प्रतिनिधी
मुंबई : महाराष्ट्र राज्य माध्यमिक आणि उच्च माध्यमिक शिक्षण मंडळातर्फे घेण्यात आलेल्या दहावी परीक्षेचा निकाल आज जाहीर करण्यात आला आहे. यावर्षी राज्याचा दहावीचा निकाल 93.83 % लागला आहे. गेल्या वर्षीच्या तुलनेत हा 3.08 % कमी आहे. महाराष्ट्र राज्य माध्यमिक आणि उच्च माध्यमिक शिक्षण मंडळाचे अध्यक्ष शरद गोसावी यांनी पत्रकार परिषद घेत निकाल जाहीर केला आहे. 10th Result Numerical Speech; The overall result dropped, but the girls were the top
दहावीचा निकाल जाहीर करण्यात आला आहे. राज्याचा दहावीचा एकूण निकाल 93.83 % लागला आहे. तर राज्यातील 43 शाळांचा निकाल 0 % लागला आहे. तर राज्यातील 29.74 % शाळांचा निकाल 100 % लागला आहे. याशिवाय राज्यातील 151 विद्यार्थ्यांना 100 टक्के मार्क मिळाले आहेत.
राज्यात कोकण विभागाचा निकाल सर्वाधिक लागला तर सर्वात कमी निकाल नागपूर विभागाचा लागला आहे. याशिवाय यंदाच्या निकालातही मुलींनी बाजी मारली आहे. मुलांच्या तुलनेत मुलींचा निकाल 3.82 % अधिक लागला आहे. यावर्षी 95.87 टक्के मुली उत्तीर्ण झाल्या आहेत, तर उत्तीर्ण होणाऱ्या मुलांचं प्रमाण 92.05 टक्के आहे.
बोर्डाकडून निकालाची आकडेवारी जाहीर करण्यात आली आहे. विद्यार्थ्यांना आपला निकाल हा दुपारी 1.00 नंतर ऑनलाईन पाहता येणार आहे.
100 टक्के विभागनिहाय शाळा 29.74 टक्के
पुणे विभाग : 1240 टक्के
नागपूर विभाग : 709 टक्के
औरंगाबाद विभाग : 644 टक्के
मुंबई विभाग : 979 टक्के
कोल्हापूर विभाग : 1089 टक्के
अमरावती विभाग : 652 टक्के
लातूर विभाग : 383 टक्के
कोकण विभाग : 427 टक्के
राज्यात 100 टक्के मार्क मिळवणाऱ्या विद्यार्थ्यांची संख्या 151
100 टक्के मार्क मिळवले विभागीय विद्यार्थी संख्या :
पुणे : 5
औरंगाबाद : 22
मुंबई : 6
अमरावती : 7
लातूर : 108
कोकण : 3
यंदा दहावीचा निकाल 93.83 %
मार्च 2020 : 95.30 %
मार्च 2021 : 99.95 %
मार्च 2022 : 96.94 %
मार्च 2023 : 93.83 %
महाराष्ट्र राज्य माध्यमिक आणि उच्च माध्यमिक शिक्षण मंडळामार्फत मार्च 2023 मध्ये घेण्यात येणारी दहावीची लेखी परीक्षा 2 ते 25 मार्च या कालावधीत पार पडली. यंदा दहावीच्या परीक्षेला 23 हजार 10 शाळांमधील 15 लाख 79 हजार 374 विद्यार्थ्यांनी परीक्षेसाठी नोंदणी केली होती. परंतु मागील पाच वर्षाच्या तुलनेत यंदा परीक्षेसाठी नोंदणी करणाऱ्या विद्यार्थ्यांची संख्या कमी होती. गेल्या वर्षाच्या तुलनेत यंदा विद्यार्थ्यांची नोंदणी तब्बल 61 हजार 708 ने कमी झाली.
10th Result Numerical Speech; The overall result dropped, but the girls were the top
महत्वाच्या बातम्या
- राहुल गांधी यांनी मुस्लिम लीगला दिले धर्मनिरपेक्ष पक्षाचे प्रमाणपत्र, भाजपचा पलटवार- असे सांगणे त्यांची मजबुरी!
- Chief Minister Relief Fund : आता एका मिस्ड कॉलवर मिळणार मुख्यमंत्री सहाय्यता निधीचा अर्ज; शिंदे – फडणवीस सरकारचा निर्णय
- छत्रपती शिवाजी महाराज यांच्या राज्याभिषेकाला आज ३५० वर्षे पूर्ण
- मुंबईच्या मालवणीत बांगलादेशींनी उभारलेल्या अनधिकृत बांधकामांवर हातोडा
