Facebook : अमेरिकन वृत्तपत्र वॉल स्ट्रीट जर्नलला फेसबुकची अंतर्गत कागदपत्रे लीक करणारी व्हिसलब्लोअर फ्रान्सिस हॉगेनने आता स्वतःला जगासमोर प्रकट केले आहे. यासोबतच फेसबुकबाबतही मोठा खुलासा करण्यात आला आहे. टेलिव्हिजन शो 60 मिनिटवर दिसलेल्या फ्रान्सिस हॉगेनने आरोप केला की, सोशल मीडिया कंपनी नफा कमावण्यासाठी द्वेषयुक्त भाषणाला प्रोत्साहन देते. फेसबुकवर यापूर्वीही असे आरोप झाले आहेत. यावरून कंपनीवर मोठ्या प्रमाणात टीकाही झाली आहे. Facebook encourages hate speech says Whistleblower Frances Haugen in 60 Minutes Interview
वृत्तसंस्था
वॉशिंग्टन : अमेरिकन वृत्तपत्र वॉल स्ट्रीट जर्नलला फेसबुकची अंतर्गत कागदपत्रे लीक करणारी व्हिसलब्लोअर फ्रान्सिस हॉगेनने आता स्वतःला जगासमोर प्रकट केले आहे. यासोबतच फेसबुकबाबतही मोठा खुलासा करण्यात आला आहे. टेलिव्हिजन शो 60 मिनिटवर दिसलेल्या फ्रान्सिस हॉगेनने आरोप केला की, सोशल मीडिया कंपनी नफा कमावण्यासाठी द्वेषयुक्त भाषणाला प्रोत्साहन देते. फेसबुकवर यापूर्वीही असे आरोप झाले आहेत. यावरून कंपनीवर मोठ्या प्रमाणात टीकाही झाली आहे.
जाणीवपूर्वक बदलले अल्गोरिदम
फ्रान्सिस हॉगेन म्हणाल्या की, कंपनीने हेट स्पीचला प्रोत्साहन देण्यासाठी जाणीवपूर्वक त्यांचे अल्गोरिदम बदलले. त्यांनी शोच्या होस्टला सांगितले की, ते आपला नफा आमच्या सिक्युरिटीद्वारे देत आहे. हॉगेन कंपनीत सिविक इंटिग्रिटी ग्रुपच्या प्रॉडक्शन मॅनेजर होत्या. कंपनीचा प्राधान्यक्रम चुकीच्या कामाशी जोडल्यानंतर त्यांनी हा ग्रुप भंग केला आणि 2021 मध्ये निघून गेल्या. हॉगेन म्हणाल्या की, वास्तवात फेसबुक स्वत:ला धोकादायक प्लॅटफॉर्म बनण्यापासून वाचवण्यासाठी गुंतवणूक करण्यास तयार नाही. हॉगेन यांनी गुगलसारख्या अनेक मोठ्या सिलिकॉन व्हॅली कंपन्यांमध्ये काम केले आहे.
फेसबुकसाठी नफा महत्त्वाचा
हॉगेन म्हणाल्या की, फेसबुकने वापरकर्त्यांच्या कल्याण आणि सुरक्षिततेपेक्षा स्वत:च्या नफ्यावर वारंवार भर दिला आहे. 2021 च्या दुसऱ्या तिमाहीत फेसबुकचे सुमारे 2.8 अब्ज सक्रिय वापरकर्ते होते. 60 मिनिटचे सूत्रधार स्कॉट पेले यांच्याशी बोलताना फ्रान्सिस हॉगेन म्हणाल्या, ‘लोकांसाठी काय चांगले आणि फेसबुकसाठी काय चांगले या वादात फेसबुकने स्वतःच्या हितसंबंधांसाठी पुन्हा पुन्हा अधिक पैसे कमवायचे निवडले.” हॉगेन यांनी नमूद केलेले अल्गोरिदम 2018 मध्ये प्लॅटफॉर्मवर लाँच केले गेले. फेसबुकने वापरकर्त्यांमध्ये भीती आणि द्वेष निर्माण करून व्यासपीठावर लोकांची उपस्थिती वाढवण्यासाठी त्याचा वापर केला.
फेसबुक स्वतःचे नियम पाळत नाही
वॉल स्ट्रीट जर्नलने प्रकाशित केलेल्या अनेक लीक झालेल्या कागदपत्रांपैकी एक दस्तऐवज होता, ज्याने सर्वांचे लक्ष वेधून घेतले. त्या दस्तऐवजात असे म्हटले आहे की, फेसबुक स्वतःच्या नियमांनुसार चालत नाही. त्याचबरोबर कंपनीने वारंवार सांगितले आहे की, त्यांचे नियम प्रत्येकाला लागू होतात. परंतु कागदपत्रे दर्शवतात की प्लॅटफॉर्म लाखो व्हीआयपींचे संरक्षण करते. यामुळे त्यांना खोट्या तथ्यांनी भरलेल्या पोस्ट शेअर करण्याचे आणि द्वेष पसरवण्याचे पूर्ण स्वातंत्र्य मिळते.
Facebook encourages hate speech says Whistleblower Frances Haugen in 60 Minutes Interview
महत्त्वाच्या बातम्या
- नवरात्रोत्सव २०२१ : रावणदहनाला प्रेक्षक बोलवू नका, लोकांना लाइव्ह पाहण्याची व्यवस्था करा, वाचा… गृह विभागाच्या मार्गदर्शक सूचना
- Pandora Papers Leak : सरकारने दिले चौकशीचे आदेश; आरबीआय, सीबीडीटी आणि ईडी अधिकाऱ्यांकडून संयुक्त तपास होणार
- कोरोनामुळे मृत्यू झाल्यास भरपाई : 30 दिवसांच्या आत पीडितांच्या कुटुंबीयांना 50 हजार देण्याचे सर्वोच्च न्यायालयाचे आदेश
- निवडणूक हिंसाचारातील पीडितांना नुकसान भरपाई न दिल्याबद्दल हायकोर्टाने ममता सरकारला फटकारले
- लखीमपूर हिंसा : सर्व मृतांच्या नातेवाइकांना 45 लाखांची मदत, कुटुंबातील एकाला सरकारी नोकरी, जिल्ह्यात राजकीय नेत्यांच्या प्रवेशावर बंदी
