earthquake hits china : चीनच्या सिचुआन प्रांतातील लक्सियन काउंटीला गुरुवारी झालेल्या 6.0 तीव्रतेच्या शक्तिशाली भूकंपात तीन जण ठार झाले आणि 60 जण जखमी झाले. चीन भूकंप प्रशासनाने घटनास्थळी आपत्ती निवारणाच्या कामाचे मार्गदर्शन करण्यासाठी एक टास्क फोर्स पाठवले, असे शिन्हुआ वृत्तसंस्थेने म्हटले आहे. magnitude six earthquake hits china sichuan province three dead
वृत्तसंस्था
बीजिंग : चीनच्या सिचुआन प्रांतातील लक्सियन काउंटीत गुरुवारी झालेल्या 6.0 तीव्रतेच्या शक्तिशाली भूकंपामुळे तीन जण ठार झाले आणि 60 जण जखमी झाले. चीन भूकंप प्रशासनाने घटनास्थळी आपत्ती निवारणाच्या कामाचे मार्गदर्शन करण्यासाठी एक टास्क फोर्स पाठवले आहे, अशी शिन्हुआ वृत्तसंस्थेने दिली.
एकूण 890 कमांडर आणि जवळपासच्या फायर आणि रेस्क्यू ब्रिगेडच्या जवानांना गोळा करण्यात आले आहे, तर आणखी 4,600 बचावकर्ते तयार आहेत. या घटनेत एकूण 737 घरे कोसळली, 72 चे गंभीर नुकसान झाले, तर 7,290 घरांचे काही प्रमाणात नुकसान झाले.
वृत्तसंस्था IANS नुसार, भूकंपग्रस्त झियामिंग टाऊनशिपच्या मार्गावरील घरे भूकंपाच्या केंद्रस्थानी दिसली. शहरातील बहुतांश घरांमध्ये वीज ठप्प झाली आहे. फुजी वस्तीमध्ये मुसळधार पावसादरम्यान स्वयंसेवक घरोघरी जाऊन पडझड झालेल्या ठिकाणी लोकांना शोधत आहेत आणि त्यांना तात्पुरत्या आश्रयस्थानांमध्ये घेऊन जात आहेत.
स्थानिक सरकारच्या म्हणण्यानुसार, गुरुवारी सकाळपर्यंत 6,900 हून अधिक प्रभावित रहिवाशांना स्थलांतरित करण्यात आले आहे आणि 10,000 पेक्षा जास्त लोकांना तात्पुरत्या आश्रयामध्ये हलवण्यात आले आहे.
चीन भूकंप नेटवर्क केंद्रानुसार, भूकंप सकाळी 4.33 वाजता झाला. प्रांतीय सरकारने मंजूर केलेल्या, सिचुआनमधील भूकंप निवारण मुख्यालयाने लेव्हल -२ प्रतिसाद सक्रिय केला आहे, जो चीनच्या चार-स्तरीय भूकंप आपत्कालीन प्रतिसाद प्रणालीमध्ये दुसरा सर्वात मोठा आहे. काही दूरसंचार बेस स्टेशन आणि केबलचे नुकसान झाले. रेल्वे अधिकाऱ्यांच्या मते, लुझोऊ हायस्पीड रेल्वे स्टेशन बंद करण्यात आले आहे. सर्व कोळसा खाणींना भूमिगत कामकाज थांबवण्याचे आणि खाणीतील खाण कामगारांना बाहेर काढण्याचे आदेश देण्यात आले आहेत.
magnitude six earthquake hits china sichuan province three dead
महत्त्वाच्या बातम्या
- Virat Kohli : कर्णधारपदी असताना देशात एकही टी-20 सिरीज गमावली नाही, असा होता विराट कोहलीचा टी-२० प्रवास
- Virat Kohli : विराट कोहलीनंतर आता कोण होऊ शकतो टी-20 संघाचा कर्णधार, ‘या’ दोन खेळाडूंची नावे आघाडीवर
- ORGAN DONATION PUNE : पुण्यातील श्रुति नरे…फक्त १७ वर्ष जगली ; पण ६ जणांना जीवदान देऊन गेली…
- राज्याच्या कर लावण्याच्या अधिकारावर गदा आल्यास स्पष्ट भूमिका मांडू – अजित पवार
- सीईटी परीक्षा देणाऱ्या विद्यार्थ्यांना मुंबईत लोकल प्रवासाची मुभा