विशेष प्रतिनिधी
नवी दिल्ली : हिंदुत्वाच्या नावाने उद्धव सेनेने दिल्लीत भलतेच चाळे केले. मुंबईत उद्धव ठाकरेंनी पत्रकार परिषद घेऊन त्या चाळ्यांना पाठिंबा दिला, पण अजित पवारांचे खासदार मात्र मुकाटपणे waqf सुधारणा विधेयकाला पाठिंबा देऊन मोकळे झाले.Ajit Pawar NCP supports Waqf amendment bill
उद्धव ठाकरेंच्या शिवसेनेने waqf सुधारणा विधेयकाच्या विरोधात लोकसभेत मतदान केले. संजय राऊत यांनी राज्यसभेत भाजपवर दुगाण्या झोडणारे भाषण केले. उद्धव ठाकरेंनी पत्रकार परिषदेत भाजपवर त्याच दुगाण्या झोडल्या. पण ठाकरे सेनेने हिंदुत्व सोडले नसल्याच्या दिल्ली आणि मुंबईत बाता मारल्या. संजय राऊत यांनी तर तुमच्या मनात जीना बसलाय, तुम्हाला हिंदू पाकिस्तान बनवायचेय हिंदू मुल्लांनी मला शिकवू नये, अशा एका चढ एक बाता मारल्या पण अजित पवारांच्या राष्ट्रवादी काँग्रेसच्या खासदारांनी भाजपच्या सत्तेच्या बडग्याला घाबरून मुकाटपणे waqf सुधारणा कायद्याला पाठिंबा दिला.
खासदार सुनील तटकरे यांनी लोकसभेमध्ये मोदी सरकारने मांडलेल्या विधेयकाच्या बाजूने मतदान केले. सुनेत्रा पवारांनी राज्यसभेत विधेयकाला पाठिंबा दिला. अजित पवारांच्या राष्ट्रवादी काँग्रेसला तसाही विधेयकाला पाठिंबा देण्याशिवाय दुसरा पर्याय नव्हता, कारण महाराष्ट्रात नुसत्या राजकीय तत्वांच्या गप्पा मारून भाजपच्या सत्तेच्या वळचणीला बसता येणार नाही. भाजपच्या मर्जीनुसार त्या सत्तेचे लाभ आपल्याला घेता येणार नाहीत, याची भीती अजित पवारांच्या राष्ट्रवादीच्या नेत्यांना वाटते. त्यामुळे त्यांनी waqf सुधारणा विधेयकाला पाठिंबा देऊन महाराष्ट्रातील सत्तेची वळचण टिकवून धरली.
Ajit Pawar NCP supports Waqf amendment bill
महत्वाच्या बातम्या
- Waqf Amendment Bill : 12 नव्हे, तब्बल 14 तासांची चर्चा, गरीब मुसलमानांचा फायदा, Waqf सुधारणा विधेयक लोकसभेत मंजूर!!
- Waqf Bill passed वक्फ विधेयक रात्री 2 वाजता लोकसभेत मंजूर; 60% जागा अतिक्रमणात, नोटिसा देऊनही हाती काही नाही
- 370 नंतर प्रथमच अमित शाहांचे स्फोटक भाषण; Waqf ने मंदिरे, गुरुद्वारे, चर्चेसच्या मालमत्ता हडपल्याचे केले सविस्तर वर्णन!!
- Waqf बिलावरच्या चर्चेत सर्व पक्षांचे लोकसभेतले गटनेते बोलले; पण राहुल + प्रियांका + सुप्रियांनी चर्चेतून पलायन केले!!