दक्षिण अफ्रिकेतील गावात सापडले हिरे! संपूर्ण देशातून लोक येऊ लागले

अमेरिकन चित्रपटांतील कथेप्रमाणे दक्षिण अफ्रिकेतील एका गावात  काही विशिष्ट दगड सापडल्यानंतर हिरे सापडल्याची अफवा पसरली आहे. त्यामुळे संपूर्ण देशातून मोठ्या संख्येने लोक या गावात येत असून गोल्ड रशप्रमाणेच डायमंड रश सुरू झाला आहे. Diamonds found in a village in South Africa! People started coming from all over the country

---

विशेष प्रतिनिधी

केपटाउन : अमेरिकन चित्रपटांतील कथेप्रमाणे दक्षिण अफ्रिकेतील एका गावात  काही विशिष्ट दगड सापडल्यानंतर हिरे सापडल्याची अफवा पसरली आहे. त्यामुळे संपूर्ण देशातून मोठ्या संख्येने लोक या गावात येत असून गोल्ड रशप्रमाणेच डायमंड रश सुरू झाला आहे.

दक्षिण आफ्रिकेतील क्वा-झुलु-नटाल भागात शेकडो लोकं हिरे शोधण्यासाठी खोदकाम करत आहेत. या भागात सापडणा-या विशिष्ट प्रकराच्या दगडांसाठी ही धडपड सुरु आहे. हे दगड हिरे असल्याचं मेंडो सबेलो नावाच्या एकाने सांगितले. त्यानंतर  ही डायमंड रश सुरु झाली आहे.  मिळेल त्या साधनाने नागरिक इथे खोदकाम करुन हे दगड घेऊन जात आहेत.

देशातील खनिज संसाधन विभागाने असे म्हटले आहे की, भूगर्भशास्त्र आणि उत्खनन तज्ञांचे एक पथक येथे पाठवले जाईल जे नमुने गोळा करतील आणि त्याचे विश्लेषण करतील. यासंदर्भात औपचारिक अहवाल सादर केला जाईल.

हे दगड प्रत्यक्षात हिरे आहेत की नाही हे अद्याप माहित नसले तरी लोक खोदण्यात व्यस्त आहेत. बऱ्याच लोकांनी त्यांची विक्री सुरू केली आहे. प्रांतीय सरकारने लोकांना ही जागा रिकामी करण्यास सांगितले आहे, जेणेकरून योग्य तपासणी करता येईल.

इतक्या मोठ्या संख्येने लोकं जमा झाल्यामुळे कोरोचा प्रसार होण्याचा धोका देखील आहे. कोरोनामुळे दक्षिण आफ्रिकेच्या अर्थव्यवस्थेला मोठा धक्का बसला आहे.

Diamonds found in a village in South Africa! People started coming from all over the country

महत्त्वाच्या बातम्या

• कोव्हिशील्डच्या दोन डोसमधील शास्त्रज्ञांच्या सल्ल्यानंतरच वाढवले, आरोग्य मंत्रालयाचे स्पष्टीकरण
• अभिनेता सोनू सूद, काँग्रेस आमदार सिद्दिकींच्या अडचणीत वाढ, कोरोना औषधासंदर्भात मुंबई उच्च न्यायालयाचे चौकशीचे आदेश
• जळगावची GI प्रमाणित केळी दुबईला, वर्षभरात भारताची 619 कोटी रुपयांची 1.91 लाख टन केळी निर्यात