वृत्तसंस्था
काबूल : तालिबानने अफगाणिस्तानवर कब्जा करताच पुन्हा एकदा येथील चित्र पूर्णपणे बदलले आहे. यावेळचा कारभार 1990 च्या दशकापेक्षा थोडा वेगळा आहे. यावेळी मुली आणि महिलांना शिक्षण आणि काम करण्याचे स्वातंत्र्य देण्यात आले आहे. पण तालिबान कॅमेऱ्यासमोर जो मोकळेपणा दाखवण्याचा प्रयत्न करत आहे, वास्तवात तसे अजिबात नाहीये.taliban ruled afghanistan this Is How Students Get University education veil in class between boys and girls
काबूलमधील इब्न-ए-सीना विद्यापीठातून काही फोटो समोर आले आहेत, ज्यात मुले आणि मुली एकाच वर्गात बसलेले आहेत, परंतु त्यांच्यामध्ये एक पडदा आहे. शिक्षणासाठी येणारी मुले पारंपरिक वेशात, तर मुलींनी बुरखा घातलेला आहे.
तालिबानच्या नियमांनुसार, देशात राहणारे पुरुष पाश्चात्य सभ्यतेप्रमाणे पँट-शर्ट घालू शकत नाहीत. त्यांना कुर्ता घालणे बंधनकारक आहे. त्याचप्रमाणे बुरखा किंवा अबाया घालण्याचा नियम स्त्रियांनाही लागू आहे. यापूर्वी रविवारी तालिबानने विद्यापीठांमध्ये शिक्षण कसे होईल हे सांगितले होते.
तालिबानने यासंदर्भात एक दीर्घ दस्तऐवज जारी केला आणि म्हटले की, महिला आणि पुरुषांना स्वतंत्रपणे बसावे लागेल. त्यांच्यामध्ये नक्कीच पडदा असेल. याची अंमलबजावणीही सुरू झाली आहे. यासोबतच महिलांना फक्त महिला शिक्षिकाच शिकवणार असल्याचे ठरवण्यात आले आहे. पण जर त्या उपलब्ध नसतील, तर त्यांना चांगल्या चारित्र्याचे ‘वृद्ध पुरुष’ शिकवतील.
एकीकडे, तालिबानने महिलांना म्हटले की, त्या कामावर परत येऊ शकतात. पण दुसरीकडे त्याने त्यांच्यासाठी मेहरमदेखील अनिवार्य केले आहे. याचा अर्थ ‘पुरुषांबरोबर’. म्हणजेच कोणत्याही मेहरम (पुरुष साथीदार) शिवाय ती घराबाहेर पडू शकत नाही. पण ज्या स्त्रिया विधवा आहेत, ज्यांना वडील किंवा मुलगा नाही, त्या कोणाबरोबर बाहेर जातील? अशा महिलांना तालिबानने घरीच बसायला सांगितले आहे.
taliban ruled afghanistan this Is How Students Get University education veil in class between boys and girls
महत्त्वाच्या बातम्या
- वानवडी परिसरात 13 वर्षीय मुलीवर सामूहिक बलात्कार, दोन रेल्वे कर्मचाऱ्यासह सहा रिक्षाचालकांना अटक
- किसान पंचायतीचा जुना फोटो ट्वीट करणाऱ्या राहुल गांधींवर भाजपचा हल्लाबोल, संबित पात्रा म्हणाले – दुसऱ्याच्या खांद्यावर बंदूक ठेवण्याची त्यांची जुनी सवय!
- संजय राऊत यांना पुण्यात फिरू देणार नाही; भाजपचा इशारा, पोलीस ठाण्यात तक्रार दाखल
- पेंग्विनच्या मुद्द्यावरून आदित्य ठाकरेंना मित्रपक्ष काँग्रेसनेच घेरले, 15 कोटींच्या टेंडरवरून तीव्र आक्षेप