US helicopters in embassy kabul : तालिबान्यांनी काबूलचा पाडाव केल्यानंतर अशरफ घनी यांनी राजीनामा देत सत्तेची सूत्र शांततेने तालिबानला सोपवली आहेत. तेथे अली अहमद जलाली हे हंगामी सरकारचे प्रमुख म्हणून काम पाहणार आहेत. US helicopters in embassy kabul staff burns sensitive documents
वृत्तसंस्था
काबूल : तालिबान्यांनी काबूलचा पाडाव केल्यानंतर अशरफ घनी यांनी राजीनामा देत सत्तेची सूत्र शांततेने तालिबानला सोपवली आहेत. तेथे अली अहमद जलाली हे हंगामी सरकारचे प्रमुख म्हणून काम पाहणार आहेत.
तत्पूर्वी, तालिबान्यांनी जलालाबाद ताब्यात घेताच अमेरिकेच्या हेलिकॉप्टर्सनी अमेरिकन दूतावासावर लँडिंग केली. दूतावासाजवळ राजदूतांची सशस्त्र एसयूव्ही वाहने बाहेर येताना दिसली आणि त्यांच्या संरक्षणाची विमानांच्या घिरट्याही सतत सुरू होत्या. मात्र, अमेरिकन सरकारने याबाबत अद्याप कोणतीही माहिती दिलेली नाही.
दूतावासाच्या छताजवळ धूर उठताना दिसत होता. दोन अमेरिकन लष्करी अधिकाऱ्यांच्या मते, राजदूतांनी संवेदनशील कागदपत्रे जाळल्यामुळे झाला हा धूर झाला. अमेरिकेने आपल्या दूतावासातील कर्मचाऱ्यांना बाहेर काढण्याचे प्रयत्न तीव्र केले आहेत. यासाठी सैनिकही पाठवण्यात आले आहेत. अमेरिकेचे राष्ट्राध्यक्ष जो बायडेन यांनी आपल्या सैनिकांना येथून बाहेर काढण्याचा मोठा निर्णय घेतला. सैन्याची माघार 1 मे पासून सुरू झाली आणि तेव्हापासून तालिबानने देशावर कब्जा करायला सुरुवात केली.
तालिबानी राजवटीला आता अफगाणिस्तानात सुरुवात झाली आहे. अब्दुल्ला अब्दुल्ला हे अशरफ घनी सरकार आणि तालिबान यांच्यात मध्यस्थाची भूमिका बजावत आहेत. सध्या सरकारी फौजांनी काबूलमधील कायदा आणि सुव्यवस्था राखावी, असे आवाहन मावळते अध्यक्ष अशरफ घनी यांनी केले आहे. खम्मा न्यूज एजन्सीने ही बातमी दिली आहे.
अफगाणिस्तानात रशिया हस्तक्षेप करणार नाही. परंतु संयुक्त राष्ट्रसंघाच्या सुरक्षा समितीत अफगाणिस्तानात या विषयावर तातडीने चर्चा घ्यावी, अशी मागणी रशियाच्या प्रतिनिधींनी केली आहे.तत्पूर्वी, तालिबानी सैन्य काबूलमध्ये घुसले. त्यांना प्रतिकार करण्यात आला नाही.
तालिबानचे प्रतिनिधी काबूलमधील अध्यक्षीय प्रासादात सत्तांतराच्या वाटाघाटी करीत आहेत. अफगाणिस्तानमधील सत्तेतील सर्व महत्वाची पदे तालिबानने आपल्याकडे मागितली आहेत. आता आलेल्या ताज्या बातमीनुसार अली अहमद जलाली यांच्याकडे तालिबानच्या हंगामी सरकारचे प्रमुख पद देण्यात येत असून अशरफ घनी यांनी अध्यक्षपद सोडण्याची तयारी दाखविली आहे. उर्वरित सत्ता पदांवर देखील तालिबानच्या वर्चस्वासह वाटाघाटी सुरू आहेत.
US helicopters in embassy kabul staff burns sensitive documents
महत्त्वाच्या बातम्या
- WATCH : लेबनॉनमध्ये इंधनाच्या टँकरचा भीषण विस्फोट, 28 जणांचा मृत्यू, संतप्त जमावाने टँकर मालकाचे घरही जाळले
- रशियाचे राष्ट्राध्यक्ष पुतीन यांनी दिल्या स्वातंत्र्यदिनाचे शुभेच्छा, म्हणाले- आंतरराष्ट्रीय प्रश्न सोडवण्यात भारताची महत्त्वपूर्ण भूमिका
- Lockdown In Maharashtra : ‘तर महाराष्ट्रात पुन्हा लॉकडाऊन’, स्वातंत्र्यदिनी मुख्यमंत्री उद्धव ठाकरेंनी दिला थेट इशारा
- ‘मुख्यमंत्री मरू द्या, माझ्या अजितदादांना आशीर्वाद द्या,’ शासकीय कार्यक्रमात मंत्री दत्‍तामामा भरणेंचे वादग्रस्त वक्तव्य
- हटके शेती : या वृक्षाची 120 रोपे लावा अन् 12 वर्षांत बना कोट्यधीश, जाणून घ्या याचे वैशिष्ट्य आणि का आहे ए़वढी डिमांड?