनिवडणुकीच्या उमेदवाराचा राजीनामा स्वीकारण्यास उशीर केल्याचा आरोप उद्धव ठाकरेंच्या नेतृत्वाखालील शिवसेनेच्या गटाने मुंबई मनपावर केला आहे. ठाकरे गटाच्या उमेदवार रुतुजा लटके या बृहन्मुंबई महानगरपालिकेत (BMC) लिपिक आहेत. अशा परिस्थितीत राज्य सरकारच्या दबावाखाली बीएमसी रुतुजा यांना एनओसी देण्यास विलंब करत असल्याचा आरोप ठाकरे गटाचे अनिल परब यांनी केला. नियमांनुसार कोणताही सरकारी कर्मचारी निवडणूक लढवू शकत नाही आणि रुतुजा यांना अंधेरी मतदारसंघातून पोटनिवडणूक लढवायची आहे.Andheri by-election Suspense over the candidate of Uddhav Thackeray group, the municipal corporation has not yet accepted the resignation
ठाकरे गटाच्या नेत्याचे बीएमसीवर गंभीर आरोप
बुधवारी पत्रकार परिषदेत अनिल परब यांनी रुतुजा यांच्या राजीनाम्याला बीएमसीने प्रतिसाद दिला नसल्याचा आरोप केला. अशा परिस्थितीत त्या निवडणूक लढवू शकत नाहीत आणि उमेदवारी अर्ज भरण्याची मुदतही जवळ आली आहे. देशातील एकूण 7 जागांसाठी 3 नोव्हेंबरला विधानसभा पोटनिवडणूक होणार आहे. अनिल परब यांनी सांगितले की, रुतुजा यांनी 2 सप्टेंबर रोजी सशर्त राजीनामा दिला, पण महिनाभरानंतर त्या एनओसी घेण्यासाठी गेल्या तेव्हा त्यांना सांगण्यात आले की त्यांचा राजीनामा योग्य स्वरूपात नाही, म्हणून त्यांनी 3 ऑक्टोबर रोजी राजीनामा दिला.
रुतुजा या शिवसेनेचे माजी आमदार रमेश लटके यांच्या पत्नी आहेत, त्यांचे या वर्षाच्या सुरुवातीला निधन झाले. यानंतर त्यांच्या मतदारसंघात पोटनिवडणूक झाली. रुतुजा लटके यांना शिंदे गटाकडून मंत्रिपदाची ऑफर दिली जात असून शिंदे गट त्यांना आकर्षित करण्याचा प्रयत्न करत असल्याचे परब यांनी सांगितले. त्यामुळे त्यांना एनओसी देऊ नये यासाठी बीएमसीवर दबाव टाकला जात असल्याचा आरोप होत आहे. त्यांच्यावर कोणतेही कर्ज किंवा शिस्तभंगाची कारवाई प्रलंबित नाही. मात्र, त्यांचा राजीनामा स्वीकारण्यात आला नाही. आयुक्तांची तीन वेळा भेट घेतली. पण त्यांच्याकडे उत्तर नव्हते. राज्य सरकारकडून महापालिका आयुक्तांवर दबाव असल्याचे स्पष्ट झाले आहे, असा आरोप त्यांनी केला
Andheri by-election Suspense over the candidate of Uddhav Thackeray group, the municipal corporation has not yet accepted the resignation
महत्वाच्या बातम्या
- राज्यात 20 सनदी अधिकाऱ्यांच्या बदल्या : आस्तिककुमार पांडेय औरंगाबादचे जिल्हाधिकारी
- कर्नाटक हिजाब वादावर आज सुप्रीम कोर्टात सुनावणी : 10 दिवस युक्तिवाद ऐकल्यानंतर राखून ठेवला होता निकाल
- सप्टेंबरमध्ये किरकोळ महागाईत वाढ : भाजीपाला आणि डाळींच्या किमती वाढल्याने महागाई 7.41% वर पोहोचली, ऑगस्टमध्ये 7% होती
- UNGA मध्ये रशियाविरोधात निषेधाचा ठराव मंजूर : 143 देशांचा युक्रेनच्या 4 भागांवर रशियाच्या कब्जाला विरोध, भारत मतदानापासून दूर