विशेष प्रतिनिधी
लंडन: तालिबान राजवटीला अफगाणिस्तानचे सरकार म्हणून कोणीही द्विपक्षीय मान्यता देऊ नये, असे आवाहन ब्रिटीश पंतप्रधान बोरिस जॉन्सन यांनी केले आहे. याठिकाणी लवकरच नवीन प्रशासन येईल असा विश्वासही त्यांनी व्यक्त केला आहे.No one should recognize the Taliban regime, appeals British Prime Minister Boris Johnson
एका मुलाखतीत जॉन्सन म्हणाले, तालिबानला कोणी द्विपक्षीय मान्यता द्यावी अशी आमची इच्छा नाही. संयुक्त राष्ट्र आणि नाटोसारख्या यंत्रणांद्वारे अफगाणिस्थानच्या प्रश्नावर एकत्रितपणे काम केले जाण्याची अपेक्षा आहे. सर्व समविचारी लोकांनी एका व्यासपीठावर येऊन अफगणिस्थान पुन्हा एकदा दहशतवादाचे केंद्र बनू नये यासाठी प्रयत्न करावेत.
तालिबानी बंडखोर रविवारी काबूलमध्ये दाखल झाले आहेत. त्यानंतर अध्यक्ष अशरफ घनी यांनी देश सोडला आहे. या पार्श्वभूमीवर जॉन्सन म्हणाले, बिटनचे राजदूत चोवीस तास काम करत आहेत. अफगणिस्थानमध्ये अडकून पडलेल्या नागरिकांचे अर्ज भरून घेतले जात आहेत.
अफगणिस्थान इतक्या लवकर तालिबानच्या हाती पडेल अशी अशी अपेक्षा होती का यावर जॉन्सन म्हणाले, अमेरिकेने सैन्य माघारी घेण्याचा निर्णय घेतल्यानंतर गोष्टी त्वरेने घडत गेल्या.
यापूर्वी रशियानेही तालीबानला अधिकृत सरकार म्हणून मान्यता देण्यास नकार दिला आहे.
No one should recognize the Taliban regime, appeals British Prime Minister Boris Johnson
महत्त्वाच्या बातम्या
- राज ठाकरे यांच्यावरील टीकेमुळे मराठा संघटना आणि मनसे आमने-सामने
- चार मोटारींमध्ये पैसे भरून अफगणिस्थानचे राष्ट्राध्यक्ष अश्रफ घनी गेले पळून
- तालीबान सत्तेवर आल्याने भारतातील अनेकांना फुटू लागल्या आनंदाच्या उकळ्या, इम्रान खान यांचीच भाषा समाजवादी पक्षाचेही नेते बोलू लागले
- स्वाभिमानी शेतकरी संघटनेचे आमदार देवेंद्र भुयार यांना तीन महिने कारावासाची शिक्षा
- मराठा आरक्षणावर राष्ट्रवादीचा पोलखोल करणार, सभा घेतील तेथे पुन्हा सभा घेऊ, चंद्रकांत पाटील यांचा इशारा