वृत्तसंस्था
वॉशिंग्टन : खलिस्तानी दहशतवादी गुरपतवंत सिंग पन्नूच्या हत्येचा कट रचल्याचा आरोप असलेल्या निखिल गुप्ताच्या कुटुंबीयांनी सर्वोच्च न्यायालयात याचिका दाखल केली आहे. निखिलला प्राग (चेक प्रजासत्ताक) येथील तुरुंगात बेकायदेशीरपणे डांबण्यात आल्याचा आरोप करण्यात आला आहे. तुरुंगात, त्याला जबरदस्तीने डुक्कर आणि गायीचे मांस खायला दिले गेले, जे हिंदू प्रथांच्या विरोधात आहे.Nikhil Gupta Force-fed Beef in Czech Republic; Petition in Supreme Court in Pannu case
याबाबत त्यांनी अधिकाऱ्यांना माहिती दिली, मात्र त्यांना शाकाहारी जेवण मिळाले नाही. अमेरिकेच्या परवानगीशिवाय तो कोणालाही कॉल करू शकत नाही, असे प्रागच्या अधिकाऱ्यांनी त्याला सांगितले होते. मीडिया रिपोर्ट्सनुसार, निखिलला 19 जुलै रोजी पहिल्यांदा भारतीय अधिकाऱ्यांशी संपर्क साधण्याची परवानगी देण्यात आली होती. तोपर्यंत त्याच्या अटकेला 20 दिवस उलटून गेले होते.
उच्च न्यायालयाच्या मध्यस्थीनंतर कुटुंबीयांशी बोलण्याची परवानगी
प्राग उच्च न्यायालयाच्या मध्यस्थीनंतरच त्याला त्याच्या कुटुंबीयांशी बोलण्याची परवानगी देण्यात आली. झेक प्रजासत्ताकमध्ये निखिलच्या मूलभूत अधिकारांचे उल्लंघन होत असल्याचा दावा निखिलच्या कुटुंबीयांनी सर्वोच्च न्यायालयात केला आहे. याशिवाय त्यांच्या व त्यांच्या कुटुंबीयांच्या जीवालाही धोका आहे.
मात्र, सर्वोच्च न्यायालयाने हे प्रकरण संबंधित देशाच्या न्यायालयात घेण्यास सांगितले आहे. तसेच याचिकाकर्त्याला पुढील सुनावणीपूर्वी याचिकेची प्रत सरकारकडे सादर करण्याचे आदेश दिले आहेत. या प्रकरणाची पुढील सुनावणी 4 जानेवारीला होणार आहे.
अटक करून कारमध्ये बसवले, फोन हिसकावून घेतला
याचिकेनुसार, निखिलला अमेरिकन एजंट्सनी प्रागच्या व्हॅकलाव्ह हॅवेल विमानतळाच्या इमिग्रेशन सेंटरमधून बाहेर पडल्यानंतर अटक केली, जे आंतरराष्ट्रीय कायद्यांच्या विरोधात आहे. अटक केल्यानंतर त्याला जबरदस्तीने काळ्या रंगाच्या कारमध्ये बसवून त्याचा फोन हिसकावण्यात आला. याचिकेत म्हटले आहे की, निखिलची कारमध्ये सुमारे 3 तास चौकशी करण्यात आली.
यानंतर कथित अमेरिकन अधिकाऱ्यांनी त्याला स्थानिक पोलिसांच्या ताब्यात दिले. येथे त्याची रक्त तपासणी आणि बायोमेट्रिक डेटा घेण्यात आला. निखिलच्या अटकेबाबत चेक प्रजासत्ताकमधील भारतीय दूतावासाला कोणतीही माहिती देण्यात आलेली नाही, असे याचिकेत नमूद करण्यात आले आहे.
मीडिया रिपोर्ट्सनुसार, अमेरिका निखिलला आपल्या देशात आणण्याचा प्रयत्न करत आहे. या प्रकरणात भारताने हस्तक्षेप करण्याचे आदेश द्यावेत, अशी मागणी याचिकाकर्त्याने सर्वोच्च न्यायालयाकडे केली आहे.
Nikhil Gupta Force-fed Beef in Czech Republic; Petition in Supreme Court in Pannu case
महत्वाच्या बातम्या
- छाप्यांमध्ये 351 कोटी सापडल्यानंतर 10 दिवसांनी धीरज साहूनी तोंड उघडले; “हात” वर करून मोकळे झाले, पण…
- अयोध्येत 22 जानेवारीच्या राम लल्ला प्रतिष्ठापना सोहळ्यानंतर भाजपचे मतदारांसाठी अयोध्या यात्रांचे भव्य आयोजन!!
- विधानसभा अध्यक्षांना सुप्रीम कोर्टाची मुदतवाढ; शिवसेना आमदारांच्या पात्र पात्रतेचा निर्णय 10 जानेवारीला!!
- Good news! आता ‘या’ देशात जाण्यासाठी भारतीयांना गरजेचा नसेल ‘Visa’