विशेष प्रतिनिधी
मुंबई: आर्यन खान यांच्या मोबाईलमध्ये एका अभिनेत्रीसोबतचे अंमली पदार्थाबद्दलचे चॅट एनसीबीला आढळून आले होते. गुरुवारी ती अभिनेत्री अनन्या पांडे असल्याचं समोर आलं. एनसीबीने अनन्या पांडेचा फोन ताब्यात घेत चौकशीला बोलावलं होतं. त्या चौकशीत अनन्याला काय विचारण्यात आलं, याबद्दलची माहिती इंडिया टुडेने दिली आहे.AARYAN KHAN DRUGS CASE: What was the discussion between Ananya Pandey and Aryan Khan? Shocking chatting in front
आर्यन खानला अटक केल्यानंतर एनसीबीने त्याच्या जामीनाला विरोध केला होता. त्याचबरोबर एका अभिनेत्रीबरोबर आर्यन खान अंमली पदार्थाबद्दल बोलत असल्याचंही न्यायालयासमोर सादर केलं होतं. गुरुवारी अचानक एनसीबीने अभिनेत्री अनन्या पांडे हिच्या घरी धाड टाकली. त्यानंतर आर्यनसोबत चॅट करणारी ती अभिनेत्री अनन्या पांडे असल्याचं समोर आलं. एनसीबीने अनन्याची गुरुवारी दोन तास चौकशी केली.
चौकशीनंतर आता आर्यन खान आणि अनन्या पांडे यांच्यात काय चर्चा झाली होती, याबद्दलची माहिती समोर आली आहे. एनसीबीच्या सूत्रांनी इंडिया टुडे टीव्हीला ही माहिती दिली आहे. सूत्रांनी सांगितल्या प्रमाणे आर्यन खान यांच्या मोबाईलमध्ये अनन्या पांडे हिच्यासोबतच्या चॅटमध्ये अंमली पदार्थांबद्दल विचारणा केल्याचा मजकूर आढळून आला आहे. आर्यन खानने अभिनेत्री अनन्या पांडेकडे गांजा मिळवून देण्याबद्दल विचारणा केली होती.
चॅटमध्ये आर्यन खान अभिनेत्री अनन्या पांडेला म्हणतो की, ‘गांजा मिळू शकतो का?’ त्यावर अनन्या पांडे म्हणते ‘मी व्यवस्था करते.’ एनसीबीने आढळून आलेल्या चॅटची चौकशी सुरु केली असून, यासंदर्भात गुरुवारी अनन्या पांडेला समन्स बजावण्यात आलं होतं.
दुपारी दोन वाजता अनन्या पांडे एनसीबी कार्यालयात दाखल झाली. यावेळी समीर वानखेडे यांच्यासह काही अधिकाऱ्यांनी तिची चौकशी केली. यावेळी तिला या संभाषणाविषयी विचारण्यात आलं. त्यावर आपण फक्त मस्करी करत होतो, असं उत्तर अनन्याने दिलं.
AARYAN KHAN DRUGS CASE: What was the discussion between Ananya Pandey and Aryan Khan? Shocking chatting in front
महत्त्वाच्या बातम्या
- नवाब मलिक यांनी समीर वानखेडे यांचा बाप काढला; अजितदादा म्हणाले “नो कॉमेंट्स”
- चिथावणीखोर भाषणे; जेएनयूचा विद्यार्थी शर्जील इमामचा जामीन अर्ज साकेत कोर्टाने फेटाळला
- महाराष्ट्रात देशाच्या १२ टक्के लसीकरण!,ज्येष्ठ नागरिकांनी अधिक काळजी घ्यावी ; उपमुख्यमंत्री अजित पवार यांचे आवाहन
- ‘लसीकरण मोहिमेवर व्हीआयपी संस्कृतीचा दबदबा नव्हता’, पंतप्रधान मोदींच्या राष्ट्राला उद्देशून केलेल्या भाषणातील टॉप 10 मुद्दे
- पुण्यात दिवाळी पहाट कार्यक्रमांना परवानगी; उपमुख्यमंत्री अजित पवार यांची मोठी घोषणा
- ‘जनतेसोबत घृणास्पद विनोद सुरू आहे’, पेट्रोल आणि डिझेलच्या दरवाढीवरून राहुल गांधींचा केंद्रावर हल्लाबोल
