जगाची पर्वा न करता रशियाचे अध्यक्ष व्लादिमीर पुतिन यांनी युक्रेनच्या ताब्यातील चार प्रदेश आपल्या देशात समाविष्ट केले आहेत. पुतीन यांनी हे पाऊल उचलून सर्व आंतरराष्ट्रीय नियमांना बगल दिली आहे. रशियाच्या या निर्णयामुळे अमेरिका, ब्रिटनसह अनेक पाश्चिमात्य देशांमध्ये खळबळ उडाली आहे.America brought a resolution against Russia in UNSC, these 4 countries along with India-China distanced themselves
पुतीन यांच्या निर्णयावर आक्षेप घेत अमेरिका आणि अल्बेनियाने संयुक्त राष्ट्र सुरक्षा परिषदेत (UNSC) रशियाविरोधात ठराव आणला. या प्रस्तावाला 10 देशांचा पाठिंबा मिळाला, मात्र भारत, चीन, ब्राझील आणि गॅबॉन या देशांनी या प्रस्तावापासून अंतर ठेवून मतदान केले नाही. मात्र, शेवटी रशियाने आपला व्हेटो पॉवर वापरून हा प्रस्ताव फेटाळला.
पाश्चात्य देश रशियावर नाराज का?
युक्रेन आणि रशियामधील युद्ध अद्याप संपलेले नाही. याच काळात रशियाने असे पाऊल उचलल्याने अमेरिकेसह अनेक पाश्चात्य देश नाराज झाले आहेत. खरे तर इतके दिवस चाललेल्या युद्धानंतर रशियाने युक्रेनचे डोनेस्तक, लुहान्स्क, झापोरिझिया आणि खेरसन या चार भागांवर कब्जा केला. यानंतर नुकतेच रशियाने त्यांना आपल्या देशात विलीन केले आहे. रशियाने पाश्चिमात्य देशांनाही धमकी दिली आहे की, आता जर या भागांवर हल्ला करण्याचा प्रयत्न केला तर रशिया पूर्ण ताकदीने प्रत्युत्तर देईल.
रशियाने युक्रेनच्या प्रदेशात सार्वमत घेतले
23 ते 27 सप्टेंबरपर्यंत रशियाने डोनेस्तक, लुहान्स्क, झापोरिझिया आणि खेरसन येथे सार्वमत घेतले. यानंतर चार प्रदेशातील बहुतांश लोकांनी रशियासोबत येण्याच्या बाजूने मतदान केल्याचा दावा केला जात आहे. वृत्तसंस्थेनुसार, असा दावा करण्यात आला आहे की डोनेत्स्कमध्ये 99.2%, लुहान्स्कमध्ये 98.4%, झापोरिझियामध्ये 93.1% आणि खेरसनमध्ये 87% लोकांनी रशियासोबत जाण्याच्या बाजूने मतदान केले आहे.
America brought a resolution against Russia in UNSC, these 4 countries along with India-China distanced themselves
महत्वाच्या बातम्या
- मूळ शिवसेनेवरील दावा मजबुतीसाठी पाऊल; शिंदे गटाची युवा सेना कार्यकारणी जाहीर
- Halal and Atheists : मुंबईत होणार हलाल परिषद, तर केरळात लिबरल्सची निरीश्वरवादी परिषद
- काँग्रेस अध्यक्ष निवडणूक : मल्लिकार्जुन खर्गे यांचे नाव सहमतीच्या दिशेने!!; नेहरू गांधी परिवार निष्ठेलाच प्राधान्य
- ॲम्बुलन्सला वाट काढून देण्यासाठी पंतप्रधान मोदींनी आपला ताफा थांबविला!!