कोविड सेंटरमध्ये सुपरवाझर असल्याचे भासवून चक्क एका प्रसिद्ध मॉडेल-अभिनेत्रीचं लसीकरण करण्यात आल्याची धक्कादायक घटना.
संबंधित महिलेला फ्रंटलाईन वर्करचे ओळखपत्र कोणत्या संस्थेने दिले आणि कशासाठी दिले हे देखील तपासावे लागणार आहे. त्यामुळे आता ओळखपत्र देणारी संस्थादेखील अडचणीत आली आहे. या प्रकरणाची सखोल चौकशी करण्याची मागणी ठाणे महानगरपालिकेचे भाजप गटनेते मनोहर डुंबरे यांनी केली आहे.
Actress Meera Chopra get vaccinated on fake identity card
विशेष प्रतिनिधी
ठाणे : ठाणे महापालिकेच्या पार्कींग प्लाझा येथील कोविड सेंटरमध्ये सुपरवाझर म्हणून चक्क एक अभिनेत्री काम पाहत आहे .काय?वाचून धक्का बसला ना तर फ्रंटलाईन वर्कर असल्याचे भासवून चक्क एका प्रसिद्ध मॉडेल-अभिनेत्रीचं लसीकरण करण्यात आल्याची धक्कादायक घटना समोर आली आहे. संबंधित अभिनेत्रीकडे फ्रंटलाईन वर्करचं ओळखपत्र होतं. एकीकडे राज्यात लसींचा तुटवडा असल्यामुळे सरकारने १८ ते ४४ वयोगटातील लोकांसाठीचं लसीकरण बंद ठेवलं आहे. ४५ वर्षावरील लोकांना लस मिळावी यासाठी सरकारी यंत्रणा प्रयत्नशील आहेत. परंतू ठाणे महानगरपालिकेशी संलग्न असलेल्या कोविड सेंटरचं ओळखपत्र तयार करत मीरा चोप्रा या अभिनेत्रीने कोरोनाची लस घेतल्याचा गंभीर प्रकार समोर आला आहे.
मीरा चोप्रा ही तामिळ, तेलगू सिनेसृष्टीत काम करते. मीरा चोप्राने ठाणे महापालिकेच्या पार्किंग प्लाजा येथील कोविड सेंटरमध्ये सुपरवायजर म्हणून काम करत असल्याचं भासवत लस घेतली. महत्वाची गोष्ट म्हणजे मीराने आपण लस घेतानाचा फोटो इन्स्टाग्राम अकाऊंटवर पोस्ट करत सर्वांना लस घेण्याचं आवाहनही केलं. परंतू ही बाब प्रसारमाध्यमांमध्ये समोर येताच तिने ही पोस्ट डिलीट केली आहे.
मीरा चोप्राने डिलीट केलेली इन्स्टाग्राम पोस्ट
राजकारण तापले :
दरम्यान या प्रकरणावरुन आता ठाणे शहरातलं राजकारण तापायला सुरुवात झाली आहे. अभिनेत्रीला कोविड सेंटरमध्ये सुपरवायजरचं ओळखपत्र कोणी बनवून दिलं? कोणत्या कारणासाठी दिलं याचा तपास व्हायला हवा अशी मागणी ठाणे मनपाचे भाजप गटनेते मनोहर डुंबरे यांनी केली आहे. ठाणे महापालिकेनेही या प्रकरणाची दखल घेतली असून, उपायुक्त संदीप माळवी यांनी प्रकरणाची चौकशी करुन संबंधितांवर कारवाई करण्यात येईल असं तोंडीच सांगितलं आहे.
खासगी कंपनीकडून ओळखपत्र
ओम साई आरोग्य केयर सेंटर या खाजगी कंपनीने मीरा चोप्रा हिला सुपरवायझर भासवून लस देण्यात आल्याची बाब समोर आलेली आहे.ठाण्याच्या पार्किंग प्लाझा येथील कोविड रुग्णालयात कर्मचारी पुरवण्याचं काम ओम साई आरोग्य केअर सेंटर या कंपनीकडे आहे. या कंपनीने एका सेलिब्रेटीला सुपरवायजर नेमलं का? की लस घेण्यासाठी या अभिनेत्रीला सुपरवायजरचं ओळखपत्र बनवून देण्यात आलं? पालिका आयुक्तांनी याची चौकशी करुन सर्व प्रकार समोर आणावा अशी मागणी भाजपचे विधानपरिषदेचे आमदार निरंजन डावखरे यांनी केली आहे. त्यामुळे ठाणे महापालिका या प्रकरणात नेमकी काय कारवाई करते याकडे सर्वांचं लक्ष असणार आहे.
Actress Meera Chopra get vaccinated on fake identity card
महत्त्वाच्या बातम्या
- कोरोना काळात कैद्यांची गर्दी होणार कमी, राज्यात कारागृहांमधील ५४२ कैद्यांना तात्काळ पॅरोल
- राणीच्या बागेत आता गुंजणार चित्ता तसेच पांढऱ्या सिंहांची डरकाळी
- स्वच्छ भारत मिशन ! ‘ग्रँड वॉटर सेव्हिंग चॅलेंज’- केंद्र सरकार देत आहे ५ लाख रुपये जिंकण्याची संधी ; २५ जून पूर्वी करा अर्ज
- सोशल मीडियाच्या स्वयंघोषित फॅक्ट चेकर्सवर रविशंकर प्रसादांचा तिखट प्रहार; मोदी व्देषाच्या कारस्थानाची पोलखोल
- पवारांचे राजकारण ४० वर्षे ओळखत असल्याचे सांगत प्रकाश आंबेडकरांची खासदार संभाजीराजेंबरोबर जाण्याची तयारी