वृत्तसंस्था
मिसिसिपी : अमेरिकेतील मिसिसिपी येथे शुक्रवारी रात्री उशिरा आलेल्या चक्रीवादळाच्या तडाख्यात 26 जणांचा मृत्यू झाला. या परिसरात मुसळधार पावसात गोल्फच्या चेंडूंएवढ्या मोठ्या गारा पडल्या आहेत. चक्रीवादळामुळे उद्ध्वस्त झालेल्या इमारतींमध्ये अनेक लोक दबले गेल्याची भीती आहे. त्याचबरोबर हजारो लोकांच्या घरात वीज पुरवठा खंडित झालेला आहे.Tornado kills 26 in US, drops hail as big as golf balls, storm likely again today
धोकादायक वादळामुळे डझनभर लोक जखमी झाले असून चार लोक बेपत्ता असल्याची माहिती आपत्कालीन सेवांनी दिली आहे. मृतांचा आकडा वाढू शकतो. दुसरीकडे, आज म्हणजेच रविवारी रात्री येथे आणखी एक वादळ येण्याची शक्यता आहे.
30 हजार फुटांपर्यंत ढिगारा विखुरला
बीबीसीच्या वृत्तानुसार, चक्रीवादळाचा वेग इतका वेगवान होता की त्यामुळे उद्ध्वस्त भागात पसरलेला ढिगारा 30 हजार फुटांपर्यंत उडून गेला. मिसिसिपीचे महापौर टेट रीव्हस यांनी सांगितले की, बाधित भागात बचाव कार्य सुरू आहे.
मिसिसिपीच्या रोलिंग फोर्क शहरात सर्वात जास्त विध्वंस झाला आहे. येथे राहणाऱ्या एका व्यक्तीने न्यूयॉर्क टाइम्सला सांगितले की, चक्रीवादळाचा वेग इतका वेगवान होता की त्यामुळे घरातील सर्व खिडक्यांच्या काचा फुटल्या. अर्ध्याहून अधिक शहर पूर्णपणे उद्ध्वस्त झाले आहे.
2011 मध्येही आले होते भयंकर वादळ
अमेरिकेच्या आपत्कालीन व्यवस्थापन एजन्सीने सांगितले की, वादळामुळे 160 किलोमीटर परिसरात अधिक विध्वंस झाला आहे. चक्रीवादळाचा तडाखा बसण्यापूर्वीच अनेकांनी आपल्या कुटुंबियांना अमेरिकेतील इतर राज्यांत नातेवाईकांकडे पाठवले होते. आपत्कालीन सेवांनीही परिसरातून अनेक लोकांना बाहेर काढले. त्याच वेळी, शुक्रवारी आलेल्या चक्रीवादळाने लोकांना 2011 च्या वादळाची आठवण करून दिली ज्यामध्ये 161 लोकांचा मृत्यू झाला होता.
Tornado kills 26 in US, drops hail as big as golf balls, storm likely again today
महत्वाच्या बातम्या
- सनातन संस्था ही काही दहशतवादी संघटना नाही, आरोपींना जामीन देताना मुंबई उच्च न्यायालयाची महत्त्वाची टिप्पणी
- पत्रकाराचा ‘भाजप कार्यकर्ता’ असा उल्लेख करणाऱ्या राहुल गांधींचा मुंबई प्रेस क्लबकडून निषेध
- युक्रेनशी युद्धादरम्यान व्लादिमीर पुतिन यांची मोठी घोषणा- बेलारूसमध्ये अण्वस्त्रे तैनात करणार रशिया
- Mission Lok Sabha 2024 : उत्तर प्रदेश भाजपची नवी टीम जाहीर; १८ उपाध्यक्ष आणि सात सरचिटणीसांच्या नावांची यादी जाहीर