वृत्तसंस्था
ओटावा : कॅनडात भारतीय वंशाच्या तीन जणांना अटक करण्यात आली आहे. त्यांच्यावर 133 कोटी रुपयांच्या ड्रग्जची तस्करी केल्याचा आरोप आहे. हे लोक मेक्सिकोतून ड्रग्ज विकत घेऊन कॅनडा आणि अमेरिकेत पोहोचवायचे.Three persons of Indian origin arrested in Canada; Accused in Rs 133 crore drug smuggling case to be extradited to US
कॅनेडियन पोलिस आणि अमेरिकेची तपास संस्था एफबीआय ड्रग्ज तस्करांना पकडण्यासाठी ‘डेड हँड ऑपरेशन’ चालवत आहेत. या अंतर्गत आयुष शर्मा, गुरुअमृत सिद्धू आणि सुभम कुमार यांना २ जानेवारीला कॅनडामध्ये अटक करण्यात आली होती. आता त्यांचे अमेरिकेला प्रत्यार्पण करण्यात येणार आहे. या संयुक्त कारवाईत आणखी 7 जणांना अटक करण्यात आली आहे.
या प्रकरणाची माहिती देताना अमेरिकन वकील मार्टिन एस्ट्राडा म्हणाले – अटक करण्यात आलेले सर्व लोक ड्रग्ज तस्करीच्या रॅकेटशी संबंधित आहेत. ते मेक्सिकन डीलर्सकडून ड्रग्ज खरेदी करायचे. लॉस एंजेलिस, यूएसए येथील वितरक आणि दलाल ते कॅनडाच्या ट्रक ड्रायव्हर्सपर्यंत पोहोचवत असत. अशा प्रकारे मेक्सिकन अंमली पदार्थ कॅनडा आणि अमेरिकेत विकली जात होती.
अटक करण्यात आलेले दोन भारतीय वंशाचे ट्रक चालक होते
25 वर्षांचा आयुष आणि 29 वर्षांचा सुभम हे कॅनडात ट्रक ड्रायव्हर होते. ते मेक्सिकोहून कॅनडामार्गे अमेरिकेत येणारे ड्रग्ज विकायचे. तर 60 वर्षीय गुरुमृत हे मेक्सिकोतून ड्रग्ज विकत आणायचे. गुरअमृत यांच्या देखरेखीखाली ड्रग्जची संपूर्ण वाहतूक होत होती. तो ‘राजा’ म्हणून ओळखला जात असे.
तिघांकडे नऊ लाख रुपयांची रोकड सापडली
अटकेदरम्यान, पोलिसांनी भारतीय वंशाच्या तिघांकडून 9 लाख 40 हजार रुपये रोख जप्त केले. याशिवाय 70 किलो कोकेन आणि 4 किलो हेरॉईन जप्त करण्यात आले आहे.
Three persons of Indian origin arrested in Canada; Accused in Rs 133 crore drug smuggling case to be extradited to US
महत्वाच्या बातम्या
- अधीर रंजन यांचा पलटवार- ममता दीदी भाजपला घाबरतात, म्हणूनच त्या त्यांची भाषा बोलतात
- इम्रान खान आणि त्यांच्या पत्नीला ‘बेकायदेशीर विवाह’ प्रकरणी 7 वर्षांची शिक्षा
- पंजाबचे राज्यपाल बनवारीलाल पुरोहित यांनी राष्ट्रपतींकडे पाठवला राजीनामा
- अजितदादांच्या राष्ट्रवादीचा “सेक्युलर” पर्याय निवडून मुंबईतल्या काँग्रेसच्या मुस्लिम आमदारांचा भाजपच्या सत्तेच्या वळचणीला येण्याचा डाव!!