• Download App
    Swargate rape case स्वारगेट बलात्कार प्रकरणात आरोपीचा

    Swargate rape case : स्वारगेट बलात्कार प्रकरणात आरोपीचा 5 तास जबाब नोंद; आरोपीने पुण्यात यापूर्वीही काढली महिलांची छेड

    Swargate rape case

    प्रतिनिधी

    पुणे : Swargate rape case  स्वारगेट एसटी स्थानकात २६ वर्षीय तरुणीवर शिवशाही बसमध्ये बलात्कार करणारा आरोपी दत्तात्रय गाडे याची न्यायालयाने १२ मार्चपर्यंत पोलिस कोठडीत रवानगी केली आहे. शनिवारी स्वारगेट पोलिसांनी आरोपी गाडे याचा तब्बल ५ तास जबाब नोंद केला. जबाबामध्ये धक्कादायक माहिती समोर आली असून त्याबाबतची वाच्यता संवेदनशील प्रकरणामुळे करता येणार नसल्याचे पोलिसांनी सांगितले. मात्र, पुण्यातील बंड गार्डन आणि स्वारगेट पोलिस ठाण्याच्या हद्दीत यापूर्वी दोन वेळा आरोपी गाडे हा महिलांसोबत छेडछाड करताना सापडला होता. परंतु त्याने दिशाभूल करणारी माहिती देत स्वतःची पोलिसांच्या तावडीतून सुटका केल्याचेही स्पष्ट झाले.Swargate rape case



    आरोपीवर यापूर्वीच्या ६ गुन्ह्यापैकी पाच गुन्ह्यामध्ये महिला तक्रारदार असून त्याची महिलांबाबत वृत्ती विकृत आहे, असे दिसून आले आहे. शिरूर पोलिस ठाण्यात सन २०२० मध्ये दाखल असलेल्या एका महिलेच्या गुन्ह्यात आरोपीवर अश्लील कृत्य केल्याने विनयभंग गुन्हादेखील दाखल आहे. आरोपीच्या मोबाइलचे तांत्रिक विश्लेषण केला असता तो वेगवेगळ्या एसटी स्थानकांवर आणि रेल्वेस्थानकावर सावज हेरण्यासाठी वारंवार फिरला असल्याचे दिसले.

    आरोपीला पोलिस गावी तपासासाठी नेणार

    दत्तात्रय गाडे हा घटना घडल्यावर स्वारगेट एसटी स्थानकातून दुसऱ्या गाडीने गावी गेला होता. तरुणीची तक्रार आल्यावर स्वारगेट पोलिस त्याचा शोध घेत घरीदेखील गेले. मात्र, त्याची कुणकुण लागल्याने आरोपी तीन दिवस गावातील शेतात पसार झाला होता. त्यामुळे त्याचा शोध घेण्यासाठी पोलिसांना अथक प्रयत्न करावे लागले. आरोपी पसार असताना नेमके कुठे कुठे फिरला, त्याला कोणी मदत केली का, पुरावा लपवण्यासाठी त्याने काही उद्योग केले आहे का याबाबतची चौकशी करण्यासाठी स्वारगेट पोलिस आरोपीला गुनाट गावी घेऊन जाणार आहे. त्याला गावात विरोध असल्याने गावात बंदोबस्त असेल.

    Accused’s statement recorded for 5 hours in Swargate rape case; Accused has molested women in Pune before

    महत्वाच्या बातम्या

    Related posts

    सुधाकर बडगुजर यांची भाजपमध्ये संभाव्य एन्ट्री, पुढच्या राजकारणातला धोका ओळखून आमदार सीमा हिरे यांचा विरोध; पण निर्णय काय होणार??

    Girish Mahajan : तुमच्याकडच्या लग्नामध्ये कोण कोण नाचले विचारले तर काय होईल? गिरीश महाजन यांचा संजय राऊतांवर पलटवार

    Devendra Fadanvis : घराचे स्वप्न आता वास्तवात; महाराष्ट्राची बेघरमुक्तीकडे दमदार वाटचाल; ग्रामीण भागातील घरांसाठी 80000 कोटींची गुंतवणूक!!