वृत्तसंस्था
कीव्ह : युरोपियन युनियनने शुक्रवारी जाहीर केले की त्यांनी युक्रेनला मदत म्हणून 1.6 अब्ज अमेरिकन डॉलर्स (भारतीय रुपयांमध्ये 13 हजार 340 कोटी रुपये) हस्तांतरित केले आहेत. रशियाच्या गोठवलेल्या (जप्त केलेल्या) पैशांच्या नफ्यातून मिळालेला हा पहिला टप्पा आहे.The European Union paid the interest received from Russian money to Ukraine; 19 lakh crore received as first installment
2022 मध्ये युक्रेनवर झालेल्या हल्ल्यानंतर युरोपियन युनियनने रशियाची 225 अब्ज डॉलर (18 लाख 83 हजार कोटी रुपये) किंमतीची संपत्ती गोठवली होती. हा पैसा रशियन सेंट्रल बँकेचा होता. या वर्षी मे महिन्यात, युरोपियन युनियनच्या 27 देशांनी रशियन पैशावर मिळणारे व्याज युक्रेनला देण्याचे मान्य केले होते.
युक्रेन या पैशाचा वापर शस्त्रे खरेदीसाठी करू शकेल. युरोपियन युनियन व्यतिरिक्त, G7 ने रशियाची US $ 100 अब्ज किमतीची मालमत्ता देखील गोठवली. रशियाकडून गोठवलेल्या एकूण 325 अब्ज रुपयांच्या रकमेवर दरवर्षी 3 अब्ज डॉलर (सुमारे 25 हजार कोटी) व्याज दिले जात आहे.
रशियाचा पैसा, युक्रेनला व्याज मिळतोय
युरोपियन युनियनच्या अध्यक्षा उर्सुला वॉन डेर लेयन यांनी एका निवेदनात म्हटले आहे की, युरोपियन युनियन युक्रेनच्या पाठीशी आहे. त्यांना मदत करण्यासाठी आम्ही युक्रेनला रशियन मालमत्तेतून व्याजाचे पैसे देत आहोत. रशियन पैशाचा यापेक्षा चांगला उपयोग होऊ शकत नाही.
रशियाने पूर्व युक्रेनमधील आणखी 2 गावे पुन्हा ताब्यात घेतल्यानंतर युरोपीय संघाने हे पाऊल उचलले आहे. अलीकडच्या काळात ईशान्य युरोपमध्ये रशियाला भरपूर यश मिळत असल्याचे दिसून आले आहे. पाश्चिमात्य देशांकडून मदत न मिळाल्यास त्याचे आणखी काही भाग गमवावे लागू शकतात, अशी भीती युक्रेनला आहे.
विशेष निधीमध्ये हस्तांतरित केलेली रक्कम
दरम्यान, युरोपियन युनियनने सांगितले की 90% रक्कम युरोपियन पीस फॅसिलिटी नावाच्या विशेष निधीमध्ये हस्तांतरित केली जाईल. युरोपियन युनियनचे अनेक देश युक्रेनला शस्त्रे पाठवण्यासाठी आधीच याचा वापर करत आहेत.
उर्वरित 10% रक्कम युरोपियन युनियनच्या बजेटमध्ये ठेवली जाईल. ही रक्कम युक्रेनच्या संरक्षण उद्योगाला मदत करेल. मात्र, वृत्तसंस्था एपीच्या वृत्तानुसार काही देशांनी यावर आक्षेप व्यक्त केला आहे.
The European Union paid the interest received from Russian money to Ukraine; 19 lakh crore received as first installment
महत्वाच्या बातम्या
- Sudhir mungantiwar targets sharad pawar : 7 खासदारांच्या नेत्याला पंतप्रधान सोडा, गृहमंत्री देखील होता येत नाही, तेव्हाच…!
- कुपवाडात लष्कर आणि दहशतवाद्यांमध्ये चकमक, ५ जवान जखमी, एक शहीद
- आरबीआय ग्रेड बी भरतीसाठी अर्ज प्रक्रिया सुरू, जाणून घ्या, पात्रता काय असावी?
- विधान परिषदेत शेकापचा उमेदवार पडला, मविआतले छोटे पक्ष दुखावले, भारतीय कम्युनिस्ट पार्टीचा आता स्वबळाचा नारा!!