इजरायलला अणुबॉम्बची धमकी देणाऱ्या पाकिस्तानकडून इराणची सीमा “सील”; तेहरानमधून नागरिकांचे तुर्कस्तान कडे पलायन!!

विशेष प्रतिनिधी

नवी दिल्ली : इजरायल आणि इराण यांच्या युद्धात आगाऊपणे उतरून इजरायला अणुबॉम्ब टाकण्याची धमकी देणाऱ्या पाकिस्तानने प्रत्यक्षात इराणची सीमा “सील” केली. त्यामुळे इस्रायलच्या हल्ल्याला घाबरलेल्या इराणी नागरिकांचे तेहरानमधून पाकिस्तानात पलायन होण्यापेक्षा ते तुर्कस्तानकडे पलायन करत आहेत. Iranians

इराण मधली अण्वस्त्रे नष्ट केल्यानंतर पाकिस्तानचा नंबर लावू, अशी दमबाजी इजरायलचे पंतप्रधान बेंजामिन नेत्यानाहू यांनी केली. त्याबरोबर पाकिस्तानच्या डोक्यात तिडीक गेली गेली. पाकिस्तानने इस्रायल वर अणुबॉम्ब टाकण्याची धमकी दिली. पण प्रत्यक्षात राजकीय व्यवहारात इराणची बलुचिस्तानला लागून असलेली बॉर्डर “सील” केली. कारण इजरायली हल्ल्याच्या भीतीने इराणी नागरिकांचे पाकिस्तानात पलायन होण्याचा धोका वाढला. इराण आणि इजरायल यांच्या युद्धामुळे आधीच पाकिस्तान मधल्या बलुचिस्तान प्रांतात पेट्रोल आणि डिझेलची टंचाई झाली. त्यामुळे प्रांतातले सगळे पेट्रोल पंप बंद करावे लागले. बाकीच्या वस्तूंची तुफान महागाई झाली. त्याचे दुष्परिणाम पाकिस्तानी अर्थव्यवस्थेवर व्हायला लागले. म्हणून पाकिस्तानने इराणची बॉर्डर “सील” करून टाकली.

त्यामुळे इजरायलच्या वाढत्या हल्ल्यांच्या भीतीने इराणी नागरिकांनी तेहरानमधून तुर्कस्तान कडे पलायन करायला सुरुवात केली. तेहरान मधून बाहेर पडणाऱ्या रस्त्यांवर लाखो गाड्या उतरल्या. त्यामुळे महामार्गांवर प्रचंड वाहतूक कोंडी झाली. सोशल मीडियावर त्याचे हजारो व्हिडिओ व्हायरल झाले. इजरायलच्या हल्ल्यांना तोंड देताना इराणने इस्रायल वर प्रतिहल्ले केले. पण ते बरेचसे नाकाम झाले. त्या उलट इस्रायलने हल्ले केले, तर जीवित आणि मालमत्तेचे प्रचंड नुकसान होण्याच्या भीतीने इराणी नागरिकांनीच पलायन करायला सुरुवात केली. कारण इराणी राज्यकर्ते आपले संरक्षण करू शकतील याची खात्री त्यांना वाटेनाशी झाली.

Thousands of Iranians try to flee Israel attack

महत्वाच्या बातम्या

• NIA raids राजस्थान, मध्य प्रदेशातील दहशतवादी संघटनेच्या ठिकाणांवर एनआयएने छापेमारी
• Chirag Paswan : चिराग पासवान बिहार विधासभा निवडणूक स्वबळावर निवडणूक लढवणार?
• Vijay Rupani : विजय रुपानींचा DNA जुळला; जाणून घ्या, अंतिम संस्कार कधी अन् कुठे होणार?
• वयाच्या मुद्द्यावर अजितदादांची चंद्रराव तावरेंवर टीका; पण आधी त्यांनीच काढल्या होत्या चंद्ररावांच्या नाकदुऱ्या!!