दौंड साखर कारखान्याच्या आर्थिक व्यवहारा संदर्भात ही छापेमारी करण्यात आल्याचं सांगण्यात आलं.Ajit Pawar was shocked once again, ED raided the house of his brotherJagdish Kadam.
विशेष प्रतिनिधी
पुणे : राज्याचे उपमुख्यमंत्री अजित पवार यांचे चिरंजीव आणि बहिणींच्या घरी मागील काही दिवसात आयकर विभागाने छापेमारी केल्याची घटना घडली असतानाच आता पुन्हा एकदा अजितदादांना धक्का बसला आहे. अजितदादांचे मावस भाऊ जगदीश कदम यांच्या घरी ईडीने सकाळीच धाड टाकली. त्यामुळे खळबळ उडाली आहे. दौंड साखर कारखान्याच्या आर्थिक व्यवहारा संदर्भात ही छापेमारी करण्यात आल्याचं सांगण्यात आलं.
कोण आहेत जगदीश कदम
जगदीश कदम हे दौंड सहकारी साखर कारखान्याचे संचालक आहेत. ते अजित पवार यांचे मावस भाऊ आहेत. कदम हे सहकार नगरमध्ये राहतात. त्यांच्या घरी आज सकाळीच ईडीने धाड मारली. त्यामुळे तेथे खळबळ उडाली आहे. विशेष म्हणजे कदम हे मुंबईत आहेत. घरी ईडीने धाड मारल्याचं कळताच कदम हे मुंबईहून पुण्याकडे जायला निघाले आहेत.
दौंड सहकारी साखर कारखान्यात आर्थिक गैरव्यवहार झाल्याचे आरोप भाजप नेते किरीट सोमय्या यांनी केले होते. त्यामुळे दौंड साखर कारखान्याच्या आर्थिक व्यवहारावर प्रश्नचिन्हं उपस्थित करण्यात आले होते. दरम्यान कारखान्यात कोणतीही अनियमितता झाली नसल्याचा खुलासादेखील कारखान्याकडून करण्यात आला होता. तरीही जगदीश कदम यांच्या घरी ईडीकडून धाड मारण्यात आल्याने आश्चर्य व्यक्त केलं जात आहे.
Ajit Pawar was shocked once again, ED raided the house of his brother Jagdish Kadam.
महत्त्वाच्या बातम्या
- लाचखोरीच्या प्रकरणात चौकशी सुरू असतानाच समीर वानखेडे यांना झेड प्लस सुरक्षा मिळाली यावर संजय राऊत यांनी केली टीका
- ममता बॅनर्जींचे मिशन गोवा आजपासून, पदयात्रेसह अनेक कार्यक्रमांचे आयोजन, मुखपत्रात म्हणाल्या – काँग्रेससाठी थांबणार नाही, भाजपशी लढायला आम्ही खंबीर!‘
- किरण गोसावीचा अटकेआधीचा व्हिडिओ आला समोर! म्हणाला , मी मराठी माणूस….
- सचिन पाटील नावाने लपला, एनजीओचा मेंबर असल्याचा बनाव, पुणे पोलिसांनी दिली संपूर्ण माहिती