US China Relations : अमेरिकेचे अध्यक्ष जो बायडेन लवकरच चिनीचे राष्ट्राध्यक्ष शी जिनपिंग यांची भेट घेणार आहेत. व्हाइट हाऊसने या भेटीची तयारी सुरू केली आहे. मानवाधिकारांसह अनेक मुद्द्यांवरून दोन्ही देशांमध्ये तणाव आहे. अमेरिकेच्या एका वरिष्ठ अधिकाऱ्याने गुरुवारी त्यांच्या भेटीशी संबंधित माहिती दिली. अमेरिकेचे राष्ट्रीय सुरक्षा सल्लागार जेक सुलिव्हन म्हणाले की, अमेरिका आणि चीनमधील संबंध कोणत्या वळणावर आहेत, याविषयी दोन्ही नेत्यांमध्ये चर्चा होईल. US China Relations Joe Biden and Xi Jinping likely to Meet in Italy G20 Summit
विशेष प्रतिनिधी
नवी दिल्ली : अमेरिकेचे अध्यक्ष जो बायडेन लवकरच चिनीचे राष्ट्राध्यक्ष शी जिनपिंग यांची भेट घेणार आहेत. व्हाइट हाऊसने या भेटीची तयारी सुरू केली आहे. मानवाधिकारांसह अनेक मुद्द्यांवरून दोन्ही देशांमध्ये तणाव आहे. अमेरिकेच्या एका वरिष्ठ अधिकाऱ्याने गुरुवारी त्यांच्या भेटीशी संबंधित माहिती दिली. अमेरिकेचे राष्ट्रीय सुरक्षा सल्लागार जेक सुलिव्हन म्हणाले की, अमेरिका आणि चीनमधील संबंध कोणत्या वळणावर आहेत, याविषयी दोन्ही नेत्यांमध्ये चर्चा होईल.
चीन – अमेरिकेत तणाव
पूर्वी ब्रिटनमध्ये झालेल्या जी-7 शिखर परिषदेनंतर हे तणाव वाढत असल्याचे दिसून आले आहे. बायडेन यांनी सादर केलेल्या निवेदनाबद्दल चीनने नाराजी व्यक्त केली आहे. ज्यामध्ये झिनजियांग आणि हाँगकाँगमधील मानवाधिकारांच्या मुद्द्यावर चीनवर टीका करण्यात आली आहे. तसेच चीनमधील कोरोना विषाणूच्या उत्पत्तीची नवीन व पारदर्शक चौकशी केली आहे. त्याच वेळी, सुलिवान म्हणाले की, ‘आम्ही लवकरच दोन्ही नेत्यांमधील चर्चेची तयारी करू. त्यांच्यादरम्यान फोन कॉल असू शकतो किंवा इतर आंतरराष्ट्रीय शिखर बैठकीत ही बैठक होऊ शकते.’
जी -20 शिखर परिषदेत भेट शक्य
बायडेन आणि जिनपिंग ऑक्टोबरमध्ये होणाऱ्या जी-20 शिखर परिषदेत भाग घेऊ शकतात. याचे आयोजन इटलीमध्ये होणार आहे. यादरम्यान ते दोन्ही नेते संवाद साधू शकतात. सुलिवान यांचे म्हणणे आहे की, या चर्चेसंदर्भात अद्याप अंतिम निर्णय घेण्यात आलेला नाही. यापूर्वी जेव्हा बायडेन यांना पत्रकारांनी हा प्रश्न विचारला होता की, ते कोरोनाच्या उत्पत्तीच्या चौकशीबद्दल शी जिनपिंग यांच्याशी बोलले आहेत काय? यावर बायडेन म्हणाले की, ‘आम्ही आधीच एकमेकांना ओळखतो, पण आम्ही जुने मित्र नाही. हा फक्त एक प्योर बिझनेस आहे.”
US China Relations Joe Biden and Xi Jinping likely to Meet in Italy G20 Summit
महत्त्वाच्या बातम्या
- मुकुल रॉय यांची आमदारकी धोक्यात, शुभेंदू अधिकारींचा विधानसभा अध्यक्षांना अर्ज, पक्षबदल कायद्यान्वये कारवाईची मागणी
- स्टार फुटबॉलर क्रिस्टियानो रोनाल्डोने रचला इतिहास रचला, इन्स्टाग्रामवर 300 मिलियन फॉलोअर्सचा टप्पा गाठणारा पहिला सेलिब्रिटी
- भुजबळ, पटोले, वडेट्टीवार हे तर ‘हेराफेरी’ सिनेमातील कलाकार; आशिष शेलारांची सडकून टीका
- जात प्रमाणपत्र हायकोर्टातून रद्द झाल्यानंतर नवनीत राणांची खासदारकी धोक्यात, सर्वोच्च न्यायालयात धाव
- फेब्रुवारी 2022 मध्ये राज्यातील 10 महापालिका, 20 नगर परिषदांच्या निवडणुकीची शक्यता