MISS INDIA USA 2021 : मिशिगनच्या वैदेही डोंगरे हिने ‘मिस इंडिया यूएसए 2021’चा किताब जिंकला आहे. या स्पर्धेची उपविजेतेपदी जॉर्जियातील अर्शी लालानीची निवड झाली, तर उत्तर कॅरोलिनाची मीरा कासारी तिसऱ्या स्थानावर राहिली. 1997च्या मिस वर्ल्ड स्पर्धा विजेत्या डायना हेडन या स्पर्धेच्या प्रमुख पाहुण्या आणि मुख्य जज होत्या. यामध्ये अमेरिकेच्या 30 राज्यांमधील 61 सहभागींनी भाग घेतला. यादरम्यान ‘मिस इंडिया यूएसए’, ‘मिसेस इंडिया यूएसए’ आणि ‘मिस टीन इंडिया यूएसए’ अशा तीन वेगवेगळ्या प्रकारांत विजेत्यांची निवड करण्यात आली. तिन्ही प्रकारांतील विजेत्यांना मुंबईत होणाऱ्या जागतिक स्पर्धेत भाग घेण्यासाठी तिकीटही देण्यात आले आहे. Know who is Vaidehi Dongre, who has won the title of Miss India USA 2021
विशेष प्रतिनिधी
नवी दिल्ली : मिशिगनच्या वैदेही डोंगरे हिने ‘मिस इंडिया यूएसए 2021’चा किताब जिंकला आहे. या स्पर्धेची उपविजेतेपदी जॉर्जियातील अर्शी लालानीची निवड झाली, तर उत्तर कॅरोलिनाची मीरा कासारी तिसऱ्या स्थानावर राहिली. 1997च्या मिस वर्ल्ड स्पर्धा विजेत्या डायना हेडन या स्पर्धेच्या प्रमुख पाहुण्या आणि मुख्य जज होत्या. यामध्ये अमेरिकेच्या 30 राज्यांमधील 61 सहभागींनी भाग घेतला. यादरम्यान ‘मिस इंडिया यूएसए’, ‘मिसेस इंडिया यूएसए’ आणि ‘मिस टीन इंडिया यूएसए’ अशा तीन वेगवेगळ्या प्रकारांत विजेत्यांची निवड करण्यात आली. तिन्ही प्रकारांतील विजेत्यांना मुंबईत होणाऱ्या जागतिक स्पर्धेत भाग घेण्यासाठी तिकीटही देण्यात आले आहे.
मिशिगनमध्ये राहते वैदेही
25 वर्षीय वैदेही डोंगरे यांनी मिशिगन विद्यापीठातून आंतरराष्ट्रीय अभ्यासात पदवी संपादन केली. ती एका मोठ्या कंपनीत बिझिनेस डेव्हलपमेंट मॅनेजर म्हणून काम करते. ‘मिस इंडिया यूएसए 2021’ सोबतच कथक नृत्याच्या चमकदार अभिनयासाठी वैदेहीने ‘मिस टॅलेंटेड’ हा किताबही जिंकलेला आहे. या विजयानंतर वैदेही म्हणाली, “मला समाजात एक सकारात्मक आणि दूरगामी परिणाम सोडायचा आहे. त्याचबरोबर मला महिलांच्या आर्थिक स्वातंत्र्य आणि त्यांच्या शिक्षणावरील विषयांवर काम करण्याची इच्छा आहे.”
स्पर्धेची उपविजेती अर्शी लालानी ब्रेन ट्यूमरने ग्रस्त
स्पर्धेची उपविजेती अर्शी लालानी यांनीही आपल्या चमकदार कामगिरीने व आत्मविश्वासाने जजेसना प्रभावित केले. 20 वर्षीय लालानी ब्रेन ट्यूमरने ग्रस्त आहे. न्यूयॉर्कमध्ये प्रख्यात अनिवासी भारतीय धर्मात्मा सरन आणि नीलम सरन यांनी सुमारे 40 वर्षांपूर्वी ‘वर्ल्डवाइड पीजंट्स’च्या बॅनरखाली ही स्पर्धा सुरू केली होती. ‘मिस इंडिया यूएसए’ ही भारताबाहेर प्रदीर्घ काळापासून चालत आलेली भारतीय सौंदर्य स्पर्धा आहे.
Know who is Vaidehi Dongre, who has won the title of Miss India USA 2021
महत्त्वाच्या बातम्या
- ड्रोन उड्डाणांवर वेस्टर्न नेव्ही कमांडची कठोर भूमिका, 3 किमी रेंजमध्ये आलेले ड्रोन होणार नष्ट
- Corona Cases in india : देशात कोरोना रुग्णसंख्येत पुन्हा वाढ, 24 तासांत 40 हजारांहून जास्त नवे रुग्ण, 4 हजार रुग्णांचा मृत्यू
- Eid-ul-Adha : राष्ट्रपती – पंतप्रधानांनी दिल्या ईद-उल-अधाच्या शुभेच्छा, सद्भाव, प्रेम आणि त्यागाची केली कामना
- pegasus Controversy : संसदेच्या बाहेरही सरकारला घेरणार काँग्रेस, वेगवेगळ्या राज्यांत घेणार पत्रकार परिषदा
- ‘पेगॅसस’चे बाप कोण? केंद्राच्या संमतीशिवाय हे होऊच शकत नाही, शिवसेनेचे सामनातून केंद्रावर टीकास्त्र