वृत्तसंस्था
मुंबई : मुंबईच्या विशेष सीबीआय न्यायालयाने शनिवारी येस बँकेचे संस्थापक राणा कपूर यांची पत्नी आणि दोन मुलींना डीएचएफएल प्रकरणात जामीन नाकारला आणि त्यांना न्यायालयीन कोठडी सुनावली. न्यायालयाने म्हटले की, प्रथमदर्शनी त्यांनी बेकायदेशीर कारवायांमुळे बँकेचे 4,000 कोटी रुपयांचे नुकसान केले. कोर्टाने असेही म्हटले आहे की, तिघीही महिला किंवा लहान मुलांची आई असण्याच्या नावावर सहानुभूतीस पात्र नाहीत.dhfl case special cbi court rejects bail plea of rana kapoor wife and two daughters sent to judicial custody
या प्रकरणात तपास यंत्रणेच्या आरोपपत्रात कपूरची पत्नी बिंदू आणि मुली राधा खन्ना आणि रोशनी यांना आरोपी बनवण्यात आले आहे. आरोपपत्राची दखल घेत न्यायालयाने तिन्हींना समन्स बजावले होते. तिघीही न्यायालयात हजर झाल्या आणि त्यांचे वकील विजय अग्रवाल आणि राहुल अग्रवाल यांच्यामार्फत जामिनासाठी अर्ज केला.
- Yes Bank Scam : येस बँकेचे माजी सीईओ राणा कपूर यांना सेबीचा दणका; बँक खाती, शेअर्स, फंड जप्तीचा आदेश
त्यांच्या वकिलांनी न्यायालयाला सांगितले की, बिंदू, राधा आणि रोशनीला अटक न करता आरोपपत्र दाखल करण्यात आले आहे आणि सर्वोच्च न्यायालयाच्या निर्णयानुसार त्यांना जामिनाचा अधिकार आहे.
न्यायालयाने 23 सप्टेंबरपर्यंत न्यायालयीन कोठडी सुनावली
विजय अग्रवाल यांनी युक्तिवाद केला की, न्यायालयाने आपल्या अशिलाला बोलावून घेण्यासाठी विशेषाधिकार वापरला होता, ज्यामुळे त्यांच्या अटकेची गरज नव्हती हे स्पष्ट झाले. मात्र, विशेष न्यायाधीश एस.यू. वाडेगावकर यांनी त्यांचा जामीन अर्ज फेटाळला आणि 23 सप्टेंबरपर्यंत न्यायालयीन कोठडी सुनावली.
फिर्यादीने सांगितले की, कारागृह अधीक्षक आरटीपीसीआर अहवालाशिवाय आरोपींची कोठडी स्वीकारणार नाही, त्यानंतर न्यायालयाने अहवाल प्राप्त होईपर्यंत तपास यंत्रणेला तिघींनाही न्यायालयीन कोठडीत ठेवण्याची परवानगी दिली.
न्यायाधीश म्हणाले की, कपूर आणि त्यांच्या कुटुंबीयांनी कॉर्पोरेट कर्ज दाखवून बेईमानीने बेकायदेशीर रक्कम प्राप्त केली आणि त्यामुळे येस बँकेला 4,000 कोटी रुपयांचे नुकसान सहन करावे लागले. ते म्हणाले की, येस बँक आणि डीएचएफएलचे अनेक ठेवीदार आणि भागधारकांची फसवणूक झाली,
ज्यामुळे देशाच्या बँकिंग व्यवस्थेला गंभीर फटका बसला. त्याचवेळी, सीबीआयच्या म्हणण्यानुसार, राणा कपूरने डीएचएफएलचे कपिल वाधवान यांच्यासोबत गुन्हेगारी कट रचला होता. संबंधित प्रकरणात राणा कपूर तुरुंगात आहे आणि अंमलबजावणी संचालनालय त्या प्रकरणाचा तपास करत आहे
dhfl case special cbi court rejects bail plea of rana kapoor wife and two daughters sent to judicial custody
महत्त्वाच्या बातम्या
- डोंबिवलीत पाण्यापाई तरुणीचा हात मोडला कल्याण-डोंबिवलीत २७ गावे तहानलेली
- दोन प्रौढ व्यक्तींना धर्माचा विचार न करता जोडीदार निवडण्याचा अधिकार, अलाहाबाद हायकोर्टाचा निर्वाळा
- फौजदारी खटल्यांची चुकीची माहिती देणे महागात पडणार, सुप्रीम कोर्टाची कठोर भूमिका, अशा कर्मचाऱ्यांना नियुक्तीचा हक्क नाही
- मोठी बातमी : मुख्यमंत्रिपदाचा राजीनामा देण्यासोबतच काँग्रेस पक्षाचाही राजीनामा देऊ शकतात कॅप्टन अमरिंदर; पंजाब काँग्रेसमध्ये राजकीय भूकंप