वृत्तसंस्था
काबूल : संपूर्ण अफगाणिस्तानवर कब्जा केल्यानंतर तालिबानने महिलांवर निर्बंध लादले आहेत. त्यांच्यावर हिजाबची सक्ती केली आहे. एकटीला घराबाहेर पडण्याची मूभा ठेवलेली नाही. असे असताना तालिबानच्या प्रवक्त्याने मात्र महिलांना शिक्षणाचे आणि काम करण्याचे स्वातंत्र्य असल्याचा दावा केला आहे.Taliban claims women freedom for education and work, but act differently
तालिबानच्या आधीच्या राजवटीत महिलांवर अधिक कठोर निर्बंध होते. परंतु, आता तेवढे कठोर निर्बंध नाहीत. महिलांना शिक्षण घेण्याचे आणि काम करण्याचे स्वातंत्र्य मिळेल. परंतु त्यांनी हिजाब वापरलाच पाहिजे, असे तालिबानच्या प्रवक्त्याने स्पष्ट केले आहे. रॉयटर या वृत्तसंस्थेने ही बातमी दिली आहे.
परंतु प्रत्यक्षात मात्र तालिबानच्या सैन्याच्या कृतीत भेद दिसून येत आहे. कंदहार कब्जात घेतल्यानंतर तालिबानचे सैनिक अझिझी बँकेत घुसले. तेथे काम करत असलेल्या नऊ महिलांना त्यांनी काम बंद करायला सांगितले. त्यांच्या घरातले पुरुष त्यांच्याऐवजी बँकेत काम करू शकतात, असे सांगून तालिबानचे सैनिक तिथून निघून गेले. अझिझी बँकेने या महिला कर्मचाऱ्यांना आता कामावर ठेवण्यास नकार दिला आहे.
तालिबानच्या आधीच्या राजवटीत महिलांवरील कठोर निर्बंध होते. यांमध्ये त्यांना चाबकाने आणि छडीने सार्वजनिक ठिकाणी मारणे, त्यांच्यावर दगडफेक करणे या शिक्षा होत्या. अनैतिक वर्तन ठरविण्याचा संपूर्ण अधिकार तालिबानी राजवटीकडे होता. तिथे अपील नव्हते. आता अशा प्रकारच्या शिक्षा असतील का?, हे अफगाणिस्तानची कोर्ट ठरवतील. मीडियाला सरकारवर टीका करण्याचे स्वातंत्र्य असते असू शकते. परंतु, त्यांनी कोणाचेही चारित्र्यहनन करता कामा नये, असे तालिबानी राजवटीच्या प्रवक्त्याने स्पष्ट केले आहे.
त्याच वेळी महिलांना शिक्षण घेण्याचे म्हणजे शाळेत जाण्याचे आणि काम करण्याचे स्वातंत्र्य असू शकते असे त्याने म्हटले आहे. परंतु कंदहारमधल्या अझिझी बँकेतला प्रसंग मात्र काही वेगळेच सांगतो आहे.
तालिबानचे सैनिक आपल्या कब्जात असलेल्या शहरांमध्ये खुलेआम आनंदात बंदुकीच्या फैरी हवेत झाडत आहेत. अफगाणिस्तानात शांततेत सत्तांतर होत असल्याचे ते बंदुकीच्या फैरी हवेत झाडून जाहीर करत आहेत. काबूलमध्ये शांतता आणि सुव्यवस्था राखायला मावळते अध्यक्ष अशरफ घनी यांनी त्यांच्या सरकारी फौजांना सांगितले होते. या फौजांसमोर तालिबानी सैनिक हवेत गोळ्या झाडून आपला आनंद व्यक्त करत आहेत.
Taliban claims women freedom for education and work, but act differently
महत्त्वाच्या बातम्या
- WATCH : लेबनॉनमध्ये इंधनाच्या टँकरचा भीषण विस्फोट, 28 जणांचा मृत्यू, संतप्त जमावाने टँकर मालकाचे घरही जाळले
- रशियाचे राष्ट्राध्यक्ष पुतीन यांनी दिल्या स्वातंत्र्यदिनाचे शुभेच्छा, म्हणाले- आंतरराष्ट्रीय प्रश्न सोडवण्यात भारताची महत्त्वपूर्ण भूमिका
- Lockdown In Maharashtra : ‘तर महाराष्ट्रात पुन्हा लॉकडाऊन’, स्वातंत्र्यदिनी मुख्यमंत्री उद्धव ठाकरेंनी दिला थेट इशारा
- ‘मुख्यमंत्री मरू द्या, माझ्या अजितदादांना आशीर्वाद द्या,’ शासकीय कार्यक्रमात मंत्री दत्‍तामामा भरणेंचे वादग्रस्त वक्तव्य
- हटके शेती : या वृक्षाची 120 रोपे लावा अन् 12 वर्षांत बना कोट्यधीश, जाणून घ्या याचे वैशिष्ट्य आणि का आहे ए़वढी डिमांड?