वृत्तसंस्था
टोकियो : जपानने फुकुशिमा अणु प्रकल्पातून रेडिओअ‍ॅक्टिव्ह (किरणोत्सर्गी) पाणी प्रशांत महासागरात सोडण्यास सुरुवात केली आहे. जपानी वेळेनुसार काल दुपारी 1:03 वाजता ही प्रक्रिया सुरू करण्यात आली. पहिल्या दिवशी सुमारे 2 लाख लीटर पाणी सोडण्यात येणार असल्याचे वृत्त जपान टाइम्सने दिले आहे. त्यानंतर ते 4.60 लाख लीटरपर्यंत वाढवले जाईल.Japan is releasing 133 crore liters of radioactive water into the sea, excitement in China-South Korea
अणुऊर्जा प्रकल्पाची देखभाल करणाऱ्या TEPCO कंपनीने सांगितले की, प्रथम नमुना म्हणून सुरुवातीच्या टाकीतून काही पाणी सोडण्यात आले. आधी आणि नंतरची सर्व परिस्थिती तपासली गेली. त्यात काहीही अडचण आढळली नाही. त्यामुळे आता प्लांटमधून पाणी सोडणारा पंप 24 तास कार्यरत राहील.
- शेतकऱ्यांसाठी फडणवीसांची जपानमधून शिष्टाई; केंद्र सरकार 2 लाख मे.टन कांदा 2410 ₹ दराने खरेदी करणार!!
का सोडले जात आहे पाणी?
बारा वर्षांपूर्वी 2011 मध्ये भूकंप आणि त्सुनामीमुळे फुकुशिमा अणु प्रकल्पात भीषण स्फोट झाला होता. तेव्हापासून तेथे 133 कोटी लिटर रेडिओअ‍ॅक्टिव्ह पाणी साचले आहे. आता त्यातून सुटका करून घेण्यासाठी जपान त्याचा निचरा करत आहे. न्यूयॉर्क टाइम्सच्या मते, तेथे साठलेले पाणी 500 ऑलिम्पिक जलतरण तलावाच्या इतके आहे. हे पाणी समुद्रात सोडण्याच्या विषयाने सध्या चीन आणि दक्षिण कोरियाचे लोक घाबरले आहेत.
133 कोटी लिटर पाणी कसे जमा झाले?
11 मार्च रोजी पहाटे 3.42 वाजता जपानमध्ये 9.1 रिश्टर स्केलचा भूकंप झाला. त्यामुळे समुद्रात त्सुनामी आली. भूकंपाचे धक्के जाणवताच फुकुशिमा येथील समुद्रकिनारी बांधण्यात आलेल्या अणुऊर्जा प्रकल्पातील अणुभट्ट्या बंद करण्यात आल्या. अणुभट्टी थंड करण्यासाठी जनरेटर सुरू करण्यात आले. आणीबाणीच्या जनरेटरने गरम अणुभट्टी थंड करण्याआधी, पाणी प्लांटमध्ये शिरले.
यानंतर आपत्कालीन जनरेटर बंद करण्यात आला त्यामुळे गरम अणुभट्टी थंड झाली. काही वेळाने अणुऊर्जा प्रकल्पात भयानक स्फोट होऊ लागले. अणुभट्ट्यांमध्ये साखळी प्रतिक्रिया टाळण्यासाठी पुढील अनेक महिने ती 133 कोटी लिटर समुद्राच्या पाण्याने थंड ठेवण्यात आली.
यामुळे 64 प्रकारचे रेडिओअ‍ॅक्टिव्ह पदार्थ पाण्यात विरघळले. यामध्ये कार्बन-14, आयोडीन-131, सीझियम-137, स्ट्रॉन्टियम-90 कोबाल्ट, हायड्रोजन-3 आणि ट्रिटियम हे घटक मानवासाठी हानिकारक आहेत.
यापैकी बहुतेक किरणोत्सर्गी पदार्थांचे आयुष्य खूपच कमी असते. त्यामुळे त्यांचा प्रभाव संपला आहे. तथापि, कार्बन-14 सारखे काही पदार्थ आहेत ज्यांचा क्षय होण्यास 5000 वर्षे लागतात. याव्यतिरिक्त, अणुभट्टीच्या पाण्यात ट्रिटियमचे कण अजूनही आहेत.
जगाभरातून चिंता व्यक्त
रेडिओअ‍ॅक्टिव्ह पाणी सोडल्यास समुद्रातील अन्न म्हणजे मासे, खेकडे आणि सागरी जीवांच्या माध्यमातून ते मानवी शरीरात पोहोचू शकते, अशी भीती चीन आणि दक्षिण कोरियाला आहे. ट्रिटियम त्वचेवर पडणे हानिकारक नाही, परंतु शरीरात प्रवेश केल्याने कर्करोगासारख्या आजारांचा धोका वाढू शकतो.
हाँगकाँग आणि चीनने जपानमधून सीफूडच्या आयातीवर बंदी घातली आहे. त्याच वेळी दक्षिण कोरियाच्या विद्यार्थी संघटनेने सोलमधील जपानच्या दूतावासात घुसखोरी करण्याचा प्रयत्न केला. त्यामुळे अनेक विद्यार्थ्यांना ताब्यात घेण्यात आले आहे.
जगाला संकटात टाकण्याचे काम जपानने केल्याचे चीनने म्हटले आहे. रॉयटर्सच्या रिपोर्टनुसार, याचा जपानच्या शेजारी देशांसोबतच्या संबंधांवर वाईट परिणाम होऊ शकतो.
Japan is releasing 133 crore liters of radioactive water into the sea, excitement in China-South Korea
महत्वाच्या बातम्या
- पंतप्रधान मोदी आणि शी जिनपिंग यांच्यात चर्चा, ‘LAC’वरील तणाव कमी करण्यावर एकमत!
- रॉकेट्री : नंबी इफेक्ट ते द काश्मीर फाइल्स; राष्ट्रीय बाण्याच्या सिनेमांवर राष्ट्रीय चित्रपट पुरस्कारांची मोहोर!!
- चांदणी चौक : रस्ते चकचकीत, वाहतूक सुरळीत!!
- नरसिंह राव काँग्रेसचे नव्हे, तर भाजपचे पहिले पंतप्रधान; सोनियांच्या उपस्थितीत मणिशंकर अय्यरांचे आरोप बेलगाम!!