वृत्तसंस्था
इस्लामाबाद : पाकिस्तानमध्ये चीनच्या मदतीने उभारल्या जाणाऱ्या ग्वादर बंदर प्राधिकरणावर (GPA) बुधवारी संध्याकाळी दहशतवादी हल्ला झाला. ग्वादरमधील संकुलात अनेक स्फोट आणि गोळीबार झाले. येथे एक पासपोर्ट ऑफिसही आहे. या स्फोटात ते पूर्णपणे उद्ध्वस्त झाले आहे.Terrorist attack on Pakistan’s Gwadar port; Baloch Liberation Army claims to have killed 8 people
पाकिस्तानी मीडिया ‘जिओ न्यूज’नुसार, लष्कराने आतापर्यंत 8 दहशतवाद्यांचा खात्मा केल्याचे सांगितले आहे. या हल्ल्यात मारले गेलेले आठ जण हे बलूच लिबरेशन आर्मी (BLA) या बलुचिस्तानच्या प्रतिबंधित संघटनेचे असल्याचे सांगण्यात येत आहे. येथे सैन्य पाठवण्यात आले आहे. लष्कराची काही हेलिकॉप्टर ग्वादर संकुलावर उडताना दिसली. येथेही स्फोट झाले.
सिंधचे मुख्यमंत्री सय्यद मुराद अली शाह म्हणाले- ग्वादरला लक्ष्य करण्यात आले आहे. अनेक दहशतवादी मारले गेले आहेत. यापेक्षा अधिक काही सांगणे घाईचे आहे. लष्कराने परिसराला वेढा घातला आहे. ऑपरेशनची जबाबदारी फक्त त्यांच्यावर आहे. हा प्रकल्प पाकिस्तानसाठी अनेक दृष्टीने अत्यंत महत्त्वाचा आहे. या हल्ल्यामागे कोणत्या संघटनेचा हात आहे, हे सध्या तरी सांगणे कठीण आहे. हा दहशतवादी हल्ला आहे.
2013 मध्ये पाकिस्तानने बलुचिस्तानचा हा महत्त्वाचा सागरी भाग चीनला दिला होता. हा चीन-पाकिस्तान इकॉनॉमिक कॉरिडॉर म्हणजेच CPEC चा सर्वात महत्वाचा भाग आहे.
ग्वादर बंदर सुरुवातीला चीनने बांधले होते, पण नंतर त्याच्या विकासाचे कंत्राट सिंगापूरच्या अधिकाऱ्यांना देण्यात आले. कामाच्या संथ गतीने पाकिस्तानचे समाधान झाले नाही. शुक्रवारी पाक मंत्रिमंडळाने पुन्हा चीनकडे जबाबदारी सोपवण्यास परवानगी दिली.
चीनने ग्वादर बंदरात आपला नौदल तळ बांधावा, अशी पाकिस्तानची इच्छा आहे. चीन हे करेल की नाही हे सांगणे कठीण आहे, पण आता चिनी युद्धनौका या बंदराला भेट देऊ शकणार आहेत.
पाकिस्तानी वृत्तपत्र ‘द एक्सप्रेस ट्रिब्यून’च्या बातमीनुसार, चीन आणि पाकिस्तान संयुक्तपणे 3,000 किलोमीटर लांबीचा आर्थिक कॉरिडॉर (CPEC) बांधत आहेत. या कॉरिडॉरमुळे चीनला तेलाची वाहतूक करण्यासाठी स्वस्त आणि नवीन मार्ग उपलब्ध होणार आहे. याशिवाय मध्यपूर्व आणि आफ्रिकन देशांमध्ये चिनी उत्पादने पोहोचवणे सोपे होणार आहे.
Terrorist attack on Pakistan’s Gwadar port; Baloch Liberation Army claims to have killed 8 people
महत्वाच्या बातम्या
- CEC नियुक्ती कायद्यावर केंद्राचे उत्तर; पॅनेलमध्ये सरन्यायाधीश असणे म्हणजेच आयोग स्वतंत्र असे नाही
- राजकीय पक्षांच्या मोफत ‘भेटवस्तू’ देण्याच्या आश्वासनांबाबत सर्वोच्च न्यायालयाची कडक भूमिका
- सुरुवातीला पवार गटाची चलती, आता अजितदादांच्या कार्यकर्त्यांची कुरघोडी; युगेंद्र पवारांना घेराव!!
- EDने पंजाबमधील तुरुंगात असलेल्या AAP आमदारासह सहा जणांविरुद्ध दाखल केली फिर्याद