वृत्तसंस्था
इस्लामाबाद : Pakistan ATC पाकिस्तानच्या दहशतवादविरोधी न्यायालयाने (Anti-Terrorism Court) माजी पंतप्रधान इम्रान खान यांच्या पाकिस्तान तहरीक-ए-इन्साफ (PTI) पक्षाच्या 47 नेत्यांना आणि समर्थकांना प्रत्येकी 10 वर्षांच्या तुरुंगवासाची शिक्षा सुनावली आहे. यासोबतच प्रत्येक आरोपीला 5 लाख पाकिस्तानी रुपयांचा दंडही ठोठावण्यात आला आहे. हा निर्णय 9 मे 2023 रोजी झालेल्या हिंसक निदर्शनांशी संबंधित प्रकरणात देण्यात आला.Pakistan ATC
ही निदर्शने तेव्हा सुरू झाली होती, जेव्हा पीटीआयचे संस्थापक आणि माजी पंतप्रधान इम्रान खान यांना इस्लामाबादमध्ये अटक करण्यात आली होती. अटकेनंतर देशभरात त्यांच्या समर्थकांनी निदर्शने केली, जी अनेक ठिकाणी हिंसक झाली आणि तोडफोडीच्या घटना घडल्या.Pakistan ATC
निदर्शनांदरम्यान काही लोकांनी रावळपिंडी येथील लष्कराच्या जनरल मुख्यालय (GHQ) मध्ये घुसण्याचा प्रयत्नही केला. यावेळी अनेक सरकारी मालमत्तेचे नुकसान झाले.
न्यायालयाचे न्यायाधीश अमजद अली शाह यांनी आरोपींच्या अनुपस्थितीत हा निर्णय दिला, कारण वारंवार बोलावूनही ते न्यायालयात हजर राहत नव्हते.
इम्रान खान सध्या अडियाला तुरुंगात बंद आहेत आणि त्यांच्यावर अनेक खटले सुरू आहेत. भ्रष्टाचाराच्या एका प्रकरणात त्यांना आधीच 17 वर्षांची शिक्षा सुनावण्यात आली आहे.
Pakistan ATC Sentences 47 PTI Leaders to 10 Years in Prison VIDEOS
महत्वाच्या बातम्या
- Anil Ambani : अनिल अंबानींच्या रिलायन्स पॉवरच्या ठिकाणांवर ईडीचा छापा; सकाळ होण्यापूर्वीच १५ पथके पोहोचली
- Global Alert : इराण युद्धाच्या झळा, तुर्कीवर हल्ल्यानंतर नाटो देश सतर्क, पाकिस्तानवरही युद्धात उतरण्याचा दबाव
- विलीनीकरण होत नाही, तर बात सोडा; सुनेत्रा पवारांची राष्ट्रवादी आतून पोखरा; शरद पवारांच्या राष्ट्रवादीचा नवा फंडा!!
- Inside Story : सुनेच्या पक्षाने झिडकारले, पण काँग्रेस हायकमांडने तारले, त्यामुळेच शरद पवार राज्यसभेत पोहोचले!!