लेबनॉनस्थित हिजबुल्लाह संघटना उत्तर इस्रायलवरही सातत्याने हल्ले करत आहे.
विशेष प्रतिनिधी
Israel Hamas War: इस्रायलने दहशतवादी संघटना हिजबुल्लाला धोकादायक इशारा दिला आहे. इस्रायलने हिजबुल्लाला म्हटले आहे की ‘ते हिजबुल्लाशी लढण्यासाठी दुसर्‍या युद्धासाठी तयार आहेत’. हिजबुल्लाहने इस्रायलमधील विमानतळावर हल्ला केला असून, त्यानंतर इस्रायलने हिजबुल्लाला हा इशारा दिला आहे.Ready for another war after the attack on the airport Israel gave a big warning to Hezbollah
इस्रायली सैन्याने रविवारी सांगितले की हिजबुल्लाहने उत्तर इस्रायलमधील हवाई वाहतूक नियंत्रण तळावर हल्ला केला होता. इस्रायल गाझामध्ये हमाससोबत युद्ध करत आहे. त्याचबरोबर लेबनॉनस्थित हिजबुल्लाह संघटना उत्तर इस्रायलवरही सातत्याने हल्ले करत आहे. हिजबुल्लाला इराणचा पाठिंबा आहे.
मध्यपूर्वेतील युद्ध संपवण्यासाठी अमेरिका आपल्या स्तरावर सातत्याने प्रयत्न करत असताना इस्रायलने हिजबुल्लाला इशारा दिला आहे. अमेरिकेचे परराष्ट्र मंत्री अँटनी ब्लिंकन हे देखील मध्यपूर्वेच्या दौऱ्यावर असून तेही इस्रायलला भेट देण्याच्या तयारीत आहेत.
कतारला गेलेले प्रमुख मध्यस्थ ब्लिंकेन यांनी कतारमधील चर्चेनंतर पत्रकारांना सांगितले, “हा एक संघर्ष आहे जो सहजपणे नवीन रूप घेऊ शकतो. “यामुळे प्रदेशात आणखी असुरक्षितता आणि दुःखाचे वातावरण निर्माण होऊ शकते.” इस्रायल आणि हिजबुल्लाह यांच्यातील सीमेपलीकडील लढाईत सातत्याने वाढ झाल्याने प्रादेशिक संघर्ष रोखण्यासाठी अमेरिकेचे प्रयत्न अधिकच किचकट होताय.
हिजबुल्लाहने शनिवारी माउंट मेरॉनवरील संवेदनशील हवाई वाहतूक नियंत्रण तळावर हल्ला केला, परंतु हवाई संरक्षण यंत्रणेला फटका बसला नाही, असे इस्रायली सैन्याने सांगितले. ते म्हणाले की, एकही सैनिक जखमी झाला नाही आणि सर्व नुकसान झालेल्या वस्तूंची दुरुस्ती केली जाईल. गाझामधील इस्रायलच्या युद्धादरम्यान हिजबुल्लाहने केलेला हा सर्वात गंभीर हल्ला आहे.
इस्रायली सैन्याने रविवारी सांगितले की हिजबुल्लाहने उत्तर इस्रायलमधील हवाई वाहतूक नियंत्रण तळावर हल्ला केला. यासोबतच इस्रायली लष्कराने इराण समर्थित अतिरेकी गटाशी ‘दुसरे युद्ध’ सुरू करण्याचा इशारा दिला आहे. इस्रायल गाझामध्ये हमासच्या अतिरेक्यांशी लढत असताना लेबनॉनच्या सीमेवरील लढाईत वाढ झाली आहे.
Ready for another war after the attack on the airport Israel gave a big warning to Hezbollah
महत्वाच्या बातम्या
- बांगलादेशात शेख हसीनांचे सत्तेत पुनरागमन, पाचव्यांदा पंतप्रधान म्हणून निवड!
- INDIA आघाडीत फूट? जागावाटप झालेले नसताना केजरीवालांकडून उमेदवाराची घोषणा
- “जुना भारत” समजून खेळायला गेले कुस्ती; मोदींच्या नव्या भारताने उतरवली मालदीवची मस्ती!!
- टीएमसी नेत्याविरोधात जारी केलेल्या लुकआउट नोटीसीवरून काँग्रेसची खोचक टिप्पणी