वृत्तसंस्था
मॉस्को : रशियाचे अध्यक्ष व्लादिमीर पुतिन आणि चीनचे राष्ट्राध्यक्ष यांची मंगळवारी संध्याकाळी अधिकृत बैठक झाली. यावेळी दोन्ही देशांचे अणुयुद्ध कधीही होऊ नये यावर एकमत झाले. एएफपी या वृत्तसंस्थेनुसार, जिनपिंग आणि पुतिन यांनी बैठकीत एका महत्त्वाच्या घोषणेवर स्वाक्षरीही केली. यात लिहिले होते – अणुयुद्धात कोणीही जिंकत नाही. हे कधीही सुरू होऊ नये.Russia-China agree to avoid nuclear war, sign declaration, Putin says – Jinping’s peace plan could end war
त्याचवेळी रशिया-युक्रेन युद्धावर जिनपिंग यांच्याशी चर्चा करताना पुतिन म्हणाले की, चीनची शांतता योजना युद्ध संपवण्यासाठी आधार म्हणून वापरली जाऊ शकते. ते म्हणाले- जेव्हा पाश्चिमात्य देश आणि कीव्ह तयार होतील तेव्हा शांततेसाठी पुढाकार घेतला जाऊ शकतो. चीनच्या 12 कलमी शांतता योजनेत युक्रेनमधून रशियन सैन्य मागे घेण्याचा उल्लेख नाही. त्यात फक्त चर्चा आणि राष्ट्रीय सार्वभौमत्वाचा आदर करण्याबद्दल सांगितले आहे.
द्विपक्षीय दस्तऐवजावर स्वाक्षरी
रशिया दौऱ्याच्या दुसऱ्या दिवशी जिनपिंग यांनी पुतीन यांच्याशी दोन्ही देशांमधील व्यापक आणि धोरणात्मक भागीदारीबाबत चर्चा केली. आंतरराष्ट्रीय क्षेत्रात रशियन-चीनी सहकार्य अधिक दृढ करण्यावरही चर्चा झाली. याशिवाय जिनपिंग आणि पुतिन यांनी 2030 पर्यंत चीन-रशिया आर्थिक सहकार्य योजनेच्या महत्त्वाच्या पैलूंशी संबंधित द्विपक्षीय दस्तऐवजावरही स्वाक्षरी केली.
मिळून घडवूया बदल : जिनपिंग
बैठकीनंतर दोन्ही नेत्यांनी एकत्र जेवण केले. यानंतर पुतिन रशियन प्रेसिडेंशियल पॅलेस (क्रेमलिन) बाहेर चीनचे अध्यक्ष जिनपिंग यांना भेटण्यासाठी आले. येथे जिनपिंग यांनी पुतीन यांना सांगितले – 100 वर्षांत झाला नाही तो बदल घडत आहे. हा बदल आम्ही एकत्र घडवत आहोत. पुतिन यांनी सहमती दर्शवली आणि जिनपिंग यांच्याशी हस्तांदोलन केले आणि त्यांच्या ‘प्रिय मित्राचा’ निरोप घेतला. 20 मार्च रोजी पुतिन यांनी शी जिनपिंग यांचे स्वागत करताना वेलकम, डियर फ्रेंड असे म्हटले होते.
न्यूयॉर्क टाइम्सच्या रिपोर्टनुसार, सोमवारी रात्री उशिरा रात्रीच्या जेवणानंतर पुतिन आणि जिनपिंग यांची घट्ट मैत्री दिसून आली. जिनपिंग यांना त्यांच्या कारमध्ये सोडण्यासाठी पुतिन वैयक्तिकरित्या गेले होते. याचा एक व्हिडिओ समोर आला आहे. यामध्ये जिनपिंग क्रेमलिन सोडून हॉटेलमध्ये जाताना दिसले. पुतीनही त्यांच्यासोबत होते. रशिया-युक्रेन युद्ध सुरू झाल्यानंतर 20 मार्च रोजी जिनपिंग दोन दिवसांच्या दौऱ्यावर पहिल्यांदा मॉस्कोला पोहोचले.
Russia-China agree to avoid nuclear war, sign declaration, Putin says – Jinping’s peace plan could end war
महत्वाच्या बातम्या
- संसदेत विरोधकांच्या गदारोळातच सरकार मार्गी लावणार कामकाज, वित्त विधेयक आणि अनुदानाच्या मागण्या मंजूर होण्याची शक्यता
- PM मोदींच्या हस्ते आज ITUच्या प्रादेशिक कार्यालयाचे उद्घाटन, ‘Call Before You Dig’ अ‍ॅपदेखील लॉन्च होणार
- गुढीपाडवा : विजयी पताका श्रीरामाची झळकते अंबरी!!; विजय आणि समृद्धीचे प्रतिक
- पाकिस्तानी पंतप्रधान शहबाज यांना RSS ची वैशिष्ट्ये सांगणार पसमांदा मुस्लिम मंच, शरीफ यांना पाठवली जाणार पुस्तके