प्रतिनिधी
नवी दिल्ली : दिवाळखोरीच्या उंबरठ्यावर असलेला पाकिस्तान 19 हजार कोटींच्या कर्जाच्या बदल्यात गिलगिट आणि बाल्टिस्तान भाग चीनच्या ताब्यात देणार आहे. आपली ढासळलेली आर्थिक परिस्थिती सुधारण्यासाठी पाकिस्तानने हे पाऊल उचलण्याची तयारी केली आहे.China captures Pakistan’s Gilgit-Baltistan borrows Rs 19,000 crore in exchange for these parts, POKs can hand over to China
पाकिस्तानच्या परकीय चलनाच्या गंगाजळीत मोठी घट झालेली आहे. आंतरराष्ट्रीय नाणेनिधीकडून पाकिस्तानला 90 हजार कोटी रुपये मिळण्याची आशा नाही. अशा परिस्थितीत पाकिस्तान आपल्या व्याप्त काश्मीर (पीओके) चा भाग चीनच्या ताब्यात देण्याची शक्यता आहे.
पाकिस्तान सरकारने या भागातील कायदे आपल्या हातात घेतले.
पाकिस्तानने गिलगिट, बाल्टिस्तान आणि पीओकेचे 52 कायदे ताब्यात घेतले आहेत. याअंतर्गत पाकिस्तान सरकारला तेथील जमीन कोणत्याही देशाला भाडेतत्त्वावर देण्याचा अधिकार मिळाला आहे. 2018 मध्ये पाकिस्तान सरकारने गिलगिट, बाल्टिस्तान आणि पीओकेला अधिक अधिकार देण्याची घोषणा केली होती. गिलगिट आणि बाल्टिस्तानचे मुख्यमंत्री खालिद खुर्शीद खान यांनीही पाकिस्तान सरकारने 30 अब्ज रुपयांची मदत कमी करून केवळ 12 अब्ज रुपयांवर आणल्याचा आरोप केला आहे.
चीन हुंजामध्ये ईव्ही चिपसाठी निओबिम खोदतोय
कर्जाच्या मोबदल्यात चीन पाकिस्तानातील गिलगिट-बाल्टिस्तानमधील हुंजा परिसरातून मोठ्या प्रमाणावर निओबिमचे उत्खनन करत आहे. हुंजामध्ये 120 लाख मेट्रिक टन माणिक-मोती आणि कोळशाचा साठा आहे. चीनला हुंजामध्ये मोठी जमीन लीजवर मिळाली आहे. अलीकडेच येथील स्थानिक लोकांनीही चीनला भाडेपट्टी देण्याच्या मुद्द्यावरून विरोध केला होता.
कर्जाच्या मोबदल्यात पाकिस्तानने सरकारी कंपन्यांचे शेअर्स UAE ला विकले
पाकिस्तान UAE (संयुक्त अरब अमिराती) कडून 8 हजार कोटी घेणार आहे. यासाठी ते 20 सरकारी कंपन्यांचे 12% पेक्षा जास्त शेअर UAE ला देणार आहेत. पाकिस्तानने 2018 पासून सौदी अरेबियाकडून 40 हजार कोटी रुपयांचे कर्ज घेण्यासाठी अर्ज केला होता. फेब्रुवारीमध्येच सौदी अरेबियाने पाकिस्तानला 10 हजार कोटींचे कर्ज दिले आहे.
China captures Pakistan’s Gilgit-Baltistan borrows Rs 19,000 crore in exchange for these parts, POKs can hand over to China
महत्वाच्या बातम्या
- द फोकस एक्सप्लेनर : महाराष्ट्रासाठी भाजपचा दूरवरचा विचार, म्हणून हा मास्टरस्ट्रोकच, वाचा खरी रणनीती
- शिंदे – फडणवीस सरकार : मुंबई अहमदाबाद बुलेट ट्रेन, मुंबई मेट्रो आरे कारशेड ते जलयुक्त शिवार सर्व जुना योजनांचे पुनरुज्जीवन!!
- मुख्यमंत्री पदानंतर उपमुख्यमंत्री झालेले देवेंद्र फडणवीस एकटेच नाहीत; मग एवढी चर्चा का??; उपमुख्यमंत्री की कार्यकारी मुख्यमंत्री??
- प्रामाणिक कार्यकर्ता म्हणून पक्षादेशाचे पालन; उपमुख्यमंत्री देवेंद्र फडणवीस यांचे ट्विट!!