वृत्तसंस्था
वॉशिंग्टन : अमेरिकेची तपास संस्था एफबीआयने माजी राष्ट्राध्यक्ष डोनाल्ड ट्रम्प यांच्या फ्लोरिडा येथील घरावर छापा टाकल्याप्रकरणी मोठा खुलासा झाला आहे. एफबीआयने आण्विक कागदपत्रांसह इतर वस्तूंच्या शोधात माजी राष्ट्राध्यक्ष डोनाल्ड ट्रम्प यांच्या घरावर छापा टाकल्याचे सांगण्यात येत आहे. वॉशिंग्टन पोस्टने सूत्रांच्या हवाल्याने हा मोठा दावा केला आहे.Big reveal of raids on Trump’s home, FBI went in search of nuclear documents
खरं तर, एफबीआयने नुकतेच फ्लोरिडातील ट्रम्प यांच्या मार ए लागो या घरावर छापा टाकला. यादरम्यान एफबीआयने तेथून कागदपत्रांनी भरलेले डझनभर बॉक्स जप्त केले. एवढेच नाही तर एफबीआयच्या सूत्रांनी द न्यूज वीकमधून खुलासा केला आहे की ट्रम्प घरी नसताना हे छापे मुद्दाम टाकण्यात आले आहेत. ट्रम्प यांच्या उपस्थितीचा कारवाईवर परिणाम होऊ शकतो, असा विश्वास अधिकाऱ्यांनी व्यक्त केला होता. एवढेच नाही तर ट्रम्प राजकीय फायद्यासाठी छाप्याचा वापर करू शकत होते.
छाप्यात अधिकृत कागदपत्रांचा शोध
ट्रम्प यांनी व्हाईट हाऊस सोडल्यानंतर फ्लोरिडामध्ये आणलेल्या राष्ट्राध्यक्षांच्या कार्यालयाशी संबंधित अधिकृत कागदपत्रे एफबीआयचे छापे शोधत असल्याचे यापूर्वी सांगण्यात आले होते. न्याय विभाग ट्रम्प यांच्याविरुद्धच्या दोन प्रकरणांची चौकशी करत आहे. 2020च्या अध्यक्षीय निवडणुकीचे निकाल उलटवण्याच्या प्रयत्नाशी संबंधित पहिले प्रकरण आणि कागदपत्रे हाताळण्यासंदर्भात दुसरे प्रकरण. एप्रिल-मे महिन्यातही तपास यंत्रणेने या प्रकरणात ट्रम्प यांच्या फ्लोरिडातील जवळच्या मित्रांची चौकशी केली होती.
FBIच्या मते, एजन्सी प्रेसिडेंशियल रेकॉर्ड्स अॅक्ट आणि वर्गीकृत साहित्य हाताळणी कायद्यांच्या संभाव्य उल्लंघनांची चौकशी करत आहे. नॅशनल आर्काइव्हज अँड रेकॉर्ड अॅडमिनिस्ट्रेशन (NARA) ने 2022 मध्ये व्हाईट हाऊसच्या रेकॉर्डचे 15 बॉक्स जप्त केले. हे बॉक्स मार-ए-लागोला पाठवले गेले. त्यावेळी NARA ने सांगितले की, नियमांनुसार कागदपत्रांनी भरलेले हे बॉक्स ट्रम्प जेव्हा व्हाईट हाऊसमधून बाहेर पडले तेव्हा नॅशनल आर्चीजला पाठवायचे होते.
ट्रम्प म्हणाले होते- काळा दिवस
दुसरीकडे, ट्रम्प यांनी या छाप्याबाबत एक निवेदन जारी करून माहिती दिली. डोनाल्ड ट्रम्प यांनी सांगितले होते की एफबीआय अधिकाऱ्यांनी पाम बीचवर असलेल्या मार अ लागोवर छापा टाकून ताब्यात घेतला आहे. ट्रम्प म्हणाले होते, आपल्या देशासाठी हा काळा दिवस आहे. अमेरिकेच्या राष्ट्राध्यक्षांबाबत यापूर्वी कधीही असे घडले नव्हते. न्याय व्यवस्थेचा शस्त्र म्हणून गैरवापर करण्यासारखे आहे.
Big reveal of raids on Trump’s home, FBI went in search of nuclear documents
महत्वाच्या बातम्या
- ADRचा अहवाल : महाराष्ट्रातील 20 पैकी 15 मंत्र्यांविरुद्ध गुन्हेगारी खटले; 11 मंत्री पदवी, पदव्युत्तर पदवीधारक
- ममता बॅनर्जींना आणखी एक धक्का : निकटवर्तीय अणुव्रत मंडल यांना अटक, 8 आयपीएस अधिकाऱ्यांना समन्स
- फ्री ऑफरवर सर्वोच्च न्यायालयाचे निरीक्षण : खिरापत वाटण्याचे आश्वासन अन् कल्याणकारी योजना या दोन वेगवेगळ्या बाबी
- Azadi Ka Amrit Mahostav : नेताजी सुभाष चंद्र बोस आणि महाराष्ट्र यांचे अनोखे नाते!!