Bangladesh PM Sheikh Hasina : बांग्लादेशमध्ये दुर्गा पूजेच्या कार्यक्रमादरम्यान झालेल्या हिंसाचारानंतर पंतप्रधान शेख हसीना यांच्यावर तीव्र टीका झाली. यानंतर जे कोणी या हल्ल्यात सामील आहेत त्यांना सोडले जाणार नाही, असा इशारा शेख हसीना यांनी दिला आहे. शेख हसीना म्हणाल्या की, ते कोणत्या धर्माचे आहेत याने काही फरक पडत नाही. धार्मिक दंगली थांबवण्यासाठी योग्य ती शिक्षा दिली जाईल. Those involved in the attack on temples-pandals will not be spared, said Bangladesh PM Sheikh Hasina
वृत्तसंस्था
ढाका : बांग्लादेशमध्ये दुर्गा पूजेच्या कार्यक्रमादरम्यान झालेल्या हिंसाचारानंतर पंतप्रधान शेख हसीना यांच्यावर तीव्र टीका झाली. यानंतर जे कोणी या हल्ल्यात सामील आहेत त्यांना सोडले जाणार नाही, असा इशारा शेख हसीना यांनी दिला आहे. शेख हसीना म्हणाल्या की, ते कोणत्या धर्माचे आहेत याने काही फरक पडत नाही. धार्मिक दंगली थांबवण्यासाठी योग्य ती शिक्षा दिली जाईल.
ढाका येथील ढाकेश्वरी राष्ट्रीय मंदिरातील कार्यक्रमाला शेख हसीना व्हिडीओ कॉन्फरन्सिंगच्या मदतीने उपस्थित होत्या. त्या म्हणाल्या की, कोमिला जिल्ह्यातील घटनेची चौकशी केली जात आहे. ज्यांनी हिंदू मंदिरे आणि दुर्गापूजा मंडपांवर हल्ला केला, त्यापैकी कोणालाही सोडले जाणार नाही. या समाजकंटकांचा धर्म काय होता हे महत्त्वाचे नाही. या हल्ल्यांमागे असे लोक आहेत, जे इतरांचा विश्वास जिंकण्यात अपयशी ठरले आहेत.
सोशल मीडिया पोस्टनंतर हिंसा भडकली
मीडिया रिपोर्ट्सनुसार, फेसबुक पोस्टमध्ये कुराणचा कथित अपमान केल्यामुळे हिंसाचार उसळला आणि अनेक दुर्गापूजा मंडपांची तोडफोड करण्यात आली. त्यानंतर मोठ्या प्रमाणात सुरक्षा दले तैनात करण्यात आली. बांगलादेशच्या कोमिला जिल्ह्यातील एका पूजा पंडालमध्ये कुराणचा अपमान केल्याच्या अफवांशी संबंधित सोशल मीडिया पोस्ट व्हायरल झाल्यानंतर या भागात हिंसाचार उसळला.
यानंतर चांदपूरमधील हबीबगंज, चटगांवमधील बांसखाली, कॉक्स बाजारातील पेकुआ आणि शिवगंजमधील चापैनवाबगंज यासह अनेक भागांत हिंसाचार भडकला आणि मंडपांची तोडफोड झाली. या हिंसाचारात तीन लोकांचा मृत्यू झाल्याचेही वृत्त आहे. बांगलादेश हिंदू एकता परिषदेनेही या प्रकरणी ट्विट केले आहे. या ट्विटमध्ये असे लिहिले होते की, ’13 ऑक्टोबर 2021 हा बांगलादेशच्या इतिहासातील निंदनीय दिवस होता. अष्टमीच्या दिवशी मूर्ती विसर्जनाच्या निमित्ताने अनेक पूजा मंडपांची तोडफोड करण्यात आली. हिंदू आता पूजा मंडपांचे रक्षण करत आहेत. आज संपूर्ण जग शांत आहे. जगातील सर्व हिंदूंवर मा दुर्गाचे आशीर्वाद राहो.”
Those involved in the attack on temples-pandals will not be spared, said Bangladesh PM Sheikh Hasina
महत्त्वाच्या बातम्या
- Elgaar Parishad case : वरवरा राव यांना 28 ऑक्टोबरपर्यंत सरेंडर करण्याची गरज नाही – मुंबई उच्च न्यायालय
- काश्मीर, ड्रग्ज तस्करी आणि ओटीटीपर्यंत, जाणून घ्या – सरसंघचालक मोहन भागवत यांच्या संबोधनातील 5 मोठे मुद्दे
- 200 कोटींच्या मनी लाँडरिंगप्रकरणी नोरानंतर ईडी आज जॅकलिन फर्नांडिसची करणार चौकशी
- सिंघू बॉर्डरवर तरुणाची हत्या, आधी हात कापला, मग गळा चिरला; शेतकरी आंदोलनाच्या व्यासपीठासमोर लटकावला मृतदेह
- पंतप्रधान मोदींनी मिसाइल मॅन डॉ.अब्दुल कलाम यांना जयंतीनिमित्त केले अभिवादन , म्हणाले – नेहमी लोकांसाठी प्रेरणा राहील