US President Joe Biden : अमेरिकेचे अध्यक्ष जो बायडेन यांनी म्हटले की, कोरोनाशी संबंधित सोशल मीडियावर शेअर केली जात असलेली चुकीची माहितीच लोकांची हत्या करत आहे. शुक्रवारी, व्हाइट हाऊसमध्ये माध्यमांनी बायडेन यांना कोरोनाबाबत सोशल मीडियाच्या भूमिकेबद्दल प्रश्न विचारला. बायडेन म्हणाले की, लसीकरण न करणे केवळ हीच एक महामारी आहे. US President Joe Biden Warned Corona Misinformation Spread Facebook Social Media Killing People
विशेष प्रतिनिधी
वॉशिंग्टन : अमेरिकेचे अध्यक्ष जो बायडेन यांनी म्हटले की, कोरोनाशी संबंधित सोशल मीडियावर शेअर केली जात असलेली चुकीची माहितीच लोकांची हत्या करत आहे. शुक्रवारी, व्हाइट हाऊसमध्ये माध्यमांनी बायडेन यांना कोरोनाबाबत सोशल मीडियाच्या भूमिकेबद्दल प्रश्न विचारला. बायडेन म्हणाले की, लसीकरण न करणे केवळ हीच एक महामारी आहे.
बायडेन यांच्या वक्तव्यावर, फेसबुकने म्हटले आहे की, ते सार्वजनिक आरोग्याच्या रक्षणासाठी ‘आक्रमक कारवाई’ करत आहेत. फेसबुकचे प्रवक्ते केव्हिन मॅकएलिस्टर म्हणाले की, फॅक्ट नसलेल्या आरोपांमुळे कंपनी विचलित होणार नाही. कंपनीने एका निवेदनात म्हटले आहे की, ‘आम्ही कोरोनाच्या चुकीच्या माहितीशी संबंधित 18 दशलक्षाहून अधिक (1.80 कोटी) पोस्ट हटविल्या असून वारंवार नियम मोडणाऱ्यांची खातीही बंद केली आहेत.
अमेरिकेत बर्‍याच लोकांनी लस घेण्यास नकार दिला
आजकाल अमेरिकेत कोरोनाशी संबंधित मृत्यू आणि संसर्गात वाढ होत आहे. याबाबत आरोग्य अधिकाऱ्यांनी असा इशारा दिला आहे की, लसी न घेतलेल्यांमध्ये हे प्रमाण जास्त आढळले आहे. अमेरिकेतील सुमारे 67.9% प्रौढांना त्यांच्या लसीचा पहिला डोस मिळाला आहे, तर 59.2% लोकांनी लसीकरण पूर्ण केले आहे. बर्‍याच लोकांनी लस घेण्यास नकार दिला आहे. लोकांचा त्यावर विश्वास नाही.
अफवा न रोखण्याचा फेसबुकवर आरोप
लसीकरणाबद्दल पसरलेल्या अफवा रोखण्यासाठी व्हाईट हाऊसचा सोशल मीडिया कंपन्यांवर दबाव वाढत आहे. याआधी शुक्रवारी व्हाइट हाऊसचे प्रेस सचिव जेन सासाकी म्हणाले की, लसीविषयी चुकीची माहिती पसरवण्यासाठी फेसबुक आणि इतर प्लॅटफॉर्म पुरेसे काम करत नाहीत. ते म्हणाले की, त्यांनी काही आवश्यक पावले उचलली आहेत, परंतु अजून बरेच काही करता आले असते.
यूएस कॉंग्रेसमध्ये मार्क झुकरबर्ग, सुंदर पिचाई आणि जॅक डोर्सी यांची चौकशी
मार्चमध्ये एका अहवालात असे म्हटले होते की, लसीविरोधी अॅक्टिव्हिस्टचे फेसबुक, यूट्यूब, इन्स्टाग्राम आणि ट्विटरवर 6 कोटी फॉलोअर्स होते. अशा प्रकारे, लसींशी संबंधित चुकीची माहिती मोठ्या संख्येने लोकांपर्यंत पोहोचत आहे. यासंदर्भात अमेरिकेच्या कॉंग्रेसमध्ये फेसबुकचे मुख्य कार्यकारी अधिकारी मार्क झुकरबर्ग, गुगलचे मुख्य कार्यकारी अधिकारी सुंदर पिचाई आणि ट्विटरचे मुख्य कार्यकारी अधिकारी जॅक डोर्सी यांची चौकशी करण्यात आली. त्यानंतर तिन्ही सीईओंनी सांगितले की, ते चुकीची माहिती रोखण्यासाठी पावले उचलत आहेत.
US President Joe Biden Warned Corona Misinformation Spread Facebook Social Media Killing People
महत्त्वाच्या बातम्या
- ज्यांना पक्ष सोडून जायचंय त्यांनी RSS मध्ये जा, कोणत्या नेत्याबद्दल म्हणाले राहुल गांधी?
- Tokyo Olympics : टोकियो ऑलिम्पिक स्पर्धेवर कोरोनाचं सावट, स्पर्धेला सुरुवात होण्यापूर्वी ऑलिम्पिक व्हिलेजमधील एकाला लागण
- Ashadhi Wari : पंढरपुरात संचारबंदी, आंतरजिल्हा नाकेबंदीही कडक, इतर जिल्ह्यातून पंढरपुरात एकही एसटी बस न सोडण्याचे महामंडळाचे आदेश
- राज ठाकरे हे महाराष्ट्राला हवे असलेले नेते, आमचे शिवसेनेशीही वैर नाही; चंद्रकांत पाटील यांचे यूतीबाबत सूचक वक्तव्य
- Monsoon Session : पावसाळी अधिवेशनात 15 विधेयकं आणण्याची केंद्राची तयारी, डीएनए तंत्रज्ञान विधेयकही आणणार